Fréttablaðið - 30.12.2006, Síða 82

ham Íslands í tvíriti, skartmenni mikil þó
þeir sækist ekki eftir sviðsljósinu eins og
margur kynni að ætla. Kappsfullir menn,
sagðir sinna sínum fjölskyldum vel og beina
nú öllum sínum kröftum að viðskiptasviðinu
þar sem þeir eru umsvifamiklir í fasteigna-
viðskiptum.
Jónína bauð sig fram til varaformanns
Framsóknarflokksins
enda sögð drifin áfram
af miklum metnaði.
Hún er sögð sjálfsör-
ugg en á til að færast of
mikið í fang og skipu-
lagning ekki sögð henn-
ar sterka hlið. Jónína er
lögmaður og sögð orð-
heldin. Hún kemur vel
fyrir og er henni
reiknað til tekna að tala
mannamál – eins og það
heitir.
Þótti fara algerlega á
kostum í einleik sínum
Mr. Skallagrímsson í
Landnámssetrinu í Borg-
arnesi og hlaut verð-
skuldaða athygli. Honum
er lýst sem eðalmenni í
alla staði, frá honum
stafar orka sem smitar
aðra auveldlega. Frum-
leiki er sagður hans aðall
og hann sagður fyndinn
stuðbolti – þó án þess að vera yfirborðsleg-
ur. Helsti löstur Benedikts er sagður vera
slóðaskapur í umgengni en það er sagður
tittlingaskítur miðað við kostina sem felast
til dæmis í ættrækni og umhyggjusemi.
Geiri – hinn umdeildi eigandi súlustaðarins
Goldfinger – komst í sviðsljósið þegar hann
settist upp hjá keppinautum sínum á Bóhem
og heimtaði leigu. Var í
kjölfarið handtekinn af
lögreglu. Geiri er sagð-
ur stórtækur í öllu,
algert gæðablóð með
stórt hjarta. Ætíð boð-
inn og búinn við að
aðstoða þá sem minna
mega sín. Hann er ætt-
rækinn og traustur
vinur vina sinna. Geiri
hefur látið til sín taka í
ýmsum góðgerðamál-
um en andstæðingar hans, sem eru nokkrir
bæði meðal keppinauta og femínista, vilja
meina að með því sé hann að lappa upp á
skuggalega ímynd sína sem súlukóngur.
Óskar fór fyrir vöskum laganna vörðum á
Egilsstöðum sem fóru gegn mótmælendum
við Kárahnjúka. Mörgum
þótti sem löggan hefði farið
fram af of mikilli hörku en
Óskar féllst á að það gæti
hugsast. Óskar er af vinum
sagður fastur fyrir, öflug-
ur og maður stórra verka:
Athugull og varkár maður
sem gætir þess að vera
ætíð með allt á hreinu í leik
og starfi. Honum er líkt við
klett í hafi og Óskar sagður
heiðarlegur umfram allt og sannsögull.
Óskar er félagsmálafrömuður og frænd-
rækinn. Tild dæmis upphafsmaður Bjart-
marz-golfmótsins þar sem ættingjar koma
saman og sveifla kylfum.
Gunnar Smári var í fréttum
með jöfnu millibili allt þetta
ár enda stóð hann í ströngu
við að koma á fót fríblaði í
Kaupmannahöfn auk þess
sem gustaði um fyrirtækið
þar sem hann sat áður sem
forstjóri – Dagsbrún. Smári
er sagður einstaklega hug-
myndaríkur og skarpgreindur uppreisnar-
maður sem ekki ber virðingu fyrir einu né
neinu – einum né neinum. Hann þykir hrjúf-
ur í samskiptum en á til að vera öðrum
mönnum skemmtilegri. Ólíkindatól og frum-
kvöðull sem kann illa við sig á lygnum sjó.
Kristján komst í fréttir þegar hann tók Hval
9 í slipp öllum að óvörum. Líkt og hann vissi
eitthvað sem aðrir ekki vissu þegar hann
sagði að hvalirnir væru að bíða eftir skutlin-
um. Kristján er sagður
skemmtilega óheflað-
ur, kemur til dyranna
eins og hann er klædd-
ur og mönnum hættir
til að vanmeta hann
vegna þess hversu
hálfkæringslegur hann
getur verið í fram-
komu. En Kristján er
klókur og framsýnn.
Glaður á góðri stundu
og hrókur alls fagnað-
ar.
Öll þjóðin fylgdist
grannt með gangi
mála í raunveru-
leikaþættinum
Rock Star Super-
nova þar sem
Magni sló eftir-
minnilega í gegn og
komst í úrslit.
