Fréttablaðið - 15.02.2007, Page 42

fréttablaðið brúðkaup 15. FEBRÚAR 2007 FIMMTUDAGUR8
Það er stór ákvörðun að velja
hinn eina sanna brúðarkjól.
Hann þarf að vera einstakur,
persónulegur og að sjálfsögðu
gullfallegur.
Í kjólaversluninni Fix, Skóla-
vörðustíg 4ab, er auðvelt að finna
einstaka kjóla og þar eru þó nokkr-
ir brúðarkjólar. Bæði eru þetta
kjólar sem eru sérhannaðir sem
brúðarkjólar og svo kjólar sem
geta líka hæft öðrum tilefnum en
eru þó kjörnir sem hinn eini sanni.
Þeir eru frá ýmsum tímabilum,
allt frá stríðsárunum fram til átt-
unda áratugarins og því öruggt að
þeir eru ekki á hverju strái. Sumir
þeirra eru í raun antík. Hvort sem
tilvonandi brúður vill vera hefð-
bundin og rómantísk eða aðeins
poppaðri og öðruvísi þá má upp-
fylla þær óskir. Einnig sakar ekki
að verðið er vel viðráðanlegt.
Ekki er síður mikilvægt að
brúðarvöndurinn hæfi kjólnum og
falli að óskum brúðarinnar. Mögu-
leikarnir í þeim málum eru nær
óþrjótandi en þá er helst að finna
góðan blómameistara til verksins.
Við fengum okkar fallegu vendi
frá Blómastofunni á Eiðistorgi og
er annar þeirra rómantískur
dropavöndur með liljum og bleik-
um rósum en hinn er aðeins
nútímalegri kúluvöndur með djúp-
rauðum rósum sem standa alltaf
fyrir sínu. Einnig eru blómameist-
ararnir á Eiðistorgi mjög snjallir
við að útbúa hárskraut úr blómum
sem og flest annað sem hugurinn
girnist. Fyrirsæta er Hildur Sunna
Pálmadóttir.
Það er því um að gera að gefa
ímyndunaraflinu lausan tauminn
og athuga hvort ekki sé hægt að
uppfylla þær óskir sem hin tilvon-
andi brúður hefur fyrir stóra dag-
inn. Ævintýralegir kjólar og heill-
andi blóm eru þar í lykilhlutverki.
- hs
Blóm og brúðarkjólar
Þessi kjóll er frá sjötta áratugnum en er með klassísku sniði
sem fellur aldrei úr gildi. Kjörinn í sumarbrúðkaupið. Efnið
er með upphleyptum hvítum og bleikum borðum og bleikri
slaufu að aftan sem setur mjög fallegan svip á kjólinn. Hana
má hafa hangandi lausa eða næla hana upp við bakið. Hattur-
inn fæst einnig í Kjólaversluninni Fix en skórnir eru í einkaeigu.
Hér má sjá klassískan brúðarkjól frá fyrri tíð. Hann er með löngum slóða, púffermum
og síðu slöri. Slörið er fest við glæsilega perlukórónu með blómamunstri. Hún er
háreist og konungleg að sjá og ber með sér glæsileika. Slörið fellur fyrir andlitið en
það má taka upp fyrir kórónuna og minnir þá svolítið á okkar sígilda skautbúning.
Skórnir eru í einkaeigu.
Þessi dásamlegi græni blúndukjóll er ómótstæðilegur. Hann er hlýralaus og njóta því
axlir og háls sín vel í honum. Hann er aðsniðinn í mittið og með víðu pilsi sem nær
niður að ökklum. Kjörinn til að dansa og skemmta sér í og gengur við ýmis tækifæri.
Þessi kjóll er einstakur í sinni röð. Þetta er elsti kjóllinn og var
líklega saumaður í kringum 1940. Hann er úr léttu krepefni
með blúnduermum og brjóstasaumum sem bylgjast yfir barm-
inn. Hann er dálítið opinn í bakið og að aftan er nokkurs konar
stél eða stuttur slóði úr blúndu og bláum borða sem gefur
kjólnum mjög sérstakan svip. Sniðið er sérlega dömulegt.
Háhvítur síðerma
blúndukjóll með slaufu
að framan. Klassískt
„sixtís“-snið sem er alltaf
jafnsætt. Fer sérstaklega
vel með rauðum vendi.