Fréttablaðið - 26.10.2006, Blaðsíða 80

26. október 2006 FIMMTUDAGUR40
menning@frettabladid.is
!
Um helgina verður efnt
til þings í Þjóðleikhúsinu
um Jon Fosse, leikskáldið
norska sem hefur á fáum
árum vakið athygli víða
um álfur fyrir verk sín.
Jon mætir á þingið og gefst
áhugamönnum um feril
hans og verk að heyra hann
sjálfan ræða um hvernig
það er að vera eitt mest
umtalaða leikskáld Norður-
landa um þessar mundir.
Auk Jons verður gestur á þinginu
einn helsti leikgagnrýnandi Svía,
Leif Zern, sem hefur skrifað bók um
skáldið. Leif hefur starfað sem
menningarritstjóri á dagblaðinu
Expressen. Zern skrifaði áralangt
um leiklist og leikhús í Dagens Nyh-
eter.
Þriðji gestur hátíðarinnar er
Berit Gullberg, útgefandi frá Stokk-
hólmi, en hún hefur átt veg og vanda
af því að kynna verk Jons Fosse um
allan heim.
Á þessu ári sýndi Þjóðleikhúsið
Sumardag eftir Jon Fosse á Smíða-
verkstæðinu en það var í fyrsta sinn
sem verk eftir þetta vinsæla leik-
skáld er sýnt í íslensku atvinnuleik-
húsi. Áður hafði Útvarpsleikhúsið
kynnt verk hans íslenskum áheyr-
endum. Jon Fosse er eitt vinsælasta
leikskáld í Evrópu um þessar mund-
ir og hann kemur hingað til lands
beint frá München þar sem hann var
viðstaddur frumsýningu á nýjasta
leikriti sínu. Þjóðverjar hafa reynd-
ar tekið honum flestum þjóðum
betur, en þess sjást merki að Fosse
nær víða hljómgrunni.
Norræn leikskáld hafa lengi átt
nokkuð erfitt uppdráttar á leiksvið-
um Evrópu og Bandaríkjanna, eink-
um eru ensku málsvæðin snúin.
Hafa leikskáld á borð við Noren
komist að, en tónninn er víða and-
snúinn norrænum leikskáldskap.
Með framgöngu Fosses sjá menn
vinsældir í líkingu við hina sígildu
höfunda, Strindberg og Ibsen.
Dagskrá Fosse-hátíðarinnar er
sett saman af leiklestrum á laugar-
dag á smíðaverkstæðinu: kl. 15. er
flutt verkið Nafnið og sonurinn. Þýð-
andi er Hjalti Rögnvaldsson. Átta
leikarar flytja verkið. Um kvöldið er
síðasta sýning á Sumardegi eftir Jon
Fosse að höfundi viðstöddum.
Á sunnudag kl. 15. verður þingað
um leiksskáldskap Fosse á Smíða-
verkstæðinu. Aðalfyrirlesari er Leif
Zern, en þátttakendur í pallborði
verða Berit Gullberg útgefandi, Atli
Ingólfsson tónskáld og Hallmar Sig-
urðsson, leiklistarstjóri Ríkisút-
varpsins. Að loknum pallborðsum-
ræðum mun Hlín Agnarsdóttir,
leikstjóri og leikskáld, ræða við Jon
Fosse. Aðgangur er ókeypis og öllum
heimill. Í tengslum við Fosse-hátíð-
ina sýnir leikhópurinn Jelena verkið
Purpura í Loftkastalanum, unglinga-
verk sem Jon Fosse skrifaði sérstak-
lega fyrir fræðsludeild Breska þjóð-
leikhússins. Verða sýningar í Verinu
í Loftkastalanum dagana 26.-29. okt-
óber kl. 21.00. Fimm ungir áhuga-
menn leika í sýningunni undir stjórn
Friðriks Friðrikssonar.
- pbb
Þingað um leikrit Fosse
JON FOSSE LEIKSKÁLDIÐ NORKA Sækir
Þjóðleikhúsið heim um helgina.
HELGA JÓNSDÓTTIR Stýrir lestri á verki
Fosse.
HLÍN AGNARSDÓTTIR Leiðir samræður
við skáldið.
[TÓNLIST]
UMFJÖLLUN
Það lá fyrir strax og tilkynnt var um
50 ára afmælistónleika Bubba Mort-
hens í Höllinni að það yrði einstakur
viðburður.
Að margra mati, þ.á m. mín, hefur
Bubbi gert flest sín bestu verk þegar
hann hefur verið meðlimur í hljóm-
sveitum og að fá að sjá allar hljóm-
sveitirnar hans á einum tónleikum
var mikið tilhlökkunarefni.
Tónleikarnir voru nýlega gefnir
út bæði á tvöfaldri geislaplötu og
mynddisk. Báðar útgáfurnar eru
eins uppbyggðar. Þarna eru 24 lög
með hljómsveitunum sex (GCD,
Stríð og frið, Das Kapital, MX-21,
Utangarðsmönnum og Egó í þeirri
röð sem þær komu fram á tónleikun-
um), fimm lög með Bubba einum og
eitt lag, Stúlkan sem starir á hafið, í
flutningi Heru Hjartardóttur.
Lagalistinn er auðvitað glæsileg-
ur. Þarna eru margir ef helstu smell-
um Bubba í gegnum tíðina, en líka
minna þekkt lög og ný. Flutningur-
inn er svolítið misjafn, en gleði og
góð stemning skín í gegn. Gott dæmi
um það er þegar salurinn fer í miðju
GCD-prógrammi að syngja afmælis-
sönginn.