Magni er sagður
hvers manns hug-
ljúfi, jákvæður
maður sem á auð-
velt með að laga sig
að nýjum aðstæð-
um. Tónlistin hefur
ávallt verið hans
helsta áhugamál en sá ævintýralegi bransi
hefur ekki þau áhrif á hinn jarðbundna
Magna, sem er fjölskyldumaður, að hann láti
blindast af sviðsljósinu. Nema síður sé.
Hún var kjörin í
september formað-
ur nýstofnaðs leik-
skólaráðs sem dugði
til að koma henni í
kastljós fjölmiðla.
Sögð hörkudugleg
og afkastamikil
jafnvel svo að
sumum þykir nóg
um. Frami hennar
innan Sjálfstæðis-
flokksins hefur
verið skjótur en hún
er sögð skemmtileg, hláturmild og heiðar-
leg. Hlý, skemmtileg og skarpgreind er hún
sögð af álitsgjöfum Fréttablaðsins.
Frumsýnd var í septemb-
ermánuði mynd Ragnars
Börn sem sló algerlega í
gegn meðal gagnrýnenda.
Ragnar er sagður hug-
myndaríkur alþýðupiltur,
gull af manni og hjálpsam-
ur svo af ber. Hann á auð-
velt með að hrífa fólk með
sér sem er kostur sem nýt-
ist Ragnari vel í kvikmyndabransanum þar
sem atvinnuöryggi er ekki til staðar. Fínn
húmoristi og fordómalaus.
Ásthildur er einhver
besta knattspyrnukona
sem þetta land hefur
eignast og sló í gegn með
Malmö í Svíþjóð þar sem
hún raðaði mörkunum
inn. Ásthildur er sögð
ákveðin og helgar sig
markmiðum sínum
algerlega. Sjálfsaginn er
því ríkur á þeim bænum.
Hún er mikill leiðtogi utan sem innan vallar,
þykir frábær félagi sem á auðvelt með að
slá á létta strengi. Sjálfstraust er sagt ein-
kenna hana öðru fremur.
Eldhuginn og hugsjóna-
maðurinn Ómar dreif
fimmtán þúsund manns
með sér niður Laugaveg-
inn til að mótmæla því að
Jöklu væri komið í bönd.
Einhver stærsta mótmæla-
ganga Íslandssögunnar.
Ómar er sagður strangheiðarlegur, sann-
sögull tilfinningamaður og rómantískur.
Ofvirkur bíla-, box- og flugdellukarl sem á
sér sínar rólegu stundir í bókagrúski.
Lenti í sviðsljósinu þegar
hann lét af störfum sem
framkvæmdastjóri Sjálf-
stæðisflokksins. Sam-
ferðamenn sem Frétta-
blaðið leituðu til við að
varpa ljósi á manninn
luku upp einróma lofs-
orði á þennan sérstaklega
hjálpfúsa, ráðagóða og
trygga mann. Hann er sagður einstakur
húmoristi, vandaður, skemmtilegur, þægi-
legur í viðkynnningu, kann að þegja yfir
leyndarmálum, störf sín leysir hann óað-
finnanlega og í raun forréttindi fyrir alla þá
sem hafa kynnst honum að umgangast þenn-
an einhvern vandaðasta mann sem um
getur.
Varð miðpunktur í
máli málanna þegar
hann greindi frá
grunsemdum sínum
um að sími hans í
utanríkisráðuneytinu
hefði verið hleraður.
Jón Baldvin er sagð-
ur hvatvís, skarp-
greindur, vel lesinn
og mælskumaður svo
af ber. Hann leyfir
sér að skipta um skoð-
un, býr yfir óbilandi
sjálfstrausti en er óþolinmóður. Þrátt fyrir
ótvíræða leiðtogahæfileika bar honum ekki
gæfa til að stjórna Alþýðuflokknum milli
skers og báru heldur upp í fjöru.
Forsprakki hinnar
miklu tónlistarhátíðar
Icland Airwaves stóð í
ströngu í októbermán-
uði. Þorsteinn er sagð-
ur fara sínar eigin
leiðir, vera ákaflega
sjálfstæður maður sem
tekur vinnutarnir en
slakar vel á þess á
milli. Þorsteinn er
sagður hugmyndaríkur, lúmskur húmoristi
og skemmtilegur í samstarfi – þótt hann eigi
til að reynast óútreiknanlegur.
