Fréttablaðið - 11.10.2006, Side 44

■■■■ { sendum grýluna heim } ■■■■■■■■■■■■■■■■■■■■■■■■■■■■■■■■■■■■■■■■■■■■4
Svíþjóð hefur náð langt á alþjóða-
vettvangi í knattspyrnu. Því er
ekki hægt að neita. Landið er eitt
af fáum sem hafa fengið að halda
heimsmeistaramót í knattspyrnu og
á heimavelli komst sænska lands-
liðið alla leið í úrslitaleikinn þar
sem það tapaði fyrir Brasilíu og 17
ára ungstirninu Pelé.
Samtals hefur Svíþjóð ellefu
sinnum komist í úrslitakeppni HM
og þrívegis hefur liðið unnið til
verðlauna.
1934 - HM á Ítalíu
Svíar tóku þátt í fyrstu heimsmeist-
arakeppninni sem haldin var í Evr-
ópu. Þetta var einnig fyrsta keppn-
in þar sem undankeppni var haldin.
Sextán lið tóku þátt og var keppt
samkvæmt útsláttarfyrirkomulagi.
Svíar unnu Argentínu í sextán liða
úrslitum en töpuðu fyrir Þjóðverj-
um í fjórðungsúrslitum.
1938 - HM í Frakklandi
Sama fyrirkomulag var í keppninni
og þeirri á undan og komust Svíar
nú alla leið í undanúrslit þar sem
þeir töpuðu fyrir frábæru liði Ung-
verja. Í leik um þriðja sætið tapaði
Svíþjóð fyrir Brasilíu.
1950 - HM í Brasilíu
Engar keppnir voru haldnar á
stríðsárunum og komst Svíþjóð því
á sitt þriðja mót í röð. Nú var keppt
í riðlum og unnu Svíar sinn riðil
með því að vinna Ítali og gera jafn-
tefli við Paragvæ. Fjögur lið kom-
ust í sérstakan úrslitariðil þar sem
Svíþjóð náði þriðja sæti og þar með
sínum fyrstu verðlaunapeningum.
1958 - HM í Svíþjóð
Svíar komust ekki á HM fjórum
árum fyrr en fengu nú að halda
keppnina og taka þátt sem gestgjaf-
ar. Nú var keppnisfyrirkomulagið
líkara því sem gerist í dag - fyrst
riðlakeppni, svo útsláttarkeppni.
Svíar unnu sinn riðil og lögðu svo
Sovétmenn og Vestur-Þýskaland á
leið sinni í úrslitin. Þeir þóttu lík-
legri til sigurs en Brasilía í úrslita-
leiknum en þá tók 17 ára gutti að
nafni Pelé til sinna ráða og skoraði
tvö mörk í 5-2 sigri. Svíþjóð komst
þó yfir í leiknum.
1994 - HM í Bandaríkjun-
um
Í Bandaríkjunum létu Svíar fyrst
almennilega til sín taka síðan þeir
héldu keppnina sjálfir. Þeir komust upp
úr sínum riðli ásamt Brasilíu en skildu
Rússa og Kamerúna eftir. Í sextán liða
úrslitum lagði liðið Sádi-Arabíu og
svo Rúmeníu í fjórðungsúrslitum. Í
undanúrslitum var svo aftur komið að
Brasilíu og maður mótsins, Romario,
skoraði sigurmarkið seint í leiknum.
Svíar rúlluðu svo yfir Búlgari í leikn-
um um þriðja sætið.
Aðrar keppnir
Síðan 1970 hefur Svíþjóð tekið þátt
í öllum úrslitakeppnum HM nema
þremur. Í fjögur skipti af þeim sjö
hefur liðið komist áfram úr fyrstu
umferðinni og er það einnig tilfellið
um síðustu tvær keppnir.
Sannkölluð
stórþjóð
Thomas Ravelli varð þjóðhetja á svip-
stundu í Svíþjóð er hann varði síðustu
spyrnu Rúmena í vítaspyrnukeppninni í leik
liðanna í fjórðungsúrslitum á HM í Banda-
ríkjunum. Hér óskar Magnus Hedman
honum til hamingju. NORDIC PHOTOS/GETTY
Það þarf vart að taka það fram að
sænska landsliðið sem Íslendingar
etja kappi við í dag er firnasterkt.
Margir vilja halda því fram að Svíar
hafi ekki á jafn sterku liði að skipa
nú og oft áður. Benda menn á að í
liði þeirra nú sé enginn Zlatan Ibra-
himovic, Henrik Larsson hættur og
Andreas Isaksson meiddur. Það var
þó ekki að sjá á leik liðsins gegn
Spánverjum á dögunum að þarna
væri vængbrotið lið á ferðinni.
