Fréttablaðið - 30.12.2006, Síða 98

„Það sem veldur mest-
um áhyggjum er hversu fáir dóm-
arar eru til staðar og álagið á þá er
þar af leiðandi gríðarlegt. Þetta er
eitthvað sem þarf að bæta úr,“
segir Bjarni Gaukur Þórmundsson,
formaður dómaranefndar Körfu-
knattleikssambands Íslands.
Bjarni segir sérstakt áhyggju-
efni vera hversu fáir dómarar eru
á höfuðborgarsvæðinu en staðan
er betri á Suðurlandi. Dæmi eru
um að félög í Reykjavík hafi þurft
að borga fjórfaldar upphæðir
fyrir dómara til að fá þá frá Flúð-
um þar sem engir dómarar voru
til taks í borginni. „Þetta er mjög
slæmt fyrir félögin þar sem það er
enginn jöfnunarsjóður í körfu-
boltanum, þessi mikli kostnaður
gengur ekki til lengdar.“
Bjarni hefur lengi verið viðrið-
inn körfuboltann og hefur meðal
annars dæmt sjálfur en neyddist
til að taka sér hlé vegna álags-
meiðsla á hné. Tveir af A-dómurum
KKÍ eru nú frá vegna hnémeiðsla,
þeir Rögnvaldur Hreiðarsson og
Sigmundur Herbertsson. „Hnéð
þoldi ekki að dæma fjögur til fimm
kvöld í viku,“ segir Bjarni sem
segir hugarfarsbreytingar gagn-
vart dómurum vera þörf hjá þeim
sem koma að körfuboltanum.
„Það eru alltof fáir sem vilja
vera dómarar, margir halda að
þetta sé bara niðrandi og algjör
hörmung, sem það er auðvitað
ekki. Það er lífsstíll að vera dóm-
ari. Þetta er frábær líkamsrækt
og það er ákveðinn lífsstíll að
halda sér í formi fyrir leikina.
Félög, áhorfendur og stjórnar-
menn þurfa að einblína á að hætta
að hrauna yfir dómara þegar þeir
eiga það ekki skilið. Því miður er
það alltof algengt og nokkur
skemmd epli innan um áhorfend-
ur eiga það til að æsa múginn upp
gagnvart dómurum, sem auðvitað
gera sín mistök, eins og leikmenn.
Það þarf að koma fram við dómara
af sömu virðingu og við leikmenn,“
segir Bjarni.
Aðsókn á dómaranámskeið á
vegum KKÍ hefur verið mjög
dræm og til að mynda skráði sig
enginn á námskeið á vegum sam-
bandsins í haust auk þess sem
fleiri námskeið hafa fallið niður.
„Þetta liggur einnig hjá KKÍ.
Við munum vera duglegri að bjóða
upp á námskeið og það er metnað-
ur minn sem formaður dómara-
nefndar að fjölga dómurum í stétt-
inni og hlúa vel að þeim sem koma
inn í hana. Það er mjög mikil-
vægt,“ sagði Bjarni sem hvetur
félög til að leita að mönnum til að
senda á dómaranámskeið á nýju
ári.
Bjarni Gaukur Þórmundsson, formaður dómaranefndar KKÍ, hefur miklar
áhyggjur af dómaramálum í körfuboltanum á Íslandi. Hugarfarsbreytingar er
þörf, segir Bjarni sem lýsir eftir nýjum dómurum alls staðar á landinu.
Alan Pardew, nýráðinn
knattspyrnustjóri Charlton
Athletic, hefur gengið frá fyrstu
kaupum sínum. Í gær var það
kunngert að kínverski landsliðs-
maðurinn Zheng Zhi muni vera á
láni hjá Charlton út yfirstandandi
leiktíð. Zheng Zhi er miðjumaður.
Charlton er einnig á eftir
skoska varnarmanninum Steven
Pressley, sem nýlega rifti
samningi sínum við Hearts, en
auk Charlton eru Southampton og
Celtic einnig sögð á höttunum
eftir Pressley.
