Fréttablaðið - 17.03.2007, Síða 34

SMUR- BÓN OG DEKKJAÞJÓNUSTAN
SÆTÚNI 4 • SÍMI 562 6066
SUMARDEKK
HEILSÁRSDEKK
OLÍS SMURSTÖÐ
BÓN OG ÞVOTTUR
HJÓLBARÐAÞJÓNUSTA
RAGEYMAÞJÓNUSTA
BREMSUKLOSSAR
PÚSTÞJÓNUSTA
Japan/U.S.A.
STÝRISENDAR,
SPINDILKÚLUR
OG FÓÐRINGAR
í jeppa í miklu úrvali
Vagnhöfða 7
110 Reykjavík
Sími: 517 5000
Ásinn er uppfullur af mótsögn-
um. Hann er framúrstefnulegur
en klassískur, einfaldur en
margslunginn, heillandi og frá-
hrindandi, allt á sama tíma.
Þegar BMW-1 lína, eða ásinn,
keyrir niður götuna er tekið eftir
honum. Skarpar línurnar skipa
honum sérstöðu og gera hann
að einum fallegasta hlaðbakn-
um á götunni. Hann er undar-
leg togstreita kraftlegrar hönn-
unar og fágunar á sama tíma og
hann virkar hálf þunglamalegur.
Ef hann væri kattardýr, en fram-
ljósin minna óneitanlega á kattar-
augu, væri hann fjallaljón. Stutt
og kröftugt með furðulegan rófu-
dindil.
Inni í bílnum kveður við annan
tón. Öfugt við ytra útlitið, sem
öskrar á athygli, er innrétting-
in í ásnum ákaflega nett og stíl-
hrein. Það eru fáir takkar, útvarp-
ið og miðstöðin sett upp á klass-
ískan hátt, og mælar eru ekki með
neinum blikkandi aukaljósum eða
óþarfa glingri. Þegar bíllinn er
settur í gang kemur í ljós að sama
heimspeki er höfð að leiðarljósi í
vélarrúminu. Engar flækjur eða
óþarfa fínheit, einungis gegnheill
BMW-kraftur og nóg af honum.
Það er hins vegar og blessunar-
lega ekki of mikið af honum, enda
hefur það sýnt sig að litlir bílar
með mikinn kraft verða oft handó-
nýtir akstursbílar.
Ásinn hefur þá sérstöðu að hann
er afturhjóladrifinn. Það, ásamt
mjög jafnri þyngdardreifingu milli
fram- og afturöxuls, gerir akstur-
inn mjög skemmtilegan. Það skal
tekið fram að við vissar aðstæð-
ur getur verið erfitt að ráða við
afturhjóladrif, en það gerir akst-
urinn svo mun meira spennandi
og með stöðugleikastýringu (sem
er til staðar í ásnum) og eðlilegri
notkun heilabúsins þarf maður
ekki að hafa of miklar áhyggjur af
að missa bílinn af veginum.
Plássið aftur í ásnum er væg-
ast sagt af skornum skammti og
skottið ekki mikið stærra. Pláss-
ið fram í er hins vegar mjög gott.
Hann er skemmtilegur aksturs-
bíll en um leið einfaldur. Hann er
bíll bæði fyrir afa og piparsvein
í Vesturbænum. Svona er ásinn.
Annaðhvort langar mann í hann
meira en allt, eða maður gengur
framhjá honum og hugsar; hvað
ætli sé í matinn í kvöld? Slagorð
ássins er: Það er bara einn (There
is only one). Það er vissulega bara
einn en þar sem hann er svo full-
ur af óræðum andstæðum kviknar
spurningin; fyrir hvern er hann?
Þetta er spurning sem BMW virð-
ist ekki hafa svarað. Er hann fjöl-
skyldubíll, er hann „hot hatch“, er
hann sportbíll eða er hann borgar-
bíll? Í þessu felst helsti veikleiki
ássins, og einnig hans helsti eig-
inleiki. Hann er einstakur og það
er engin leið að vita hvar maður
hefur hann.
Heillandi andstæður