Svíar hafa náð besta árangri
allra Norðurlandaþjóðanna á stór-
mótum, ef frá er talinn eftirminni-
legur sigur Dana á EM árið 1992
þegar keppnin var haldin í Svíþjóð.
Svíar hafa að vísu aðeins þrisvar
komist í lokakeppni EM og þar af
einu sinni sem gestgjafar. Besta
árangri sínum á EM náðu Svíar ein-
mitt á heimavelli þegar þeir kom-
ust í undanúrslit. Árangur þeirra í
lokakeppni HM er öllu glæsilegri.
Svíar hafa ellefu sinnum komist í
lokakeppni HM og besti árangur
þeirra kom á heimavelli árið 1958
þegar Svíar töpuðu úrslitaleikn-
um gegn Brasilíu, 5-2. Svíar hafa
tvisvar endað í þriðja sæti á HM og
einu sinni í fjórða sæti. Svíar tóku
þátt á HM í Þýskalandi í sumar og
það var fjórða stórmótið í röð sem
þeir komust á.
Færum okkur nú nær nútím-
anum. Svíar hafa leikið þrjá leiki
í undankeppni EM til þessa. Fyrsti
leikur liðsins var gegn Lettum á úti-
velli þar sem Svíar fóru með sigur
af hólmi, 1-0, með marki frá Kim
Källström. Í næsta leik tóku Svíar
á móti Liechtenstein á heimavelli
og unnu þann leik 3-1. Marcus All-
bäck skoraði tvö mörk fyrir Svía
í leiknum og Markus Rosenberg,
leikmaður Ajax, skoraði eitt. Í síð-
ustu umferð tóku Svíar, sem léku á
heimavelli, Spánverja í bakaríið og
fjölmiðlar í Svíþjóð tala um að sá
leikur hafi verið einn sá besti í sögu
þjóðarinnar. Svíar unnu leikinn 2-0
þar sem Johan Elmander og Marcus
Allbäck skoruðu mörkin.
Leiðindaatvik kom upp í sænska
landsliðshópnum í síðasta mánuði
þegar þrír leikmenn liðsins brutu
útivistarreglu og voru fyrir vikið
reknir úr hópnum. Leikmennirn-
ir þrír voru þeir Olof Mellberg,
Christian Wilhelmsson og Zlat-
an Ibrahimovic. Þeir báðust allir
afsökunar og sögðust allir vera
tilbúnir að spila fyrir landsliðið
á nýjan leik ef þeir yrðu kallaðir
í hópinn að nýju. Svo fór að Olaf
Mellberg og Christian Wilhelmsson
voru valdir í hópinn að nýju en
Zlatan Ibrahimovic bað um að fá
frí í þessa tvo leiki sem hópurinn
átti að taka þátt í, gegn Spánverj-
um og íslendingum. Ibrahimovic
hefur látið hafa það eftir sér að
hann sé tilbúinn að spila fyrir hönd
Svía á nýjan leik ef kallið kemur.
Þeir eru þó ekki margir sem sakna
hans eftir sigurinn á Spánverj-
um um síðustu helgi og Svíar eru
brattir fyrir leikinn í dag.
dagur@frettabladid.is
Svíar sakna ekki Ibrahimovic
Svíar eiga sér glæsta sögu á knattspyrnuvellinum og þeir mæta með sterkt lið gegn
Íslandi í dag. Svíar eru brattir fyrir leikinn eftir sigurinn á Spánverjum á dögunum.
Svíar eru hér á æfingu á Laugardalsvellinum á mánudaginn. Þeir mæta með gott lið til
leiks og eru með sjálfstraustið á sínum stað eftir góðan sigur á Spánverjum í síðasta leik.
FRÉTTABLAÐIÐ/ANTON BRINK
Kim Källström er fæddur 24. ágúst
1982 í Sandviken en gælunafn hans
er „Kongo“ Kim. Þessi örvfætti
miðjumaður leikur með stórliði
Lyon í Frakklandi, en þangað var
hann keyptur í sumar frá franska
liðinu Rennes. Källström er mjög
skotfastur leikmaður og frægt var í
sumar þegar hann skaut í hausinn
á markverði sænska landsliðsins,
Andreas Isaksson, á æfingu á HM
í sumar með þeim afleiðingum að
Isaksson rotaðist.
Källström getur spilað jafnt á
miðjunni sem og á vinstri kant-
inum. Hann er fljótur og hefur
góðan leikskilning auk þess sem
hann er gjarn á að taka af skarið
þegar mest liggur við.
