Fréttablaðið - 26.10.2006, Blaðsíða 86

26. október 2006 FIMMTUDAGUR46
Nýjasta mynd kínverska bardaga-
listamannsins og leikarans Jets
Li, Fearless, verður frumsýnd um
helgina. Myndin er sérstakt gælu-
verkefni leikarans en hún fjallar
um Huo Yuanjia, frægasta bar-
dagalistamann Kína fyrr og síðar.
Huo fæddist árið 1869 og lést
1910 en nafn hans er enn í háveg-
um haft í Asíu og myndin hefur
notið gríðarlegra vinsælda í álf-
unni þar sem hún hefur í aðsókn
slegið út myndir á borð við Crouch-
ing Tiger, Hidden Dragon, Hero
og House of Flying Daggers.
Persónulegir harmleikir dundu
á Huo sem gafst þó aldrei upp og
barðist til metorða en hann þykir
hafa fest sannan anda asískra bar-
dagalista í sessi sem leið til and-
legrar fyllingar og friðar. Huo
stofnaði JingWu-bardagaskólann
en skólinn kemur við sögu í Bruce
Lee myndinni Fist of Fury og í Fist
of Legend með Li sjálfum.
Leikstjóri myndarinnar, Ronn-
ie Yu, hefur líkt og Jet Li haldið
sig í Hollywood undanfarin ár og
gerð þar myndir eins og The 51st
State, Bride of Chucky og Freddy
vs. Jason. Þeir félagar sneru aftur
á heimaslóðir til þess að gera sögu
Huos skil og höfðu sér til fullting-
is Yuen Wo Ping sem sá um bar-
dagaatriðin í The Matrix og Kill
Bill. Hann þykir ná nýjum hæðum
í útfærslu raunverulegra slags-
mála í Fearless þar sem lítið er um
tæknibrellur og kempurnar láta
einfaldlega hnefana tala á tjald-
inu.
Jet Li lætur hnefana tala
GOTT GLÁP
Mýrin: Myndin sem allir
eru að tala um og er sýnd
fyrir fullum sölum. Baltasar
Kormáki tekst hér að flytja
glæpasögu Arnalds Indriða-
sonar með miklum glæsibrag á hvíta tjaldið. Mynd sem
ekki er hægt að leyfa sér að missa af.
Infernal Affairs: The Departed eftir Martin Scorsese er
byggð á þessari hressilegu Hong Kong-mynd og djöful-
gangurinn er síst minni hjá löggum og bófum sem berast
á banaspjótum í Hong Kong en Boston. Hörkumynd.
Monster House: Fínn spennuhrollur fyrir kalda krakka
sem kalla ekki allt ömmu sína og stærsti kosturinn við
hana er sá að hárin rísa einnig á fullorðna fólkinu.
JET LI Leikur átrúnaðargoð sitt, Huo
Yuanjia, af lífi og sál í Fearless.
Eftirlætis kvikmynd:
Það fer alltaf eftir því í hvernig skapi ég er.
Núna er það... Fried Green Tomatoes.
Eftirminnilegasta atriðið:
Það er örugglega þegar ég sá Hannibal
Lecter í fyrsta sinn, það var ógeðslegt. Hann
blikkaði ekki augunum, algjör viðbjóður.
Uppáhaldsleikstjóri:
Luc Besson.
Mesta hetja hvíta tjaldsins:
Það er Woody Allen. Hann er hvunndags-
hetjan og bara snillingur.
Mesti skúrkurinn:
Flottasti skúrkurinn er Goldfinger úr James
Bond-myndinni. Mér fannst hann mjög
flottur.
Hvaða persóna fer mest í taugarnar á
þér?
Allir „heimskir“ karakterar í íslenskum
bíómyndum, eins og heimska fólkið úr
Blossa. Þeir eru bara of mikið.
Ef þú fengir að velja þér kvikmynd til
að leika í, hvernig væri söguþráður-
inn, hver væri leikstjóri og hver myndi
leika á móti þér?
Það væri íslensk hryllingsmynd sem
gerist á sjó. Leikstjórinn væri Reynir
Lyngdal og ég væri mjög til í að leika á
móti Theódóri Júlíussyni.