Hildur hlaut við-
urkenningu Jafn-
réttisráðs en fáa
hefði grunað á
unglingsárum
hennar að henni
ætti eftir að hlotn-
ast slík vegsemd –
hlédræg sem hún
var en þó virk í
samkvæmislífi
jafnaldra sinna.
Hildur er sögð
heilsteyptur kar-
akter, dugleg og
fylgin sér og þolir
illa kyrrstöðu. Framsýn sögð og hefur leitt
fyrirtæki sitt fram veginn gegnum breyt-
ingar. Hún er heiðarleg, traust og þægileg
en skemmtileg þess utan.
Hlaut glæsilega kosningu í prófkjöri Sjálf-
stæðisflokksins og
það dugði til að
koma þessum
ágæta rektor HR í
sviðsljósið. Guð-
finna er sögð smit-
andi af verkgleði
en viðmælendur
Fréttablaðsins
völdu henni eftir-
farandi einkunnir
en fundu ekki á
henni nokkurn
galla: Vingjarnleg,
kraftmikil, ákveð-
in, aðlaðandi, fram-
sýn, nútímakona,
sjálfsörugg og frumkvöðull. Varla er meira
hægt að segja um þessa aðsópsmiklu konu
sem næsta víst má telja að setjist á þing
eftir næstu kosningar.
Formaður Frjálslynda
flokksins lenti að
vonum í miðri deig-
lunni þegar umræðan
um útlendinga á
Íslandi geisaði hér
fyrir skemmstu. Og
gerir enn. Líkt og
margir menn vikunn-
ar er Guðjón hjarta-
hlýr húmoristi. Gleði-
og söngmaður mikill
og ákaflega tryggur
sínu fólki. Viðmæl-
endur blaðsins nefndu hversu einstaklega
barngóður hann er. Sjálfur er hann sjö barna
faðir. Guðjón er ósérhlífinn og gengur í þau
verk sem vinna þarf.
Alvörugefni spaugarinn
Ævar Örn komst í sviðs-
ljósið þegar hann var til-
nefndur til Glerlykilsins
fyrir Blóðberg. Áður
hafði nýjasta glæpasaga
hans fengið afar lofsam-
lega dóma. Ævar Örn er
sagður fljótur að hugsa,
öðrum mönnum
skemmtilegri í samstarfi en á til að vera
hrjúfur í framkomu. Ævar er sagður óstund-
vís og lengi að koma sér að verki. En þegar
hann hefst handa stendur ekkert í vegi. Lífs-
nautnamaður og glaður á góðri stund.
Birgir Leifur náði þeim
merka áfanga að verða
fyrstur íslenskra kylfinga
að komast á Evrópsku
mótaröðina. Heimildar-
menn blaðsins segja enda
helstu persónueinkenni
Birgis þolinmæði og
þrautseigja ásamt góðri
blöndu af einbeitingu,
nákvæmni og ögn af
kæruleysi.
Sigrún Björk mun á
nýju ári taka við
starfi bæjarstjóra á
Akureyri en sam-
viskusemi og ein-
beitni eru þau orð
sem best þykja lýsa
henni. Sigrún er
heimshornaflakkari,
hefur farið um allan
heim, er listunnandi,
skynsöm og laus við
allar öfgar. Hún er
hugmyndarík og hefur þann dug sem þarf
til að fylgja hugmyndum sínum eftir og láta
þær verða að veruleika.
Á dögunum komst
nafn hennar í hámæli
þegar tilkynnt var að
Sigríður Björk væri
verðandi aðstoðar-
ríkislögreglustjóri.
Og allir þeir sem
tjáðu sig um hana við
blaðið voru á einu
máli um að þar færi
hörkuklár, dugleg og skemmtileg kona sem
hefur til að bera ákaflega jákvæðan metnað
í starfi. Fyrirmyndar embættismaður en
jafnframt mikil fjölskyldukona – ættrækin
og félagslynd.
Máni skaust í fjórða
sætið á breska smá-
skífulistanum á sinni
fyrstu viku með lag
sitt Bing bang úr
Latabæ – einstætt
afrek – Máni enda
tónlistarséní. Hann
er hins vegar hlé-
drægur og miklast
ekki af afrekum
sínum. Fremur að
velgengnin komi
honum á óvart. Þótt
Máni troði sér ekki í
sviðsljósið segja þeir
sem þekkja fáa menn
skemmtilegri, hann þykir frábær sögumað-
ur og hrókur alls fagnaðar. Lífsnautnamað-
ur og kokkur góður sem ekki kann að segja
nei og tekur því að sér fleiri verkefni en
góðu hófi gegnir.