Fyrsta félagið sem bauð Källström
atvinnumannasamning var BK
Häcken þar sem faðir hans var
aðstoðarþjálfari. Stóra tækifærið
fékk hann árið 2002 þegar hann
var keyptur til Djurgården. Um
vorið árið 2004 flutti Källström
sig um set og hóf að leika með
Rennes í Frakklandi þar sem hann
lék m.a. með Andreas Isaksson. Í
sumar keypti Gerard Houllier svo
kappann til franska meistaraliðs-
ins Lyon.
Källström lék sinn fyrsta lands-
leik árið 2001 gegn Finnum en alls
hefur hann leikið 36 leiki og skor-
að 5 mörk fyrir Svía. Källström var
einn besti leikmaður Svía á HM í
sumar. Hann byrjaði keppnina á
bekknum en kom inn í liðið fyrir
Anders Svensson og var í byrjun-
arliðinu í þremur leikjum eftir það.
Källström skoraði sigurmark Svía í
1-0 sigri þeirra á Lettum í síðasta
mánuði með glæsilegu skoti. - dsd
„Kongo“ Kim Källström
Källström er öflugur miðjumaður sem leikur með Lyon í Frakklandi.
NORDIC PHOTOS/GETTY IMAGES
 Marcus Allbäck heitir fullu
nafni Marcus Christian Allbäck
og er fæddur 5. júlí árið 1973
í Gautaborg. Allbäck er sóknar-
maður og hefur víða komið við á
löngum ferli en leikur nú með FC
Kaupmannahöfn í Danmörku.
Þau lið sem Allbäck hefur leik-
ið fyrir á ferlinum eru Örgryte í
Svíþjóð, Lyngby í Danmörku,
Heerenveen í Hollandi, Bari á
Ítalíu, Aston Villa á Englandi
og Hansa Rostock í Þýskalandi.
Allbäck hefur spilað á mörgum
stórmótum fyrir Svía og hefur
alls leikið 61 leiki fyrir Svía og
skorað 25 mörk en fyrsti lands-
leikur hans var gegn Suður-Afr-
íku í nóvember árið 1999.
Allbäck skoraði jöfnunarmark
Svía gegn Englendingum á HM í
sumar og það var jafnframt 2000.
markið sem skorað hefur verið í
lokakeppni HM í knattspyrnu.
Allbäck skoraði tvö mörk fyrir
Svía í 3-1 sigri þeirra á Liechten-
stein í síðasta mánuði og síðara
mark Svía gegn Spánverjum á
laugardaginn og hefur því skor-
að þrjú mörk í þremur leikjum til
þessa í undankeppni EM 2008.
Marcus
Allbäck
Allbäck er mikill markaskorari og
hefur víða komið við á löngum ferli
sem knattspyrnumaður.
NORDIC PHOTOS/GETTY IMAGES
 Olof Mellberg, leikmað-
ur Aston Villa á Englandi, heitir
réttu nafni Erik Olof Mellberg og
er fæddur 3.
september árið
1977 í Amne-
härad. Mell-
berg er mjög
l e i k r e y n d u r
leikmaður og
var fyrirliði
sænska lands-
liðsins þar til
í ágúst þegar
Fredrik Ljung-
berg tók við
fyrirliðaband-
inu af honum.
Mellberg hefur einnig verið fyrir-
liði Aston Villa í nokkurn tíma
en eftir að Martin O‘Neill tók við
Villa-liðinu hefur Gareth Barry
gegnt stöðu fyrirliða.
Olaf Mellberg hefur leikið 75
landsleiki fyrir Svía og skorað í
þeim tvö mörk. Mellberg hefur
spilað með Svíum í tveimur loka-
keppnum EM og í tveimur loka-
keppnum HM og því er ljóst að
þar er á ferðinni gríðarlega reynd-
ur leikmaður.
Árið 2003 hlaut Mellberg
viðurkenninguna Besti leikmaður
Svíþjóðar og í ágúst á þessu ári
varð hann fyrsti leikmaðurinn til
að skora á hinum nýja heimavelli
Arsenal, Emirates-leikvanginum,
í 1-1 jafntefli Arsenal og Aston
Villa.
Mellberg er gríðarlega vinsæll
hjá stuðningsmönnum Aston Villa
enda mjög harður í horn að taka
og mjög fastur fyrir í vörn liðs-
ins. Mellberg er nokkuð áberandi
á velli enda með mikið skegg og
minnir oft meira á skógarhöggs-
mann en knattspyrnumann. - dsd
Leikreyndur
varnarmaður
Olof Mellberg er
gríðarlega vinsæll
leikmaður enda
harður í horn að
taka og leikreyndur
varnarmaður.
FRÉTTABLAÐIÐ/ANTON BRINK
Lykilleikmenn