Fréttablaðið - 27.09.2006, Blaðsíða 38

MARKAÐURINN
Almennt virðist mikil ánægja ríkja með fyr-
irhuguð kaup OMX, sem rekur kauphallir á
Norðurlöndunum og í Eystrasaltsríkjunum,
á Eignarhaldsfélaginu
Verðbréfaþingi, sem á og
rekur Kauphöll Íslands.
Talað er um að þarna hafi
verið stigið tímabært skref
í að þróa markaðinn hér,
enda smæð hans jafnvel
talin hafa verið farin að
hamla stærstu fyrirtækj-
unum sem á hann eru
skráð. Þá hafa forsvars-
menn fyrirtækja talað um
að hér hafi skort á áhuga
erlendra fjárfesta og grein-
ingardeilda stórra erlendra
banka.
Þrjú fyrirtæki
Kauphallarinnar rata inn á
lista yfir 50 stærstu félög
innan OMX, Kaupþing banki
í 22. sæti, Glitnir banki í 47.
sæti og Landsbanki Íslands
í 48. sæti. Þá er ekki langt í
tvö næstu fyrirtæki Exista
og Actavis, markaðsvirði
þeirra er nú um 255 og 226
milljarðar króna, en finnska
fyrirtækið Kesko, sem er í
50. sæti á listanum, er 279
milljarða króna virði.
ÁVINNINGUR FYRIR ALLA
Gengið var frá viljayfirlýs-
ingu um kaupin í síðustu
viku en formleg undirritun
á að verða í lok næsta mán-
aðar. Stefnt er að því að
sameiningin taki gildi um
áramót og íslensk fyrirtæki
verði þá hluti af Norræna listanum. Í kjölfar-
ið eyst sýnileiki fyrirtækjanna til muna og
um leið verður markaðsupplýsingum héðan
dreift með öðrum upplýsingum frá OMX og
íslensk bréf verða hluti af OMX vísitölunum.
Vísitölur fyrir íslensk bréf endurspegla svo
áfram þróunina í kauphöllinni hér.
Kaupverðið nemur um þremur milljörðum
króna, en hluthöfum í eignarhaldsfélaginu
Verðbréfaþingi býðst að fá nýútgefna 2,07
milljón hluti í OMX í skiptum fyrir hlut
sinn í Verðbréfaþingi. Verðmæti bréfanna
er metið á 2.450 milljónir króna. Að auki fá
hluthafar greitt handbært fé og verðbréf í
eigu Verðbréfaþings að verðmæti 570 millj-
ónir króna.
Eftir kaupin lúta Kauphöllin og
Verðbréfaskráning áfram íslenskum lögum
og eftirliti yfirvalda. Þá er kálið ekki alveg
sopið því kaupin eru háð áreiðanleikakönnun,
undirritun samnings um sameiningu, sam-
þykki eftirlitsstofnana og samþykki auka-
aðalfundar OMX. Ekki eru þó taldar miklar
líkur á að snurða hlaupi á þráðinn úr þessu.
Sameining OMX og Kauphallarinnar er
sögð munu hafa ávinning í för með sér
fyrir alla sem að málum koma um leið og
stuðlað sé að enn frekari samþættingu nor-
ræns verðbréfamarkaðar. Fyrir rekur OMX
kauphallir í Kaupmannahöfn, Stokkhólmi,
Helsinki, Ríga, Tallin og Vilníus. Kauphöll
Íslands sér svo um rekstur VMF, kauphall-
arinnar í Færeyjum, og því í raun ekki nema
Kauphöllin í Osló í Noregi sem stendur stök
fyrir þetta samstarf kauphalla Norðurlanda
og Eystrasaltsríkjanna. Þegar tilkynnt var
um kaupin var haft eftir Jukku Ruuska,
forstjóra kauphallararms OMX, að félagið
væri ánægt með að dýpka samstarfið enn
frekar og það byði markaðinn hér velkominn
inn í OMX. „Við erum að skapa samþættan
norrænan markað til að auka viðskipti milli
Norðurlandanna og gera hann meira aðlað-
andi í augum erlendra fjárfesta,“ sagði hann.
ÁFRAMHALDANDI SAMHÆFING
Þórður Friðjónsson, forstjóri Kauphallarinnar,
segir það sem snýr að skráðum fyrirtækjum,
27. SEPTEMBER 2006 MIÐVIKUDAGUR10
Ú T T E K T
YS OG ÞÝS Í OMX
KAUPHÖLLINNI
DÖNSKU Margir telja
heppilegt að gengið
hafi verið inn í OMX
samstarfið áður en til
frekari samruna stærri
kauphalla kunni að koma.