KVIKMYNDANJÖRÐURINN GUÐRÚN DANÍELSDÓTTIR, GARÚN, AÐSTOÐARLEIKSTJÓRI
Woody Allen mesta hetjan
Helgi Gunnlaugsson,
prófessor í félagsfræði við
Háskóla Íslands, heldur fyr-
irlestur á morgun sem nefn-
ist Afbrotafræði íslenskra
glæpasagna. Þar mun hann
m.a. fjalla um Mýrina út frá
afbrotafræðilegu sjónar-
horni.
Fyrirlestur Helga er hluti af sjö-
undu félagsvísindaráðstefnu
Háskólans sem verður haldin í
Odda og Lögbergi frá klukkan 9 til
17. „Ég skoða týpurnar í bókum
Arnaldar, til dæmis gerendur
glæpa og hvernig lýsingin er á
þeim,“ segir Helgi. „Ég skoða
fíkniefnasalana, fórnarlömb eitur-
lyfja og leynilögregluna sjálfa.
Þarna eru ákveðnar staðalmyndir
sem við sjáum í erlendum bókum.
Arnaldur setur þetta í íslenskan
búning.“
Með erfðasyndina í blóðinu
Helgi segir að glæpamennirnir í
bókum Arnaldar séu oftast nær
málaðir mjög dökkum litum og
eigi sér í raun engar málsbætur.
„Holberg [í Mýrinni] er til dæmis
algjör mannleysa og nauðgari.
Hann er fyrirlitlegur karakter og
maður er í raun og veru gáttaður á
því hvernig hann getur gengið
laus. Hann er hálfgert „monster“
sem er meira að segja með erfða-
syndina í blóðinu þar sem dauðinn
birtist,“ segir Helgi. „Vafalítið eru
einhver dæmi um svona glæpa-
menn en yfirleitt eru þeir marg-
brotnari en þetta. Vissulega
fremja þeir glæpi en þeir eru ekki
illmenni út í gegn.“
Eva á sér ekki viðreisnar von
Að sögn Helga lýsir Arnaldur
heimi fíkniefnanna á einfald-
ari hátt en hann er í raun og
veru. „Eins og kemur
skýrt fram í Dauða-
rósum þá koma
fíkniefnin að utan og
fíkniefnasalinn á
bak við allt saman
slettir amerísku og er samvisku-
laus dópsali. Þarna er staðalmynd
á ferðinni því raunveruleikinn er
miklu blandaðari. Það er til dæmis
mjög þunn lína á milli dópsala og
dópista,“ segir hann.
„Fleiri staðalmyndir má nefna
eins og Birtu í Dauðarósum og
Evu Lind. Henni er lýst sem algjör-
lega viljalausu verkfæri sem á sér
enga viðreisnar von og er næstum
því dæmd til að deyja. Eva Lind er
í dauðadái alla bókina í Grafar-
þögn. Það eru til neytendur af
mörgu tagi og það er fíkniefna-
neysla úti um allt í samfélaginu.
Það eru samt fæstir sem eru eins
og Eva Lind, sem er ekki með
sjálfri sér.“
Ofsalega vel gerð mynd
Helgi er búinn að sjá Mýrina á
hvíta tjaldinu og finnst hún að
mörgu leyti mjög góð. „Hann
er flottur handverksmaður
hann Baltasar. Í sambandi
við framvinduna þá
skautar hann svolítið
hratt yfir og það eru oft óljósar
tengingar. Mér fannst Elliði mjög
góð týpa og þetta er ofsalega vel
gerð mynd en það eru vankantar í
henni,“ segir hann.
Erlendur er ekki algjör gunga
„Erlendur fellur inn í þessa týpu
sem við þekkjum úr skandinavísk-
um raunsæisbókmenntum og
rannsóknarlöggum á borð við
Morse. Hann gerir ekki allt með
tilþrifum en það er stundum smá
töggur í honum. Hann er ekki
algjör gunga. Hann er Íslendingur
sem heitir Erlendur og er að tak-
ast á við hið nýja Ísland og verja
það fyrir erlendu glæpunum,“
segir Helgi.
