Fréttablaðið - 05.10.2006, Qupperneq 44

2
„Ég bjó um tíma úti í Noregi og
stundaði dálítið göngur þar. Þegar
ég flutti heim til Íslands fann ég
mjög sterkt að staðir sem tengjast
mér persónulega toguðu í mig,“
segir Tómas, sem er sérkennslufull-
trúi í Kópavogi en rekur uppruna
sinn til Siglufjarðar. Því segir hann
umhverfi Siglufjarðar hafa mikið
gildi fyrir sig og kveðst sækjast
eftir að fara um þær gönguleiðir
sem hafa verið merktar þar í kring.
„Þó að ég telji mig engan sérstak-
an göngugarp hef ég farið nokkuð
víða um landið en finn að það hefur
langmest áhrif á mig að ganga um
mínar gömlu heimaslóðir.“
Beðinn að nefna einhverja
gönguleið hér í nágrenni höf-
uðborgarsvæðisins sem upp úr
stendur kemur fossinn Glymur
í Hvalfirði strax upp í hugann.
Þangað kveðst hann skreppa oft
ásamt konu sinni, jafnvel tvisvar
á ári, enda sé leiðin skemmtileg
og mátulega löng til að leggja í
hana eftir vinnu. „Ferðin tekur í
mesta lagi þrjá til fjóra tíma frá
því að lagt er af stað að heiman
þar til komið er til baka,“ segir
hann til skýringar og lýsir leið-
inni nánar. „Við keyrum inn úr
Botnsdal eins langt og komist
verður á bílnum, förum yfir ána
skammt þar fyrir innan og höldum
inn með gljúfrinu. Það er hægt að
komast fyrir erfið höft með því að
ganga upp fyrir gilin og þaðan er
gott útsýni niður í gljúfrið og yfir
dalinn. Fossinn blasir líka fallega
við þegar komið er að honum frá
þessari hlið og síðan förum við
upp fyrir brúnina og yfir ána aftur
til að ganga niður hinum megin
því það er mun þægilegri leið.“
gun@frettabladid.is
Gengur oft upp
að Glymi
Ræturnar toga Tómas Jónsson sérkennslufulltrúa til
Siglufjarðar í gönguferðir. Fossinn Glymur í Hvalfirði og
umhverfi hans eru líka í uppáhaldi
Tómas sækist eftir að ganga um sínar gömlu heimaslóðir fyrir norðan. FRÉTTABLAÐIÐ/ANTON
„Fólkið sem hefur gengið saman
á miðvikudögum í sumar ætlar að
mæta hingað á skrifstofu Útivistar
við Laugaveg 178 klukkan 20.30 og
undirbúa sig fyrir gönguna,“ segir
Bjarney Sigurjónsdóttir, starfsmað-
ur Útivistar, glöð í bragði, enda um
töluvert frábrugðið ferðalag að ræða.
„Fólkið mun hafa með sér nesti og
undirbúa sig undir gönguna hér á
skrifstofunni, en undirbúningi á að
ljúka um 22.30 og þá verður haldið
meðfram Heklu og Öskju (fyrirtæk-
in við Laugaveg) sem leið liggur
niður Laugaveginn. Ferðina ætlum
við svo að enda á veitingastaðn-
um Angelo við Laugaveg þar sem
skífuþeytir spilar fyrir okkur dans-
væna músik, enda er reiknað með
nokkru stoppi þarna,“ segir Bjarney
og bætir því við að leiðsögumaður
ferðarinnar, Pétur J. Jónasson muni
aðeins ábyrgjast ferðalangana þar
til komið er að veitingastaðnum.
Útivistarræktin þykir nokk-
uð sérstakt fyrirbæri en hún var
stofnuð haustið 1995 sem viðbót
við aðrar ferðir Útivistar. Það þótti
nokkuð djarft á þeim tíma að bjóða
upp á ferðir þar sem ekki var inn-
heimt þátttökugjald en reynslan
hefur sýnt að þessar ferðir hafa
styrkt aðrar ferðir félagsins og
félagsstarfið, því þátttakendur í
ferðum Útivistarræktarinnar nálg-
ast nú tuttugu þúsund. Margir líta
á gönguferðir útivistarræktarinn-
ar sem viðhald eða upphitun fyrir
sumargöngurnar auk þess sem þetta
er fínasta leið til að halda líkaman-
um í formi.
Gengið er tvisvar í viku allt árið
og þrisvar í viku frá vori og fram
á haust.
Á mánudögum í vetur hittist
hópurinn klukkan 18.00 við Topp-
stöðina við Elliðaár og svo er farinn
hringur í Elliðaárdalnum. Gengið er
upp í gegnum hólmann í ánni og
vestan megin við ána upp að Vatns-
veitubrú, þar sem farið er austur yfir
ána. Hlé er gert í nágrenni Árbæj-
arlaugar og svo er haldið niður með
Elliðaánum að austan. Gönguferð-
inni lýkur á sama stað og hún hófst
rúmri klukkustund fyrr.
Á fimmtudögum er farið kl.
18.00 frá bílastæði við austurenda
göngubrúarinnar yfir Kringlumýr-
arbraut í Fossvogi og gengið vest-
ur með Öskjuhlíð, um Nauthólsvík
og út í Skerjafjörð. Farið er sömu
leið til baka og gönguferðin tekur
rúma klukkustund eins og á mánu-
dögum.
Þátttaka í ferðir Útivistarræktar-
innar er öllum heimil og þátttöku-
gjald er ekkert.
FERÐIR Á VEGUM ÚTIVISTAR Í
OKTÓBER
Sunnudagur 8. október.