Kínverji til liðs
við Charlton
Obafemi Martins,
sóknarmaður Newcastle, hefur
verið á skotskónum að undan-
förnu og hann segir að Newcastle
liðið verði óstöðvandi á árinu
2007.
„Ég þakka Guði fyrir að vera
að standa mig betur núna en
þegar ég kom fyrst til liðsins. Það
hefur tekið tíma en ég er farinn
að skilja enskuna og enska
fótboltann betur. Ég erfi það sem
sagt var um mig í byrjun ekki við
neinn. Roeder er góður leiðtogi og
hann veitti okkur sjálfstraust. Ég
mun alltaf reyna að gera mitt
besta fyrir hann.
Næsta ár verður gott. New-
castle er metnaðargjarnt félag og
það er allt til staðar til að standa
sig vel á næsta ári. Þegar Damien
Duff og fleiri koma aftur úr
meiðslum þá verðum við óstöðv-
andi,“ sagði Martins.
Við verðum
óstöðvandi
Stuart Pearce, stjóri
Manchester City, hótar því að
hann gæti yfirgefið félagið ef það
selur ungstirnið Micah Richards
sem er undir smásjá allra helstu
stórliðanna á Englandi, þá sér í
lagi Chelsea.
„Ef ég segi nei við því að selja
hann, þá vona ég að það þýði að
klúbburinn segi nei líka, annars
getur einhver annar tekið við
félaginu. Ég held að hann vilji
vera hérna áfram og það er
auðvitað ekki skynsamlegt að
selja lykilmenn í liðinu sínu,“
sagði Pearce.
Ég fer ef Micah
verður seldur
Didier Drogba, leikmað-
ur Chelsea, viðurkennir að hann
hafi íhugað framtíð sína hjá Eng-
landsmeisturunum vandlega síð-
asta sumar. Drogba hefur svo
sannarlega fundið fjölina sína á
undanförnu misserum en hann
hefur nú skorað tólf mörk í ensku
úrvalsdeildinni og samtals nítján
mörk í öllum keppnum.
„Eftir hvert tímabil verður
maður að leggjast yfir það sem
maður hefur áorkað. Það voru
nokkur lið sem vildu kaupa mig
síðasta sumar og því varð ég að
skoða það vandlega þar sem ég var
búinn að vinna deildina hérna tvö
ár í röð. Ég hugsaði þó ekki lengi
um þetta þar sem Chelsea sýndi
mér hversu mikið félagið metur
mig og vildi að ég yrði hér áfram,“
sagði Drogba.
Þessi ógnarsterki framherji
varð miðpunktur athyglinnar þegar
Chelsea eyddi 30 milljónum punda
í einn nafntogaðasta sóknarmann
heims, Andriy Shevchenko. Þrátt
fyrir allt hafði það engin áhrif á val
Drogba að vera áfram hjá Chelsea.
„Þetta snerist ekkert um komu
Shevchenko, þetta snerist bara um
mig og Chelsea,“ sagði Fílabeins-
strendingurinn knái sem hefur
verið hrósað í hástert að undan-
förnu af samherjum sínum.
„Didier hefur verið magnaður á
tímabilinu. Hann er ótrúlega sterk-
ur og erfiður við að eiga. Hann er
markaskorari af Guðs náð og hefur
aldrei litið betur út en núna. Með
hann í þessu formi getum við vel
unnið titilinn og ég á ekki von á því
að hann slaki neitt á eftir áramót.
Drogba er klárlega líklegastur til
að hreppa markakóngstitilinn,“
sagði miðjumaðurinn Arjen Robb-
en um samherja sinn í liði Chelsea.
