Fréttablaðið - 23.02.2007, Qupperneq 4

Þorsteinn Stein-
grímsson, sem keypti Heilsu-
verndarstöðina við Barónsstíg
fyrir um mánuði, segir að hann
hafi ekki tekið ákvörðun um að
starfrækja hótel í húsinu eins og
greint hefur verið frá í fjölmiðl-
um. Að mati Þorsteins hentar
húsið vel undir hótel, skrifstofu-
húsnæði eða veitingastað.
Þorsteinn segist standa einn að
kaupunum á húsinu og að verðið
sem hann greiddi fyrir það sé
trúnaðarmál. Uppsett verð hússins
var 1.100 milljónir króna.
Ekki ljóst hvað
verður í húsinu
Fjalakötturinn
Margrét Thatcher,
fyrrverandi forsætisráðherra
Bretlands, vígði rúmlega
tveggja metra háa styttu af sér
inni í breska þinghúsinu á
miðvikudag.
„Ég hefði frekar kosið járn en
brons dugar einnig. Hún mun
ekki ryðga,“ sagði Thatcher við
þetta tækifæri en hún var
stundum kölluð járnfrúin.
Thatcher sagðist einnig vonast
til að höfuðið myndi tolla á í
þetta skiptið og vísaði þar til
þess þegar skemmdarverka-
menn brutu höfuð af marmara-
styttu af henni í fjármálahverf-
inu í London árið 2002.
Bronsstytta af
járnfrúnni reist
Töluvert snjóaði í
Danmörku og sunnanverðri
Svíþjóð í fyrrinótt. Fannfergið
olli verulegum truflunum á
samgöngum í báðum löndunum.
Stjórnvöld hvöttu fólk til að
halda sig heima við í gær þar sem
færð væri erfið og víða væru bif-
reiðar fastar í sköflum. Kennsla
var víða felld niður í dönskum
skólum í gær.
Í Svíþjóð lést maður á fimm-
tugsaldri þegar bifreið hans rakst
á strætisvagn skammt frá
Gautaborg, en í Danmörku
fæddist drengur í sjúkrabifreið
sem sat föst í snjónum og komst
ekki á sjúkrahúsið.
Allt mannlífið
nánast lamað
Geir H. Haarde lýsti
því yfir í ræðustól á Alþingi í gær
að það væru ánægjulegar fréttir
hver staðan væri í Suður-Írak.
Hann sagði jafnframt að víða í
landinu væri búið að koma á
„sæmilegri kyrrð“ og að öryggis-
staðan hefði einnig víða breyst til
hins betra.
Þetta kom fram í umræðu sem
skapaðist í kjölfar frétta um
brottflutning herliða Breta og
Dana. Yfirlýsingin skapaði heitar
umræður þar sem Steingrímur J.
Sigfússon, formaður vinstri
grænna, talaði um forherðingu
forsætisráðherra vegna ummæla
hans um ánægjulegar fréttir.
Steingrímur fullyrti að ekki væri
verið að draga herinn til baka
vegna þess að ástandið væri að
skána.
Stjórnarandstæðingar töluðu
einnig um óskhyggju varðandi
málflutning stjórnarmeðlima því
ástandið í Írak hafi aldrei verið
verra.
Guðni Ágústsson var einnig
sagður vera forhertur þar sem
hann baðst ekki afsökunar á því
fyrir hönd síns flokks að hafa
stutt innrásina í Írak.
Fleiri þung orð féllu í þing-
salnum þar sem stjórnarand-
stæðingar vildu að „smánarblett-
urinn yrði þveginn af nafni
Íslands“ og sögðu jafnframt að
ákvörðunin um innrásina hafi átt
sér stað bak við „luktar dyr í
reykfylltu bakherbergi“ þar sem
menn hafi verið að véla um völd í
íslensku ríkisstjórninni.
Hart deilt um ástandið í Írak
Sigurður Líndal, fyrr-
verandi prófessor í lögfræði,
telur tilgang nafnlauss bréfs, sem
sent hefur verið mörgum sem að
Baugsmálinu koma, að gera
íslenska dómstóla tortryggilega.
Hann telur að þar standi að baki
„skuggaleg“ og „ógeðfelld öfl“.
„Væntanlega er tilgangur
bréfsins einnig sá að hafa áhrif á
meðferð málsins í heild,“ segir
Sigurður. Honum sýnist að per-
sónulegar árásir í bréfinu hljóti
einnig að varða við lög. „Í því ljósi
finnst mér eðlilegt að lögregla
rannsaki það hver sendi bréfið.