„Síðan er þarna Sigurður Óli
sem er menntaður frá Ameríku og
tekur þessu með hneykslun en
gengur samt í gegnum þetta, því
svona er þetta bara. Hann er að
sumu leyti skilgetið afkvæmi
nútímasamfélagsins og hugsar til
dæmis meira um sjálfa sig en
aðra.“
Fyrirlestur Helga verður á
milli kl. 15.00 og 17.00 á morgun í
stofu 102 í Lögbergi og eru allir
áhugamenn um bækur Arnaldar
Indriðasonar og kvikmyndina
Mýrina hvattir til að mæta.
freyr@frettabladid.isv
Erlendar staðalmyndir
í íslenskum búningi
HELGI GUNNLAUGSSON Helgi segir að veruleikinn sé ekki eins einfaldur og honum
er lýst í bókum Arnaldar Indriðasonar. FRÉTTABLAÐIÐ/VILHELM
ERLENDUR Ingvar E.
Sigurðsson fer með
hlutverk Erlends í kvik-
myndinni Mýrin.
Þrátt fyrir að fátt bendi til annars en að enski leikarinn Daniel Craig
muni koma sterkur inn sem nýr James Bond og skila hlutverki þess
skotglaða kvennaljóma með miklum sóma heyrast enn efasemdaraddir
frá heitttrúuðum aðdáendum þessa svalasta njósnara hennar hátignar.
Ráðning Craigs í hlutverkið mætti strax mikilli andstöðu harðra Bond
aðdáenda sem fundu honum allt til foráttu. Allt frá því að hann væri
ljóshærður til þess að leikaranum sjálfum væri ekki vel við byssur.
Aðfinnsluefnin voru flest léttvæg og andúðin illa ígrunduð og kjánaleg.
Háralitur Bonds og í raun húðlitur skiptir ekki máli. Hann þarf bara að
vera töff. Samuel L. Jackson gæti því alveg leikið hann rétt eins og
Pierce Brosnan. Craig er töffari og nýtt sýnishorn úr Casino Royale hefði
átt að þagga niður í grátkórnum. Hann er vissulega öðruvísi Bond en
hann er eitursvalur og ef stiklan gefur rétta mynd af Casino Royale sem
heild þá megum við eiga von á hörku Bond mynd.
Heimurinn sem við lífum í breytist hratt og Bond verður að breytast
með eigi hann að komast af. Ný kynslóð harðjaxla á borð við Jack Bauer
og Jason Bourne kalla nú á aðra endurnýjun á Bond og aðdáendur hans
mega eiga von á uppfærðum töffara sem stenst kröfur nýrrar aldar.
Afdráttarlausri stefnubreytingu sem þessari er upplagt að fylgja úr hlaði
með nýjum og ferskum manni sem á að vera eitthvað annað og meira en
skugginn af Connery. Framleiðendur Bond myndanna reyndu á sínum
tíma að taka U- beygju þegar Ástralinn lánlausi George
Lazenby tók við af Connery í On Her Majesty‘s Secret
Service. Þar var gert lúmskt póstmódernískt grín að
fjarveru Connerys og þeirri óþægilegu stöðu sem
arftakinn var í. Þetta skilaði sér í bráðsmellinni og
stórlega vanmetinni Bond mynd sem leið fyrir það
að aðdáendur njósnarans ætluðu sér aldrei að
gefa Lazenby tækifæri.
Það mátti líka svo sem finna ýmislegt að
leikaranum en líkurnar á að sagan endurtaki sig í
nóvember eru hverfandi. Craig er maður til þess
að standa andstreymið af sér og úrtöluliðið mun,
þegar upp verður staðið, þurfa að éta stóru orðin.
Skotleyfi á Bond afturkallað
AF HVÍTA TJALDINU
Þórarinn Þórarinsson
bio@frettabladid.is
V
in
n
in
g
ar
v
er
ð
a
af
h
en
d
ir
h
já
B
T
Sm
ár
al
in
d.
K
ó
p
av
o
g
i.
M
eð
þ
ví
a
ð
t
ak
a
þ
át
t
er
tu
k
o
m
in
n
í
SM
S
kl
ú
b
b.
9
9
kr
/s
ke
yt
ið
.
FRÁ FRAMLEIÐENDUM
CROUCHING TIGER,
HIDDEN DRAGON
FRUMSÝND 27. OKTÓBER
SENDU SMS JA JLV Á 19
00
OG ÞÚ GÆTIR UNNIÐ B
ÍÓMIÐA!
VINNINGAR ERU BÍÓMI
ÐAR,
DVD MYNDIR OG MARG
T FLEIRA