Fréttablaðið - 26.10.2006, Síða 84
26. október 2006 FIMMTUDAGUR44
Um aldir hafa Íslendingar átt sam-
skipti við Ítalíu. Héðan fór fiskur
fyrr á öldum og beint til hafnar í
Genúa. Við lutum um aldir kirkju-
stjórn þar í landi og þangað sóttu
menn vakningu í listum og menn-
ingu. Vínin þeirra drekkum við og
pastað er tíður kostur á öllum
heimilum, en aldrei höfum við lagt
okkur eftir að læra tungu þeirra og
fylgjast með því sem efst er á
baugi í menningunni þar suður
frá.
Þessa vikuna minna ítölsk
stjórnvöld á tungu sína og menn-
ingu um víða veröld. Átakið kalla
þau „La settiman della lingua ital-
iana nel mondo“ og er þetta í sjö-
unda skipti sem til þess er gripið.
Af því tilefni er hingað komin í
boði stjórnvalda skáldkonan Dacia
Maraini sem er einn af virtustu
núlifandi rithöfundum heimalands
síns.
Dacia er Flórensbúi en hefur
gert sögu lands síns og þjóðar að
sínum heimabæ í verkum sínum
Hún hefur sent frá sér skáldsögur,
smásögur, ljóð, yfir 30 leikrit ásamt
fjölmörgum ritgerðum um bók-
menntir og leikhús.
Dacia hefur leikstýrt átta kvik-
myndum (þeirra á meðal stutt-
myndium og heimildarmyndum
fyrir sjónvarp) og tekið þátt í að
skrifa kvikmyndahandrit ásamt
höfundum eins og Pier Paolo Pasol-
ini, Marco Ferreri og Margarethe
Von Trotta.
Mariani tók saman við Alberto
Moravia rithöfund snemma á sjö-
unda áratugnum. Þau ferðuðust
saman víða um heiminn og dvöldu
um tíma í Afríku. Ritratto di donne
africane er ein af hennar þekkt-
ustu heimildarmyndum frá þeim
tíma, 1977.
Verk hennar einkennast af per-
sónulegum hugleiðingum um
félagslegar umbreytingar sem og
stöðnun og í þeim koma sterkt
fram viðhorf hennar gagnvart
ofbeldi á konum og börnum. Meðal
hennar þekktustu verka eru í ensk-
um þýðingum Woman at War (1975)
sem fjallar um ítölsku femínista-
hreyfinguna, Isolina (1985), sönn
saga um ofbeldi gegn konum og
The Silent Duchess (1990) sem
fjallar um líf daufdumbrar
aðalskonu á Sikiley á fyrri helm-
ingi átjándu aldarinnar. Nýjasta
skáldsaga Maraini ber titilinn
Colomba og kom út árið 2004.
Í tengslum við ítölsku menning-
arvikuna er haldin ráðstefna þar
sem Dacia kynnir verk sín og
afstöðu.
Það er Stofnun Vigdísar Finn-
bogadóttur sem stendur fyrir ráð-
stefnunni hér ásamt ítalska sendi-
ráðinu og er hún í húsakynnum
Norrænahússins í dag kl 17.30-
19.30. Aðgangur er öllum opinn og
er gestum boðið upp á léttar veit-
ingar. Þar verður rætt við skáld-
konuna á ensku. - pbb
HEIMSÞEKKT SKÁLDKONA, DACIA MARAINI, SÆKIR ÍSLAND HEIM:
Skáld og baráttukona
Dacia Maraini Er úr innsta kjarna valdamikilla listamanna á ítalíu og er víða um
lönd viðurkennd sem mesta kvenskáld þeirra að frátalinni Elsu Morante.
Tvær ævisögur poppara komu út
fyrir skömmu í Bretlandi: Adam
Ant hefur sett saman æviferil sinn,
Stand and Deliver, og Cris Salewicz,
áhangandi Clash, hefur tekið saman
bók sem hann kallar Redemption
Song um ævi Joes Strummer.
Strummer var stofnandi og for-
kólfur Clash, höfuðbandsins í
breska pönkinu. Strummer var
óvenjulegur maður sem lést af
hjartaáfalli 2002. Í bókinni er
honum raunar lýst sem tveimur
mönnum. Hann var kominn af vel-
stæðu fólki, faðir hans var í utan-
ríkisþjónustunni, og ólst upp meðal
forréttindafólks í efsta lagi Bret-
lands.
Í einkalífi sínu hélt hann sig á
þeim slóðum, bjó í sveitum Somer-
set á setri og unni gönguferðum
með hunda sína. Ævisagnaritari
gerir því skóna að hinn maðurinn
sem Strummer geymdi hafi orðið
til þegar bróðir hans féll fyrir eigin
hendi. Þá hófst uppreisn Strum-
mers. Hann droppaði úr skóla og
tók upp nýtt nafn. Sem pönkstjarna
var hann ófyrirleitinn og harð-
vítugur viðskiptis, Clash var undir
hans leiðsögn pólitískt og reitt
band: London Calling, Sandinista
og Combat Rock eru róttæk laga-
söfn. Enda var þetta tími Thatcher.
Adam Ant lýsir í sinni ævisögu
líka tveimur mönnum: hann hefur
um langt skeið þjáðst af geðhvarfa-
sýki en er ekki síður markaður af
frægðarferlinum.
Hann var af lágum stigum, gekk
í listaskóla en foreldrar hans voru í
þjónustugeiranum. Hann vildi kom-
ast áfram og lenti í höndum Mal-
colms McLaren, sem þá var í sam-
búð með Vivienne Westwood og
umboðsmaður Sex Pistols. Þaðan lá
leið hans í fræga underground-
mynd Dereks Jarman, Jubilee.
McLaren setti hljómsveitir á stofn
eftir hentisemi. Þeim lenti saman
og Adam var orðinn nægilega
þekktur til að fá samning. Fyrstu
vinsældalög hans spruttu fram
1982/1983.
Myndböndin voru skrautleg.
Hann skipti ört um búninga en
frægðin var til einnar nætur. Þá fór
hann til Ameríku og reyndi fyrir
sér sem leikari. Frægð hans þar
var mest af samböndum við konur:
Jamie Lee Curtis og Heather Gra-
ham. Og geðhvarfasýkin náði
tökum á honum.
Opinberar framkomur hans síð-
ari ár hafa verið undanfari hand-
töku fyrir óspektir á almannafæri.
Hann var um tíma tíður gestur á
geðdeildum.
Nú á tímum á hann það eitt eftir
að rekja raunasögu sína og skrifa
tilbúið nafn sitt í bækur fyrir gamla
aðdáendur. - pbb
Prinsinn og betlarinn
JOE STRUMMER LAGASMIÐUR OG TEXTA-
SKÁLD CLASH Róttækur uppreisnarmað-
ur af góðum ættum.
550 5000
AUGLÝSINGASÍMI
��������������������������������� ���������������������������������������������������
�� ����������������������������������������� ���������� ��������������������������
����������� �� �������������������� �� �� �����
�������������������������������� ������������������������������������������ �������
�������������������������
������������ �������������� �� �����������
���������������������
��������������������������
�����������������������������������������
��������������� ���������� ���������������������� ���������� �������������
����������������������������������������������������
�����������������������������������������������������������
����� �������������������������