Fréttablaðið - 15.02.2007, Síða 12

Ef nýtt lagafrumvarp
Jóns Sigurðssonar, iðnaðar- og við-
skiptaráðherra, verður samþykkt
á Alþingi verður hægt að dæma
starfsmenn eða stjórnarmenn
fyrirtækja í allt að sex ára fang-
elsi ef þeir framkvæma eða hvetja
til samráðs á markaði. Í greinar-
gerð með frumvarpinu kemur
fram að þetta sé ein helsta breyt-
ingin með lögunum: Að refsi-
ábyrgð einstaklinga verði afmörk-
uð nánar en gert er í gildandi
lögum.
Frumvarpinu var útbýtt á
Alþingi í lok janúar og var vísað til
efnahags- og viðskiptanefndar.
Frumvarpið felur í sér skýrari
ákvæði en gildandi lög um refsi-
ábyrgð einstaklinga í brotum gegn
samkeppnislögum en helsta ástæð-
an fyrir því að ákæru á hendur
Einari Benediktssyni, Geir
Magnússyni og Kristni Björns-
syni, forstjóra olíufélaganna Olís,
Skeljungs og Olíufélagsins á árun-
um 1993 til ársins 2001, var vísað
frá í Héraðsdómi Reykjavíkur á
föstudag, var sú að ekki væri hægt
að sakfella einstaklinga fyrir brot
gegn samkeppnislögum. Þremenn-
ingarnir eru ákærðir fyrir að hafa
haft með sér ólögmætt samráð á
árunum 1993 til 2001.
Helgi Magnús Gunnarsson,
saksóknari ríkissaksóknara, segir
að úrskurðinum verði vísað til
Hæstaréttar og að hugsanlega
verði gefin út ný ákæra á hendur
forstjórunum.
Aðspurður segir Jón Sigurðs-
son að olíumálið sé ekki undirrót
frumvarpsins. Hann segir að
megininntak þess sé ný verka-
skipting á milli lögreglunnar og
samkeppniseftirlitsins. Jón segir
að frumvarpið sé vinna sameigin-
legrar nefndar dómsmálaráðu-
neytisins og viðskiptaráðuneytis-
ins sem meðal annars var skipuð
vegna olíumálsins. „Það gefur
augaleið að olíumálið hefur gildi
fyrir þetta frumvarp því það mál
snertir verkaskiptingu þessara
stofnana,“ segir Jón.
Í frumvarpi Jóns er refsi-
ábyrgð einstaklinga skýr. Í grein-
argerð með frumvarpinu kemur
fram að í ljósi þeirra miklu hags-
muna sem í húfi eru fyrir neyt-
endur og atvinnulífið í málum þar
sem grunur leikur á samráði sé
eðlilegt að einstaklingum verði
refsað fyrir samkeppnislagabrot.
Vilhjálmur Egilsson, fram-
kvæmdastjóri Samtaka atvinnulífs-
ins, gagnrýnir frumvarpið vegna
þeirra breytinga á refsiákvæðum
sem felast í því. Hann telur að það
sé óeðlilegt, eins og kemur fram í
frumvarpinu, að bæði sé hægt að
sekta fyrirtæki með stjórnvalds-
sektum og að sækja þá einstaklinga
til saka sem alfarið framfylgja
stefnu fyrirtækisins og brjóta í
þágu þess en ekki í eigin þágu. Vil-
hjálmur segir að samkvæmt gild-
andi lögum sé aðeins hægt að dæma
mann í fangelsi ef hann hefur hagn-
ast á broti sínu persónulega en að
þessu verði breytt ef lagafrumvarp
Jóns verður samþykkt.
Refsiábyrgð manna
skýrari í frumvarpi
Lagabreytingar í frumvarpi Jóns Sigurðssonar kveða skýrt á um refsiábyrgð ein-
staklinga í brotum gegn samkeppnislögum. Vinnan við frumvarpið hófst meðal
annars vegna olíusamráðsmálsins. Vilhjálmur Egilsson gagnrýnir frumvarpið.
Sjö fyrir-
tæki fengu gögn í forvali fyrir
útboð á eftirliti og viðhaldi á fast-
eignum á Keflavíkurflugvelli
fyrsta daginn eftir að sala á for-
valsgögnum Þróunarfélags Kefla-
víkurflugvallar hófst. Frestur til
að skila inn tilboðum rennur út 28.
febrúar.
