Fréttablaðið - 15.02.2007, Side 4

Sæludagar
framundan
Veldu létt og mundu eftir ostinum!
H
V
ÍT
A
H
Ú
S
IÐ
/
S
ÍA

„Ég er næsta viss um að
hann láti þessu líferni hér með
lokið. Hann var hættur þessu áður
en hann fór út en var í ákveðinni
stöðu og þurfti að leysa peninga-
mál sem urðu til, þó ekki beint af
hans hálfu. Hann hreinlega varð
að fara í þessa sendiferð, hvort
sem honum líkaði betur eða verr.
Eða þá að borga sig út úr því sem
var innan seilingar, en hann hafði
ekki peninga til þess,“ segir Sig-
urður Þorvaldsson, faðir Hlyns
Smára Sigurðarsonar, sem situr í
brasilísku fangelsi vegna fíkni-
efnasmygls.
Nýlega kom í ljós að meginþorri
þeirra efna sem Hlynur var tekinn
með voru ekki fíkniefni heldur ein-
hvers konar barnapúður. Sigurður
segir það afar ánægjulegar fréttir.
„Þetta snýst um það að hann fái
mun vægari dóm en til stóð í upp-
hafi miðað við það magn sem hann
var talinn vera með. Nú eru þetta
bara 100 grömm af fíkniefnum, í
staðinn fyrir 2.100 grömm. En það
er gott að málið sé farið að þokast
eitthvað áfram því þetta er búið að
vera rosalega erfitt. Ég þykist vita
að lögmaðurinn hans muni reyna
allt til þess að ná honum frá þessu.“
Katrín Einarsdóttir, sendiráðs-
ritari í utanríkisráðuneytinu,
hefur haft umsjón með samskipt-
um og aðstoð ráðuneytisins við
Hlyn og annan Íslending sem situr
einnig í haldi í Brasilíu vegna inn-
flutnings á tólf kílóum af hassi til
landsins. Hún segir ráðuneytið
hafa reynt að aðstoða mennina
eftir bestu getu og nú sé í raun
verið að bíða eftir því að dómur
falli í málum þeirra.
Hún segir hinn manninn vera í
fangelsi í Sao Paolo þar sem sé
ræðismaður og að það mál sé í
réttum farvegi. Hlynur er hins
vegar í fangelsi í Porto Seguro í
norðurhluta landsins þar sem
ástæður eru mun verri og erfið-
ara að hafa samskipti við hann.
„Hinn lét ekkert illa af sér þannig
lagað. Hann situr í hefðbundnara
fangelsi og við aðstæður sem eru
kannski meira viðunandi.“
Hlynur var leiddur fyrir dómara
í gær og Katrín segist spennt að
heyra niðurstöðuna. Þegar búið
verði að dæma hann sé hægt að
vinna í málum hans og fá hann flutt-
an í annað fangelsi eða jafnvel heim.
Hún segir það þó alveg fara eftir
Hlyni sjálfum hvort óskað verði
eftir því að fá hann fluttan heim til
afplánunar. „En auðvitað munum
við gera það ef hann óskar eftir því.
Það er engin spurning. Það getur
líka vel verið að þeir vilji losna við
hann.“
Hlynur var neyddur
til að fara til Brasilíu
Faðir Hlyns Smára Sigurðarsonar segir hann hafa verið tilneyddan að fara í
ferðina sem hann var handtekinn í. Hann vonar að málinu fari senn að ljúka.
Utanríkisráðuneytið segir ekki loku fyrir það skotið að fá Hlyn framseldan.
Evrópuþingið samþykkti í gær
lokagerð skýrslu um leynilegt fangaflug á
vegum bandarísku leyniþjónustunnar CIA
með grunaða hryðjuverkamenn. Þeir voru
fluttir til leynilegra fangelsa í Evrópu og
víðar þar sem grunur leikur á að þeir hafi
mátt sæta pyntingum.
Nefnd á vegum Evrópuþingsins hefur
rannsakað málið í meira en ár og kemst að
þeirri niðurstöðu að ríkisstjórnir sumra
Evrópusambandsríkja hafi vitað af fangaflug-
inu, þrátt fyrir að það sé brot á evrópskum
mannréttindasáttmálum.
Einnig segir í skýrslunni að stjórnvöld í
sumum Evrópuríkjum hafi ekki sýnt nefnd-
inni samvinnu við rannsóknina. Þá segir í
skýrslunni, eins og þingið samþykkti hana, að
Javier Solana, yfirmaður utanríkismála hjá
Evrópusambandinu, hafi „látið ógetið“ um
ýmislegt í vitnisburði sínum til nefndarinnar.
