Fréttablaðið - 11.11.2006, Qupperneq 12

Baugur Group, FL Group,
Fons, Glitnir og Samskip hafa
skrifað undir styrktarsamninga
við Barnahjálp Sameinuðu þjóð-
anna á Íslandi (UNICEF) og greiða
um fjórar milljónir á ári hvert til
næstu þriggja ára.
Samningarnir hljóða upp á 60
milljónir króna og ná til næstu
þriggja ára. Stefán Ingi Stefáns-
son, framkvæmdastjóri UNICEF á
Íslandi, segir að fyrirtækin fimm
hafi áður styrkt UNICEF með
ýmsum hætti og gerist nú bakhjarl-
ar UNICEF af heilum hug. „Samn-
ingarnir eru 60 milljóna króna
virði og tryggja að við getum hald-
ið áfram að styðja börn í sárri
neyð.“
Stefán segir UNICEF á Íslandi
takast á við mörg metnaðarfull og
mikilvæg verkefni sem bjargi lífi
barna. „Á næstunni verður 150
þúsund malaríunetum dreift til
barna í Gíneu-Bissá fyrir tilstuðlan
Baugs Group, FL Group og Fons,
auk fleiri fyrirtækja á Íslandi.
Netin geta dregið úr ungbarna-
dauða um 10 prósent og bjargað lífi
2-3 barna á dag.“
Fyrsta verkefni UNICEF og
nýrra bakhjarla verður að halda
dag rauða nefsins 1. desember.
Þann dag verður bein útsending á
Stöð tvö í opinni dagskrá þar sem
einvalalið skemmtikrafta og grín-
ista mun leggja sitt af mörkum til
að bæta líf bágstaddra barna.
Styrkja börn í neyð
Borgarráðsfulltrúar
Samfylkingarinnar hafa lagt fram
fyrirspurn til borgarstjóra vegna
viljayfirlýsingar borgarinnar og
hjúkrunarheimilisins Eirar um
byggingu menningarmiðstöðvar í
Spönginni í Grafarvogi. Samkvæmt
viljayfirlýsingunni er Eir falið að
byggja menningarmiðstöð sem
engin samþykkt er fyrir frá borgar-
ráði. Upphaflega átti aðeins að fela
Eir uppbyggingu 1.100 fermetra
þjónustumiðstöðvar og þjónustu-
íbúða en menningarmiðstöðinni var
bætt við í texta vegna mistaka, að
sögn Björns Inga Hrafnssonar, for-
manns borgarráðs. Menningarmið-
stöðin er hugsuð sem fjögur þúsund
fermetra bygging þar sem meðal
annars lögreglan, bókasafn og kirkj-
uútibú fá aðstöðu.
Í fyrirspurn Samfylkingarinn-
ar er borgarstjóri inntur eftir því
hvernig staðið var að þeirri
ákvörðun að semja beint við Eir
og hverjir komu að þeirri ákvörð-
un. Einnig hvernig ákvörðunin
samræmist innkaupareglum borg-
arinnar og lögum um opinber inn-
kaup. Þá er spurt um hlutverk
stjórnsýslu- og starfsmannasviðs
sem fer með lögfræðilega ráðgjöf
í innkaupa- og útboðsmálum.
Hverjar samningsfjárhæðir vegna
menningarmiðstövarinnar kunna
að verða er einnig meðal spurn-
inga til borgarstjóra. Samkvæmt
heimildum Fréttablaðsins kostar
4.000 fermetra menningarmiðstöð
um sjö til átta hundruð milljónir
króna. Við það bætist ýmiss bún-
aður, innréttingar og húsgögn sem
kosta um 120 milljónir.
Kostar 800 milljónir króna
Ríkisstjórnin hefur
samþykkt að skipuleggja og
standa að sérstöku verkefni til
að efla íslenskukennslu fyrir
útlendinga og verður 100 millj-
ónum króna varið í það á næsta
ári. Námskeiðin verða ókeypis.
Ríkið gerir ráð fyrir 200 tíma
námskeiðum á mann og er það 25
prósenta aukning frá því sem nú
er.
