Fréttablaðið - 15.02.2007, Page 31

Stór standlampi keyptur í
Fríðu frænku og málverk eftir
Gabríelu Friðriksdóttur lista-
konu eru í sérstöku uppáhaldi
hjá Margréti Vilhjálmsdóttur,
leikkonu.
Margrét hefur í nógu að snúast
þessa dagana því hún tekur þátt í
uppsetningu Þjóðleikhússins á
Ivanov eftir Tsjekov og kvikmynd
sem verið er að gera eftir sama
handriti í leikstjórn Baltasars
Kormáks. Þegar hún er ekki að
vinna getur hún hins vegar haft
það notalegt heima hjá sér þar
sem hún á marga hluti sem eru í
sérstöku uppáhaldi hjá henni.
Ein af uppáhalds eigum Mar-
grétar er myndverk eftir Gabríelu
Friðriksdóttur listakonu. „Við
hjónin keyptum þetta verk fyrir
brúðkaupspeningana okkar,“ segir
hún og hlær. Margrét og Gabríela
eru góðar vinkonur og Margrét
fékk því að sjá verkið þegar það
var í vinnslu. „Ég féll alveg fyrir
því þá. Þetta er bara frábært verk
og hún formar fígúruna með því
að láta lakkið leka í ótrúlega
fallegum formum. Verkið virkar
því svona upphleypt og ég skil
ekkert hvernig hún fer að þessu.“
Annað sem er í uppáhaldi hjá
Margréti er lampi sem var keypt-
ur í Fríðu frænku og er stór og
mikill. „Lampinn er eiginlega
meira eins og loftljós en gólfljós
því að hann gnæfir yfir allt í stof-
unni og það er eiginlega hægt að
kalla hann Gnæfuna,“ segir Mar-
grét og hlær. Hún segir að henni
finnist oft mjög gaman að leita að
einhverju spennandi í Fríðu
frænku. „Maður finnur stundum
alveg ótrúlega hluti og alls konar
fallegt hönnunardót á ágætu
verði.“
Draumahúsgagnið hennar Mar-
grétar er svo sófi sem hún ætlar
sér að eignast einhvern daginn.
„Sófinn heitir Toga og er frá fyrir-
tæki sem heitir Ligne Roset og er
ítalskt hönnunarfyrirtæki. Þessi
sófi er draumahúsgagnið en það
er náttúrulega ýmislegt drauma
hérna hjá mér. Maður safnar bara
draumadóti og er alltaf að sanka
einhverju að sér,“ segir Margrét
og hlær.
Málverk fyrir brúð-
kaupspeninginn
F U L L M Ó T A Ð U
P E R S Ó N U L E I K A
H E I M I L I S I N S
H Ö N N U N - R Á Ð G J Ö F - Þ J Ó N U S T A
Hafnarfjörður 2006
Síðumúla 35 108 Reykjavík Sími 517 0200 heild@heild.is www.heild.is
FYRSTUR MEÐ
FRÉTTIRNAR
www.visir.is