Skýrslan var samþykkt á Evrópuþinginu,
sem að þessu sinni kom saman í Strassborg í
Frakklandi, með 382 atkvæðum gegn 256, en
72 þingmenn sátu hjá.
Þingmenn voru engan veginn á eitt sáttir
um niðurstöðuna, því ýmsum þótti nefndin
ekki hafa nægilega sterkar sannanir fyrir
ásökunum sínum. Orðalagið var mildað
nokkuð frá því nefndin sendi frá sér lokadrög
að skýrslunni, en það dugði ekki til þess að
hún hlyti einróma samþykki.
Fangaflugið brot á mannréttindum
Hillary Clinton í
flokki Demókrata, og Rudy
Giuliani, í flokki Repúblikana,
hafa afgerandi forskot í heima-
borg sinni, New York, framfyrir
aðra keppinauta um tilnefningar
sinna flokka til forsetaframboðs
segja nýjar kannanir.
Þegar fylgi þeirra er skoðað
gagnvart hvoru öðru hefur
Clinton fimmtíu prósenta fylgi á
móti fjörutíu prósenta fylgi
Giuliani og virðist Demókrata-
flokkurinn því hafa vænlegri
stöðu í ríkinu.
Árið 2000 stefndi í að Clinton
og Giuliani myndu mætast
þegar Clinton bauð sig fyrst
fram til öldungadeildar Banda-
ríkjaþings en Giuliani dró sig úr
baráttunni vegna krabbameins
og hjónaskilnaðar.
Clinton vinsælli
en Giuliani
Utankjörstaðarat-
kvæðagreiðsla vegna íbúakosn-
inganna í Hafnarfirði, þar sem
kosið verður um deiliskipulag
sveitarfélagsins og þar með
hugsanlega stækkun álvers Alcan
í Straumsvík, hefst í dag klukkan
þrjú.
Utankjörstaðaratkvæða-
greiðslan fer fram í Ráðhúsi
Hafnarfjarðar við Strandgötu, 2.
hæð. Kjördeildin verður opin alla
daga milli níu og fjögur. Í mars
verður einnig opið um helgar.
Steinunn Þorsteinsdóttir,
upplýsingafulltrúi Hafnarfjarð-
ar, segir að sömu reglur gildi um
utankjörstaðaratkvæðagreiðsl-
una og venjulega í sveitarstjórn-
arkosningum. Allir kosninga-
bærir Hafnfirðingar geti komið
og greitt atkvæði ef þeir
framvísa skilríki með mynd.
Hefjast í dag
utan kjörstaðar
Hættan á hryðju-
verkaárásum í Evrópu er mikil og
fer stöðugt vaxandi. Þetta stað-
hæfir franskur rannsóknardóm-
ari, sem hefur sérhæft sig í
hryðjuverkamálum.
Dómarinn Jean-Louis Brugui-
ere tjáði AP-fréttastofunni í New
York að sérstök ógn stafi um
þessar mundir af nýtilkomnu
bandalagi milli al-Kaída-hryðju-
verkanetsins og norður-afrískra
hryðjuverkasamtaka sem þekkt
eru undir frönsku skammstöfun-
inni GSPC.
Talið er að þetta nýja bandalag
hafi einkum áhuga á að koma
áformum sínum fram á þéttbýl-
um svæðum Evrópu, og beinist
áhugi þeirra einkum að Frakk-
landi, Ítalíu og Spáni.
Mikil hætta á
hryðjuverkum
Valgerður Sverrisdóttir
utanríkisráðherra styrkir
verkefni Rauða krossins vegna
baráttu gegn
barnaher-
mennsku í
Síerra Leóne
um rúmar tíu
milljónir króna.
Framlagið fer
að hluta til í að
byggja
endurhæfingar-
athvörf þar sem
börn og ungmenni fá kennslu og
sálræna aðstoð vegna afleiðinga
borgarastyrjaldarinnar. Þetta
segir í fréttatilkynningu frá
utanríkisráðuneytinu.
Markmiðið með verkefninu er
að hlúa að stríðshrjáðum börnum,
veita þeim menntun, sálfræði-
aðstoð og kennslu í iðngreinum til
að gera þeim betur kleift að
takast á við eðlilegt líf.
Tíu milljónir til
Síerra LeóneHann hreinlega varð að fara í þessa sendiferð,
hvort sem honum líkaði betur
eða verr.