Hápunktarnir voru lögin fjögur
með MX-21 (Þorsteinn Magnússon
gítarleikari í miklum ham), Utan-
garðsmannalögin fimm (nostalgía!)
og Blindsker af því að það hefur allt-
af verið mitt uppáhalds Bubbalag og
það var gaman að heyra það í flutn-
ingi Das Kapital, með saxófón og
öllu tilheyrandi.
Að sjálfsögðu er miklu meiri
fengur í DVD-útgáfunni. Tónleikarn-
ir voru teknir upp á fjölmargar kvik-
myndatökuvélar og þess vegna er úr
miklu myndefni að moða. Allt er
þetta mjög faglega unnið. Það eru
flott skot bæði af sviðinu og einstöku
hljóðfæraleikurum og af áhorfend-
um í salnum. Og hljómurinn er ágæt-
ur.
Það eina sem fór í taugarnar á
mér á tónleikunum sjálfum var að
Simmi og Jói hefðu verið fengnir til
að kynna þá. Mér til mikillar ánægju
var búið að klippa þeirra hlut burt úr
útgáfunni sem maður sér á mynd-
disknum að undanskilinni örstuttri
upphafskynningu.
Auk tónleikanna sjálfra eru þrjár
stuttar „fluga á vegg“ heimildar-
myndir sem aukaefni á DVD-útgáf-
unni. Þær sýna unirbúninginn,
afmælisveislu sem haldin var í minni
sal í Laugardalshöllinni rétt fyrir
tónleikana að viðstöddum forsetan-
um og Dorrit og stemninguna bak-
sviðs rétt fyrir tónleika. Skemmtileg
viðbót sem sýnir þennan viðburð í
lífi Bubba og aðdáenda hans frá
öðrum sjónarhornum.
Á heildina litið er þetta fínn
afmælispakki. Þeir sem á annað
borð kunna að meta Bubba ættu að
vera sáttir. Trausti Júlíusson
Fínn afmælispakki
BUBBI
06.06.06
Niðurstaða: 06.06.06 er fínn afmælispakki
sem ætti að falla í kramið hjá Bubba-
aðdáendum. DVD-útgáfan nær enn betur
að fanga þá hátíðarstemningu sem ríkti á
tónleikunum.
Kl. 21
Nykurhópurinn er með ljóðalestur
á Litla ljóta andarunganum í kvöld.
Hefst gamanið kl. 21.00. Þar verða
saman komin nokkur skáld úr hópn-
um og lesa birt og óbirt ljóð. Þau eru
Arngrímur Vídalín, Emil Hjörvar
Pedersen, Jón Örn Loðmfjörð, Kári
Páll Óskarsson, Bjarney Gísladóttir
og Urður Snædal.
Aðgangur er ókeypis og öllum heim-
ill
Rithöfundasambandið hefur
sett saman dagskrár fyrir þrjú
mismunandi aldursstig í skólum
landsins og sendir nú félaga
sína í heimsókn í skólana. Lögð
er áhersla á notkun nýrra miðla.
Fara höfundar tveir og tveir saman
í heimsókn, lesa upp og eiga samtal
við unga lesendur sína. I hópi þeirra
sem fara í þessa för eru skáldin
Sigurður Pálsson og Þórarinn Eldjárn,
Kristín Helga Gunnarsdóttir og
Aðalsteinn Ásberg, Einar Már
og Einar Kárason, Áslaug
Jónsdóttir og Kristín Steins-
dóttir, Gerður Kristný og
Sigrún Eldjárn, Ragnheiður
Gestsdóttir og Þorgrímur
Þráinsson.
Hafa þegar á fjórða tug
skóla tryggt sér heimsókn skáldanna og
standa vonir til að svo vel takist um gest-
komuna að áframhald verði á. Það eru
borg og ríki sem styrkja verkefnið.
Áður fyrr voru heimsóknir skálda í
skóla tíðar, en þeir voru flestir fyrir eldri
bekkinga. Með þessum mannvali er
reynt að brúa bil með hressu prógrammi
fyrir hvern aldurshóp.
Skáld fara í skólana
SIGURÐUR PÁLSSON
LJÓÐSKÁLD SÆKIR
UNGLINGA HEIM
> Ekki missa af
Hugleik sem er með allra
síðustu sýningu á Systrum
eftir Þórunni Guðmunds-
dóttur. Það er aukasýning
á föstudagskvöld kl. 20 og
systratilboð í gangi. Leikið er í
Möguleikhúsinu við Hlemm.
Hausttónleikum Krabba-
meinsfélagsins í Langholts-
kirkju í kvöld. Þar koma fram
meðal annarra KK, Ellen systir
hans, Magnús Eiríksson, Reg-
ína Ósk og fleiri listamenn.
Tónleikarnir eru í minningu
Jóhönnu Arndísar Stefánsdótt-
ur og hefjast kl. 20.00.
ÞAR SEM ÍSLENDINGUM
FINNST SKEMMTILEGAST AÐ DJAMMA
NÁNARI UPPLÝSINGAR
RISADANSLEIKUR
BAGGA-
LÚTUR
SKÍTA
MÓRALL
FLÍS &
BOGOMIL
STÓRTÓNLEIKAR
HÚSIÐ OPNAR KL. 23.00
MIÐAVERÐ 1000 KR
ALDURSTAKMARK 20 ÁRA
HÚSIÐ OPNAR KL. 23.00
MIÐAVERÐ 1500 KR
ALDURSTAKMARK 20 ÁRA
FÖSTUD. 27. OKT. 2006
LAUGARD. 28. OKT. 2006