Ríkið eyrnamerkir 172-305
milljónir í íslenskukennsluna
2008 og svo örlítið minna árið
2009, eða 162-297 milljónir króna.
Talið er að kostnaðurinn við 200
stunda námskeið nemi hátt í 200
þúsund krónum á einstakling.
Þorgerður Katrín Gunnars-
dóttir menntamálaráðherra seg-
ist ekki geta sagt hvenær nýja
fyrirkomulagið taki gildi en
starfsmenn ráðuneytisins ein-
hendi sér nú í það að semja náms-
krár, tryggja framboð námsefn-
is, kortleggja það hvaða kennarar
geti sinnt þessu verkefni og
athuga hvort þeir geti fengið við-
eigandi þjálfun ef þörf krefur.
„Þetta er stórt og mikið verk-
efni en ég vona að við getum
byrjað á næsta ári. Við reynum
að hafa hraðar hendur og koma
þessu á sem fyrst. Það er brýnt
að íslenskukennslan verði tekin
föstum tökum,“ segir Þorgerður
Katrín.
Stofnuð verður verkefnis-
stjórn með fulltrúum mennta-
málaráðherra og félagsmálaráð-
herra. Næstu þrjú árin verður
áhersla á 200 tíma nám sem mæti
þörfum byrjenda í íslensku. Í
framhaldinu verður svo stefnt að
því að byggja ofan á þetta náms-
framboð.
Hulda Ólafsdóttir, fram-
kvæmdastjóri Mímis símenntun-
ar, fagnar tíðindunum. „Þetta eru
ein mestu gleðitíðindi sem við
höfum fengið um langt skeið. Það
er erfitt að meta hvort þetta upp-
fyllir þörfina en ókeypis 200 tíma
nám í íslensku er mikilvægt
skref til jöfnuðar í landinu,“seg-
ir hún.
„Þetta er breiður hópur sem
hefur misjafnar aðstæður til að
kosta eigið nám svo það ríkir
gleði og ánægja með þetta hér.“
Til að fá búsetuleyfi eftir
þriggja ára dvöl í landinu þurfa
útlendingar að hafa lokið 150
tíma námi í íslensku. Talið er að
minnst sjö þúsund útlendingar
hafi komið til starfa á Íslandi það
sem af er þessu ári. Ef þeir færu
allir á eitt grunnnámskeið hjá
Mími myndi það kosta 44 þúsund
á mann eða um 308 milljónir í
heildina.
Ríkið býður ókeypis
námskeið í íslensku
Útlendingar eiga rétt á að fá ókeypis íslenskukennslu á næsta ári. Menntamála-
ráðherra fær 100 milljónir í 200 tíma íslenskunámskeið fyrir útlendinga. „Ein
mestu gleðitíðindi sem við höfum fengið,“ segir framkvæmdastjóri Mímis.
Ríkisstjórn Íslands
samþykkti í gærmorgun að leitað
yrði tilboða í gegnumlýsingarbif-
reið með það að markmiði að efla
aðgerðir gegn fíkniefnasmygli og
auka öryggi vöruflutninga.
Farið verður fram á 120
milljóna króna fjárveitingu til
þessara kaupa og mun embætti
tollstjórans í Reykjavík hafa
umsjón með verkefninu.
Í fréttatilkynningu frá
fjármálaráðuneytinu kemur fram
að breytt heimsmynd kalli á
nýjar áherslur í tollgæslu þar
sem nú sé kappkostað að efla
eftirlit með þjóðaröryggi og
innflutningi fíkniefna.
Nýjar áherslur í
breyttum heimi
Kraftur og reynsla til forystu!
Opnun kosningamiðstöðvar á Akureyri
Arnbjörgu í
1. sætið
www.arnbjorgsveins.is
Verið velkomin í opnun kosningamiðstöðvar
að Glerárgötu 20 (2. hæð fyrir ofan Greifann)
í dag, laugardaginn 11. nóvember kl. 15
Prófkjör Sjálfstæðisflokksins í Norðausturkjördæmi 25. nóvember