Er talið óvíst að kauphöll
af þeirri stærðargráðu
sem yrði til við samruna
Lundúnakauphallarinnar
og OMX eða í samstarfi
við Nasdaq hefði mikinn
áhuga á því að leggja í
vinnu við að koma á sam-
starfi við jafnlitla kauphöll
og sú íslenska er.
Mynd/OMX
Kaupmannahöfn
Innan OMX fá fyrirtækin
aukna athygli og fleiri tækifæri
Stærri fyrirtæki sem skráð eru í Kauphöll Íslands eru talin njóta góðs af fyrirhuguðum
samruna kauphallarinnar hér við OMX kauphallirnar. Helsta áhyggjuefnið meðan verið
var að velta fyrir sér sölunni var hvernig smærri fyrirtækjum myndi reiða af. Þrjú íslensk
fyrirtæki eru meðal 50 stærstu félaga OMX. Óli Kristján Ármannsson kynnti sér samrun-
ann og viðhorf til hans.
S A M E I N I N G I N Í H N O T S K U R N
Í kjölfar fyrirhugaðra kaupa á Eignarhaldsfélaginu
Verðbréfaþingi verður OMX móðurfélag samstæð-
unnar.
OMX er þegar skráð félag í kauphöllunum í
Stokkhólmi, Helsinki og Kaupmannahöfn og þegar
gengið hefur verið frá kaupunum hyggst félagið
sækja um skráningu í Kauphöll Íslands.
Eftir kaupin lúta Kauphöll Íslands og
Verðbréfaskráning Íslands eftir sem áður íslensk-
um lögum og eftirliti íslenskra yfirvalda.
Kauphöll Íslands verður markaðssett undir merkj-
um OMX.
Stjórn OMX kauphallanna samanstendur af fram-
kvæmdastjórum innan OMX og utanaðkomandi
stjórnarmönnum sem eru fulltrúar lykilhluthafa.
Stjórnin mun hafa einn utanaðkomandi stjórnar-
mann sem er fulltrúi íslenska markaðarins.
Eignarhaldsfélagið Verðbréfaþing ætlar að skipa
ráðgjafanefnd með núverandi stjórnarmönnum
Eignarhaldsfélagsins sem á að veita ráðgjöf um
skipan íslensks stjórnarmanns í stjórn OMX kaup-
hallanna. Þá er sú nefnd sögð reiðubúin til ráð-
gjafar um önnur mikilvæg málefni fyrir íslenskan
markað.
Lenner & Partners eru fjárhagslegir ráðgjaf-
ar við kaupin og Vinge lögfræðilegur ráðgjafi
OMX. JPMorgan er svo fjárhagslegur ráðgjafi
Eignarhaldsfélagsins Verðbréfaþings og Logos lög-
mannsþjónusta lögfræðilegur ráðgjafi.
Um áramótin, þegar sam-
runinn við OMX gengur í
garð, verður einnig nafni
iSEC, hlutabréfamarkað-
ar Kauphallarinnar fyrir
smá og millistór fyrirtæki,
breytt og hann fær heitið
First North. First North
er annar stærsti evrópski
hlutabréfamarkaðurinn
fyrir smá og millistór fyrir-
tæki hvað fjölda fyrirtækja
varðar. Þórður Friðjónsson
forstjóri Kauphallarinnar
segir ástæðuna fyrir breyt-
ingunni fyrst og fremst vera
þá að OMX sé með sambæri-
lega First North markaði,
eða markaðstorg á hinum
Norðurlöndunum. „Við vilj-
um fella íslenska markaðinn
undir það heiti og teljum
það einfaldlega markaðnum
til góðs að tilheyra stærri
fjölskyldu. Við ætlum hins
vegar ekki að breyta við-
skiptahugmyndinni í sjálfu
sér, en hún er ekki alveg
sambærileg í öllum atriðum
við hina First North mark-
aðina þótt ekki muni þar
miklu, auk þess sem reynd-
ar er líka munur á milli
Norðurlandanna líka. En við
ætlum að reyna til þrautar
þá uppbyggingu markaðar-
ins sem lagt var upp með,“
segir Þórður og bendir á að
mikil fjölgun fyrirtækja sé
á First North mörkuðunum.
„Ég er staðfastlega þeirrar
trúar að við eigum eftir að
sjá þann markað lifna vel
við.“ Sem stendur er einung-
is eitt fyrirtæki, Hampiðjan,
skráð á iSEC markaðinn, en
hann var gangsettur fyrr á
árinu. Þórður segir að smám
saman verði trúlega aukin
samræming meðal allra
First North markaðanna.
iSEC verður First North