Fréttablaðið - 30.12.2006, Page 35

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Jóel Kristinn Pálsson var vanur að lenda í slysi um
áramót og því fastagestur uppi á slysavarðstofu á
gamlárskvöld.
Þegar Jóel er spurður hvað sé það fyrsta sem honum dettur
í hug í sambandi við áramótin er það slysavarðstofan. „Það
varð einhvern veginn fastur liður hjá mér um áramót að
fara upp á slysavarðstofu,“ segir Jóel. „Eitt árið datt ég og
annað fékk ég eitthvað í augað og það þriðja fékk ég gat á
hausinn.“
Eitthvað hefur Jóel róast með árunum og hefur slysun-
um fækkað í takt við það. Vaknar þá sú spurning hvort þessi
fækkun sé samfara minnkandi áhuga á flugeldum og tengdu
fikti. „Ég var alltaf mikið fyrir flugelda þegar ég var yngri
en það voru ekki þeir sem ollu slysunum,“ segir Jóel sem
kann enga skýringu á fyrri áramótaklaufaskap.
Jóel á tvo drengi með konu sinni Bergþóru Guðnadóttur
og með þeim hefur minnkandi áhugi á flugeldunum vaknað
aftur. „Sá eldri er orðinn átta ára og hann heimtar stærsta
flugeldapakkann í ár,“ segir Jóel. „Ég fann alveg fyrir því í
fyrra að sprengiáhuginn kviknaði aftur gegnum son minn.
Þetta er svolítið eins og með jólin. Maður upplifir þau aftur
upp á nýtt gegnum börnin sín.“
Jóel ætlar sér að eyða áramótunum á Ægisíðunni en það
hefur hann gert allt frá barnæsku. „Við röltum út að brennu
og þar hittir maður mikið af fólki sem maður þekkir,“ segir
Jóel. „Svona eru þessir vesturbæingar. Þeir snúa alltaf
aftur.“
Áramót á
slysadeild