Laugarvatnsfjall, 680 m
Brottför frá BSÍ kl. 09.00
Laugarvatnsfjall er eins og nafnið
gefur til kynna bæjarfjall Laug-
vetninga með frábæru útsýni yfir
Laugarvatn, Apavatn, Grímsnes og
nærsveitir. Gangan hefst við Réttar-
tungur. Haldið er upp Laugarvatns-
rana, meðfram brúnum fjallsins í átt
að Klukkutindum og komið niður í
Skillandsdal við sumarhúsabyggð-
ina í Miðfellslandi. Vegalengd 14
km. Hækkun 600 m. Göngutími
5-6 klst.
SUNNUDAGUR 15. OKTÓBER.
Hestfjall, 322 m
Brottför frá BSÍ kl. 10.30.
Gangan hefst skammt frá Kiðja-
bergi en haldið verður meðfram
bökkum Hvítár umhverfis Hestfjall
uns komið er að eyðibýlinu Gísla-
stöðum. Þá verður farið upp á fjall-
ið. Gott útsýni er af toppi fjallsins
en sagt er að unnt sé að greina 20
til 30 kirkjur þaðan í góðu skyggni.
Í Hestfjalli sunnanverðu má greina
markaða brimhjalla frá þeim tíma
er Suðurlandsundirlendið var undir
sjó. Haldið verður til baka meðfram
strönd Hestvatns. Vegalengd 16 km.
Hækkun 300 m. Göngutími 6 klst.
HELGARFERÐIR
13.–15. október.
Landmannalaugar
Brottför frá BSÍ kl. 19.00.
Ekið í Landmannalaugar og geng-
ið um nágrennið. Á kvöldin gefst
tækifæri til að láta þreytuna líða úr
líkamanum í notalegri laug í góðum
félagsskap. Gengið um gil og fjalls-
rana, í Hattver og að hverasvæðinu
við Brennisteinsöldu.
JEPPAFERÐIR
13.–15. október.
Jökulheimar ¿ Breiðbakur
Brottför kl. 19.00.
Ekið í Hrauneyjar þar sem tekið
verður eldsneyti og síðan haldið í
Jökulheima. Á laugardegi verður
fundið vað á Tungná og haldið fram
Breiðbak, ekið um Blautulón og
Skælinga og gist í Hólaskjóli. Heim
á leið verður farið um Syðra-Fjalla-
bak með viðkomu í Strút. Þaðan
yfir Markarfljót og til byggða.
Skráning í ferðir Útivistar fara
fram á vefsíðu þeirra www.utivist.
is eða í síma 562-1000.
Skífuþeytir í Laugavegsgöngu
Á morgun mun ferðafélagið Útivist standa fyrir nokkuð sérstakri göngu í tilefni þess
að nú er sumargöngum Útivistarræktarinnar að ljúka. Líkt og síðastliðin ár verður
Laugavegurinn genginn, en í þessu tilfelli er átt við Laugaveg þann er liggur meðfram
Skólavörðuholtinu í Reykjavík.
Gönguhópur Útivistarræktarinnar gengur sér til heilsubóta, alla mánu og fimmtudaga í vetur. Annað kvöld ætla þau að ganga niður Lauga-
veginn og enda á veitingastað.
Á haustin hýrnar yfir skotveiði-
mönnum sem fá tækifæri til að
komast á gæsa- og rjúpnaskitterí.
Við vildum endilega taka púlsinn á
skotveiðinni í ár og hringdum því í
Róbert Schmidt hjá Ellingsen sem er
með stærstu skotveiðideild lands-
ins. “Gæsaveiðin er rétt hafin, því
kornuppskera er hálfum mánuði til
þremur vikum á eftir venjulegu ári,”
segir Róbert og bætir við að í Land-
eyjum eigi flestir kornbændur eftir
að slá sína akra, en þar sé veiðin
ekki hafin þó september hafi oftast
verið góður mánuður til gæsaveiða.
“Ég held að október verði mjög
góður.”
Við víkjum því talinu að rjúpna-
veiðinni og segir hann tímabilið
hefjast á sunnudegi í ár, en svo er
bannað að veiða á mánudögum,
þriðjudögum og miðvikudögum
þannig að hin hefðbundna rjúpna-
opnun, þar sem menn fara saman
út á land og veiða saman í nokkra
daga, mun detta upp fyrir í ár, “
segir Róbert.
Hann segir veiðina hafa breyst eftir
að reglur voru hertar, sérstaklega
þar sem menn megi ekki selja rjúp-
una. “Nú eru menn frekar að njóta
veiðarinnar og eru bara að veiða
fyrir sig og sína fjölskyldu,” segir
Róbert. Ákjósanlegast sé að hafa
smá snjó við veiðarnar, því þá sé
leikurinn jafnari, en rjúpan eigi
auðveldara með að sleppa í snjónum
en á auðri jörð. “Sumir vilja meina
að rjúpnaveiðitímabilið ætti að vera
frá 1.nóvember til 15.desember, því
þá er meira um snjó,” segir Róbert.
Annars er hann bjartsýn veiðiárið
í ár og er sannfærður um að veiði
verði góð.
Veiði verður góð
Gæsaveiðin er rétt að hefjast þar sem kornuppskera var
með seinna móti og rjúpnaveiðin hefst um miðjan mán-
uðinn.
Róbert Schmidt forstöðumaður veiðideildar Ellingsen, telur hert lög á rjúpnaveiði hafi verið
til góðs.
■■■■ { útivist & hreyfing } ■■■■■■■■■■■■■■■■■■■■■■■■■■■■■■■■■■■■■■■■■■■■■