Brynjólfur Guðmundsson,
framkvæmdastjóri Verkfræði-
stofu Suðurnesja, segir að áhug-
inn sé í samræmi við væntingar.
Suðurnesjamenn hafi fyrst og
fremst sótt gögnin fyrsta daginn
en búast megi við áhuga af höfuð-
borgarsvæðinu á næstunni.
Um er að ræða forval á reglu-
bundnu eftirliti með öllum fast-
eignum sem heyra undir Þróunar-
félag Keflavíkurflugvallar og
nauðsynlegt viðhald á þessum
eignum ásamt vöktun brunakerfa
og öryggisvaktar á svæðinu.
Brynjólfur segir að miðað sé
við að gerður verði þriggja ára
samningur við einn aðila og að
samningurinn taki gildi í maí.
„Þetta er spurning um reglulegt
eftirlit með öllum fasteignum á
svæðinu,“ segir hann.
„Við miðum við að farið sé inn í
hverja íbúð kannski einu sinni í
viku. Viðhaldið er hins vegar
óskrifað mál. Það fer bara eftir
þörfum. Ef í ljós kemur að það
þarf að skipta um rúður eða ljósa-
perur þá gerum við ráð fyrir að
það verði gert.“
Sjö hafa sótt forvalsgögnin
Mál Keflvíkings, sem
var ákærður fyrir ólöglegan
vopnaburð og vörslu fíkniefna auk
annarra brota, var tekið fyrir í
Héraðsdómi Reykjavíkur í gær.
Hinn 6. október síðastliðinn
fann lögregla tæp þrettán grömm
af amfetamíni, 95 grömm af hassi
og einn skammt af LSD í bíl hans.
Þegar leitað var á manninum á
lögreglustöð fannst Taurus 357
Magnum skammbyssa, sem hann
hafði ekki leyfi fyrir.
Hinn 26. sama mánaðar ók
maðurinn síðan yfir á rauðu ljósi
og fundust tæp fjörutíu grömm af
amfetamíni, fjögur grömm af
hassi auk annarra fíkniefna þegar
lögregla stöðvaði hann. Þá var
hann með gasvopn í fórum sínum
sem hann framvísaði við leit.
Þess er krafist að maðurinn
verði dæmdur til refsingar og
fíkniefnin og vopnin, auk sprengi-
efnis í járnhylki sem hann var
með, verði gerð upptæk.
Fyrir dómi játaði maðurinn að
hafa haft á sér vopnin auk hluta
fíkniefnanna og ekið gegn rauðu
ljósi, en neitaði annars sök. Mál-
inu var frestað til 9. mars á meðan
frekari gagna er aflað um fíkni-
efnin sem fundust.
Þrír bílar óku út af á Vestur-
landsvegi í fljúgandi hálku í
gærmorgun. Einn bílanna valt en
enginn slasaðist. Hægðist nokkuð
á umferð um Vesturlandsveginn í
gærmorgun vegna slysanna sem
og hálkunnar.
Einn bíll fór út af norðan við
Grundarhverfi þar sem hann var
á leið til Reykjavíkur. Ökumaður-
inn missti stjórn á bílnum, ók út
af veginum og valt. Annar fór af
veginum við Saltvík á Kjalarnesi.
Sá þriðji fór út af rétt sunnan
Hvalfjarðarganganna, undir
svipuðum kringumstæðum.
Ökumenn voru allir einir í
bílnum. Lögregla biður ökumenn
að fara sérstaklega varlega þegar
hálka er á veginum en umferðar-
þungi er jafnan mikill á Vestur-
landsvegi.
Þrír fóru út af
Vesturlandsvegi
Viðgerð á CANTAT-3
sæstrengnum hefur verið frestað
þangað til í apríl. Að því er kemur
fram á heimasíðu Farice er
orsökin vont veður, en ekki hefur
tekist að hefja viðgerðir síðan
viðgerðarskipið Pacific Guardian
kom á staðinn um miðjan janúar.
Skipinu hefur því verið snúið til
hafnar enn á ný.
Þetta er í annað skipti sem
viðgerð er frestað á strengnum,
sem bilaði 17. desember á síðasta
ári. Bilunin gerir það að verkum
að hægt er að flytja töluvert
minna af gögnum um hann en
undir venjulegum kringumstæð-
um.
Viðgerð frestað
þangað til í apríl