Þetta snýst ekki um einkamál við-
komandi manna sem nafngreind-
ir eru í bréfinu heldur að dóm-
stólar fái að starfa í friði. Hér er
um að ræða níð því ekki er um að
ræða rökstudda gagnrýni. Svona
níðskrifum er ætlað að hafa ein-
hver ógeðfelld áhrif í samfélag-
inu.“
Beðinn um nánari skýringu á
því hvað hann kallar ógeðfelld öfl
segir Sigurður að bréfið sé til
vitnis um spennu í þjóðfélaginu
sem erfitt sé að skilgreina. „Mér
finnst eins og hér séu á ferðinni
ógeðfelld öfl, svo ég kveði nú ekki
fastar að orði, sem leika lausum
hala í þjóðfélaginu. Það sem verra
er þá finnst mér eins og einn angi
þeirra hafi náð inn á ritstjórnar-
skrifstofu Morgunblaðsins og þá
hef ég í huga nafntogaða forsíðu
blaðsins sem sérstaklega var
helguð þeim dómurum sem helst
koma við sögu í bréfinu.“
Sigurður segir að grófar per-
sónulegar árásir á nafngreinda
menn séu gjörsamlega órökstudd-
ar. „Það er einnig gefið í skyn að
Hæstiréttur sé í hefndarhug í
Baugsmálinu og að velvild dóm-
ara skipti máli, að dómar falli í
Hæstarétti eftir því hvort mönn-
um sé vel eða illa við einstaka lög-
fræðinga. Þetta er ekki svara-
vert.“
Ógeðfelld öfl
eru að verki
Sigurður Líndal, fyrrverandi prófessor í lögfræði,
segir tilgang nafnlauss bréfs að hafa áhrif á niður-
stöðu Baugsmálsins og segir ógeðfelld öfl að verki.
„Mér finnst þessi fram-
koma stórlega vítaverð í ljósi þess
að lögfróðir menn virðast hér eiga
hlut að máli. Í þessu bréfi, sem
mér finnst bæði alvarlegt og dap-
urlegt, er verið að vega að sjálf-
stæði íslenskra dómstóla, ekki síst
Hæstaréttar, og það sem meira er
þá er verið að reyna að hafa áhrif
á niðurstöðu máls sem rekið er
fyrir dómstólunum þar sem þrír
menn eru ákærðir og bornir alvar-
legum sökum,“ segir Eiríkur Tóm-
asson, prófessor í lögfræði. „Þetta
er gert með það að markmiði að
tveir af þremur ákærðu verði sak-
felldir og dæmdir til refsingar.“
Þetta er álit Eiríks þegar hann
var inntur eftir því í hvaða ljósi
hann sæi nafnlaust bréf sem sent
var í vikunni til allra dómara
Hæstaréttar Íslands og lykil-
manna í Baugsmálinu. Eiríkur
segir að þegar haft er hugfast að
bréfið sé skrifað af, eða eftir, mjög
hæfum lögfræðingi, þá sé ekki um
stóran hóp manna á Íslandi að
ræða sem gætu verið bréfritari
eða heimildarmaður hans. „Þess
vegna beinist grunur að tilteknum
mönnum úr hópi lögfræðinga sem
hafa áður komið að þessu máli eða
tjáð sig um það á ákveðinn hátt.
Því er það afar mikilvægt að bréf-
ritari gefi sig fram sem allra fyrst
því ella kann svo að fara að sak-
lausum mönnum verði kennt um
að standa að baki þessum skrif-
um.“
Eiríkur segir það eðlilegt að
úrlausnir dómstóla séu gagnrýnd-
ar og það hafi hann sjálfur gert, en
hins vegar verði menn að gæta
þess að gera það á málefnalegan
hátt. „Það er frumskilyrði að gagn-
rýni sé undir nafni og það að dreifa
nafnlausu bréfi með jafn alvarleg-
um persónulegum aðdróttunum
og hér er gert er grafalvarlegt
mál. Umfjöllun bréfsins er algjör-
lega einhliða og á ekkert skylt við
lögvísindi.“
Bréfið stór-
lega vítavert
Eiríkur Tómasson, prófessor í lögfræði, segir vegið
að sjálfstæði Hæstaréttar í nafnlausu bréfi. Mark-
miðið sé að hafa áhrif á niðurstöðu Baugsmálsins.