Fréttablaðið - 30.12.2006, Page 86

Ég verð nú bara að
viðurkenna að mér
finnst áramótin
framundan barasta
ekkert merkileg.
Ekki misskilja mig
og halda að ég sé
fúl á móti, smíði
skútur og skerpi
skauta. Ég bara nenni
ekki að eltast við þetta
fár sem einkennir nýtt ár.
Fyrir nokkrum árum síðan eyddi
ég jólunum í Búdapest. Á aðfanga-
dag borðaði ég ferskvatnsfisk í
heilu lagi sem hafði sítrónu í kjaft-
inum. Mánudagsmat. Bjakk. Eyddi
jólunum umkringd Ungverjum sem
dældu endalaust í mig ungversku
áfengi þar sem þeir töldu konu ætt-
aða frá landi víkinga lítið annað
gera á jólum en detta í það með
sæmd og tilheyrandi uppköstum.
Flúði ég svo til Madríd þar sem
ég eyddi áramótunum umkringd
æstum Spánverjum og komst að
því að skortur á leigubílum á
nýársnótt er ekki aðeins landlæg-
ur á Íslandi. Ég labbaði heim
þetta kvöld. Og það að labba heim
í Madríd er heldur ólíkt því að
labba heim í Reykjavík skal ég
segja ykkur. Komst heim rétt
fyrir þrettándann.
Þannig fór um hátíð þá, minn-
ingin er ljúf og hælsæri heimgöng-
unnar löngu gróin. Ég hins vegar
lærði að stundum er gott að hvíla
rótgrónar hefðir, brjóta út af van-
anum og reyna eitthvað nýtt. Hvort
sem það er ungverskt heimabrugg
ungverskrar ömmu eða maraþon-
ganga um Madríd þvera og endi-
langa þá leiða slík stílbrot af sér
þakklæti fyrir gömlum hefðum. Því
hef ég ákveðið að hvíla aðeins ára-
mótin þetta árið. Hanga bara heima.
Ég bíð spennt eftir að komast að
því hvernig sé að vakna óþunnur á
nýársdag og ekki bíða í fjóra tíma
eftir leigubíl í fyrsta slagviðri árs-
ins. Ó hvað ég á svo eftir að
skemmta mér vel í leigubílaröðinni
í fyrsta skítaveðri ársins 2008.
Ég að sjálfsögðu óska ykkur
öllum gæfu á nýju ári og þakka
ykkur kærlega fyrir að lesa mig.
Munið svo að sá sem aldrei gerir
mistök gerir aldrei neitt, svo lifið
og njótið á nýju ári. Góð áramót.
ÞAR SEM ALLT SNÝST
UM FÓTBOLTA!
NÝTT
Á GR
AS.IS
Fréttir og Íþróttir Leikir Skemmtun
NÚ FÆRÐU GRAS.IS
FÉTTIR Í SÍMANN!