Ég íhugaði framtíð mína vandlega í sumar
Fyrir yfirstandandi leik-
tímabil í ensku úrvalsdeildinni var
talið að framtíð Cristianos Ron-
aldo hjá Manchester United væru
í hættu. Margir stuðningsmenn
enska landsliðsins ákváðu að
kenna Ronaldo um að liðið féll úr
leik á heimsmeistaramótinu í
Þýskalandi í sumar eftir samskipti
hans við Wayne Rooney í átta liða
úrslitum keppninnar. Ronaldo
ákvað þó á endanum að vera áfram
í herbúðum United og er nú talinn
hvað líklegastur til að vera valinn
leikmaður ársins í Englandi fyrir
frammistöðu sína.
„Hann er búinn að vera hreint
frábær, en gleymum því ekki að
hann er bara 21. árs og á eftir að
verða enn betri. Hann er sífellt að
taka framförum og er stöðugt
hættulegur, varnarmenn eiga oft
mjög erfitt með að ráða við hann,“
sagði Sir Alex Ferguson, stjóri
Ronaldos sem er búinn að leika
lykilhlutverk með United á leik-
tíðinni og skorað alls tíu mörk.
Ronaldo fær oftast óblíðar mót-
tökur frá stuðningsmönnum ann-
arra liða á Englandi sem kenna
honum um að Wayne Rooney, sam-
herji hans hjá United, fékk að líta
rauða spjaldið í viðureign Portú-
gala og Englendinga á HM. Þrátt
fyrir að það sé í sífellu púað á hann
svarar hann á réttan hátt, með
frammistöðu sinni á vellinum.
David Beckham fékk svipaðar
móttökur á Englandi eftir að hafa
fengið rautt spjald í leik gegn Arg-
entínu á HM 1998.
„David gekk í gegnum það
sama og Ronaldo er að gera núna.
Hann komst í gegnum þetta og það
styrkti hann bara enn meira, það
sama er að gerast með Ronaldo,“
sagði Ferguson. Carlos Queiroz,
aðstoðarmaður Ferguson, hefur
einnig lofsungið Ronaldo og segir
að hann sé tekinn við kyndlinum
af Luis Figo sem helsti knatt-
spyrnumaður Portúgala.
„Svo lengi sem hann lendir ekki
í meiðslum getur hann verið einn
besti leikmaður heims. Ég hef
aldrei orðið vitni að annarri eins
frammistöðu eins og hjá honum
leik eftir leik,“ sagði Queroz um
Ronaldo.
Gengur í gegnum það sama og Beckham
Í gær bárust þær fregnir
að Rafa Benitez, stjóri Liverpool,
væri tilbúinn til að selja sóknar-
manninn Peter Crouch til
Newcastle og ætlaði sér að kaupa
Spánverjann David Villa í hans
stað.
Benitez svaraði þessum
fregnum í gær og sagði að ekkert
væri hæft í þeim. „Ég get sagt
ykkur það að ég hef ekki áhuga á
David Villa. Hann er frábær
leikmaður en á þessari stundu er
ég ekki að spá í að kaupa hann og
það þýðir að við erum ekki að spá
í að selja Crouch,“ sagði Benitez.
Auk þess bar Glenn Roeder, stjóri
Newcastle, þessar sögur til baka
og sagði að ekkert væri hæft í
þeim.
Ætlar ekki að
selja Crouch
Mike Fratello, þjálfari
Memphis Grizzlies, segir að sýna
þurfi Spánverjanum Pau Gasol
þolinmæði og gefa honum tíma til
að jafna sig almennilega eftir að
hann fótbrotnaði á heimsmeist-
aramótinu í körfubolta í sumar.
Hefur Gasol aðeins spilað sjö
leiki fyrir Memphis í haust en
liðinu hefur gengið illa.
„Ég er auðvitað ánægður með
að fá hann aftur,“ sagði Fratello.
„En það gefur augaleið að
maðurinn getur ekki mætt aftur
eftir fjögurra mánaða fjarveru og
gert það sem allir aðrir hafa verið
að gera.“
Sýnið Gasol
þolinmæði