Fréttablaðið - 11.10.2006, Qupperneq 8

8 11. október 2006 MIÐVIKUDAGUR
VEISTU SVARIÐ?
550 5000
AUGLÝSINGASÍMI
DRESDEN, FRÉTTABLAÐIÐ Morðið á
blaðamanninum Önnu Politkov-
skaju í Moskvu á laugardag varp-
aði skugga á fund Vladimírs Pútín
Rússlandsforseta með Angelu
Merkel, kanslara Þýskalands, í
Dresden í Saxlandi í gær. Leið-
togarnir hittust þar í tilefni af
sjötta tvíhliða samráðsfundi Þjóð-
verja og Rússa, en þetta reglulega
samráð er kennt við Pétursborg og
er ætlað að efla pólitísk, viðskipta-
og menningarleg tengsl milli stór-
þjóðanna tveggja.
Morðið á blaðamanninum Polit-
kovskaju, sem var þekkt fyrir
gagnrýna umfjöllun um stríðs-
reksturinn í Tsjetsjeníu, hefur
beint athygli umheimsins að því
hvernig Pútín-stjórnin hefur
þrengt að prentfrelsi í Rússlandi
og jók mjög þrýstinginn á Merkel
að gera mannréttindi í Rússlandi
að umræðuefni á fundinum.
Fyrir fundinn lét þýski innan-
ríkisráðherrann Wolfgang Schäuble
hafa eftir sér að Merkel hefði
„bundið enda á þá öfugsnúnu stefnu
Schröders [fyrirrennara Merkel]
að láta sem við [Þjóðverjar] ættum
ekki í betri tengslum við nokkurt
land annað en Rússland.“
Frá Dresden heldur Pútín í opin-
bera heimsókn til Bæjaralands. Í
heimsókninni mun Pútín bjóða
þýskum iðnfyrirtækjum til sam-
starfs; þau fái forgangsrétt að
rússneska markaðnum gegn því að
rússnesk (ríkis-)fyrirtæki fái að
fjárfesta í þeim. - aa
Pútín Rússlandsforseti hitti Merkel kanslara í Dresden:
Leiðtogafundur í
skugga morðs
LAGANNA VERÐIR Lögreglufylgd Pútíns í gær fyrir utan hótelið í Dresden sem forset-
inn og fylgdarlið gisti í. Gríðarleg öryggisgæsla var í kringum heimsóknina.
Stækkaðu við þig fyrir aðeins
1.990.000 kr.
�������������������������������������������� ������������������������������������������������������������������� �������
���������������������������������������������������������������������������������������� �����������������������������������
������������������������������������������������������������������������������������������������������������ �����
Nýr, fallegri og miklu
betri Opel.
�������� ����������������������� ���������������������������������������������������
���������������������������
������������������������������������
������ ��������������������������������������������������������������������
HAUST TILBOÐ Á VECTRA ELEGANCE
DÓMSMÁL Kona á þrítugsaldri, sem
grunuð er um að hafa átt stóran
þátt í skipulagningu á smygli tæp-
lega tveggja kílóa af kókaíni hing-
að til lands, hefur verið dæmd í
Hæstarétti í áframhaldandi gæslu-
varðhald til 16. nóvember. Hæsti-
réttur staðfesti þar með úrskurð
héraðsdóms.
Efnin voru tekin í farangri
stúlku innan við tvítugt í Leifsstöð
9. ágúst. Í för með henni var karl-
maður, sem var handtekinn í flug-
stöðinni eftir að hann hafði farið í
gegnum hlið tollgæslunnar. Þau
voru að koma frá Spáni. Í kjölfarið
voru svo þrír aðrir, þar á meðal sú
sem á ráðin hafði lagt, handteknir.
Stúlkan reyndist vera burðardýr
og var henni fljótlega sleppt, eftir
að hennar þáttur í málinu taldist
upplýstur. Maðurinn sem kom
með henni til landsins, svo og
ofangreind kona, eru þau einu sem
enn sitja inni vegna málsins.
Í greinargerð lögreglu til héraðs-
dóms segir meðal annars að konan
hafi játað þátttöku sína í smyglinu,
sem hún segir tilkomna vegna þess
að hún skuldi manni, sem hún
hefur ekki viljað nefna, peninga
vegna fíkniefnaviðskipta. Hún er
sú eina af fimmmenningunum sem
handteknir voru sem áður hefur
komið við sögu lögreglu vegna
fíkniefnabrota. - jss
HÆSTIRÉTTUR ÍSLANDS Staðfesti
gæsluvarðhaldsúrskurð Héraðsdóms
Reykjavíkur.
Hæstiréttur staðfesti úrskurð um gæsluvarðhald yfir konu á þrítugsaldri:
Skipulagði stórfellt smygl
1 Hver eru eftirlætis bítlalög
borgarstjóra Reykjavíkur?
2 Hvenær verður matarskattur
lækkaður?
3 Hvað þýddi orðið limbó upp-
haflega í kaþólskri kenningu?
SVÖRIN ERU Á SÍÐU 42
LÖGREGLUMÁL Tveir menn sluppu
ómeiddir þegar bifreið sem þeir
óku valt á Holtavörðuheiðinni seint
á mánudagskvöld.
Að sögn varðstjóra hjá lögregl-
unni í Borgarnesi var bifreiðin á
lélegum sumardekkjum og misstu
mennirnir vald á henni, en mikil
hálka og vindur var á heiðinni.
Bifreiðin valt út fyrir veg og niður
háan kant. Hún er gjörónýt.
Sjúkrabíll og læknir voru kallaðir
á staðinn en mennirnir reyndust
eins og fyrr segir ómeiddir.
Lögreglan beinir því til
ökumanna að fara varlega í
umferðinni því á þessum árstíma
geti verið hált víða. - þsj
Bílvelta á Holtavörðuheiði:
Valt í mikilli
hálku og vindi