Fréttablaðið - 17.03.2007, Side 50

17. MARS 2007 LAUGARDAGUR8 fréttablaðið fermingar
Fyrir nokkrum árum fór að bera á
því að fermingarbörn, sérstaklega
stúlkur, vildu fá á sig sólbrúnan lit
fyrir fermingardaginn. Til að ná
litnum var brugðið á það ráð að
leggjast í ljósalampa, en eins og
við flest vitum er það bæði óhollt
fyrir húðina og getur valdið húð-
krabbameini.
Öllu ódýrara og heilsusamlegra
er að fara í svokallaða brúnku-
sprautun, en þá er þessum eftir-
sótta húðlit einfaldlega sprautað á
líkamann.
Hjá Laugum Spa er hægt að
koma í slíka meðferð en mælt er
með að brúnkunni sé sprautað á
einum til tveimur dögum fyrir
stóra daginn.
„Við byrjum á að skrúbba húð-
ina með kornakremi til að fjar-
lægja dauðar húðfrumur og gefa
húðinni raka í leiðinni. Svo má
velja um tvenns konar liti, eða þá
að við sérblöndum þann lit sem
hentar best. Það eru ekki allir með
sama húðlitinn og ef manneskja er
mjög dökk á fermingarmyndinni
þá getur það komið undarlega út,“
segir Anna María Jónsdóttir,
snyrtifræðingur hjá Laugum Spa.
Þar er einnig boðið upp á húð-
hreinsun fyrir krakka sem eru
yngri en sextán ára. „Við þessa
húðhreinsun sjáum við til þess að
eftir meðferðina þurfi unglingur-
inn ekki að ganga út allur rauð-
flekkóttur í andlitinu heldur getur
hann eða hún vel sýnt sig á meðal
fólks. Meðferðin hefst á djúp-
hreinsun, svo er það tíu mínútna
andlitsgufa, því næst eru óhrein-
indi kreist úr húðinni og að lokum
er róandi maski borinn á. Reyndar
leggjum við áherslu á að farið sé í
þessa meðferð um viku áður en
fermingardagurinn rennur upp,
eða svona um fjórum til fimm
dögum áður,“ segir hún.
Airbrush-brúnka með korna-
skrúbbi kostar 4.300 krónur í Laug-
um, en án kornaskrúbbs kostar
meðferðin 3.650. Húðhreinsun
fyrir yngri en sextán ára kostar
3.850 krónur. - mhg
Andlitsbað og brúnkusprautun
Fyrirsögnin er setning sem Guðni
Kolbeinsson íslenskufræðingur
heyrðist segja fyrir mörgum
árum. Fermingarveisla var fram
undan heima hjá honum og hann
þurfti að hafa hratt á hæli og
hespa ýmsu af áður. Þótt margir
kannist við að finnast þeir þurfa
að taka allt í gegn heima fyrir
fermingu hafa fáir orðað þá til-
finningu betur en hann. Sjálfur
man hann ekkert eftir að hafa
sagt þetta en finnst setningin þó
hljóma sennilega.
„Við fluttum inn í voðalega
flott gamalt hús með sál árið 1978
og höfum verið að byggja það
síðan smátt og smátt. Viðburðir
eins og fermingarveislur og
afmæli hafa oft verið notaðir sem
átylla eða spark í rassinn til að
gera einhverjar upplyftingar á
því og við erum auðvitað eins og
sannir Íslendingar að gera allt á
síðustu stundu. Því hefur oft verið
dálítil spenna í kringum þessar
viðgerðir,“ segir hann glaðlega.
„Við hjónin eigum fjögur börn og
vorum með allar fermingarveisl-
urnar hér heima. Ekkert voðalega
fjölmennar veislur en fólk kom
og dreifði sér um íbúðina eins og
gengur. Oft var tækifærið notað
og eitthvað klárað áður. Við sett-
um til dæmis kvisti á húsið og
þeir voru fokheldir í nokkur ár
þar til eitthvert tilefni gafst til að
fullgera þá. Einhvern tíma man
ég að við þurftum að klæða upp-
gönguna því þar hafði verið lokað
einum forstofudyrum. Til að
bjarga málum var maskínupappír
límdur yfir vegginn og þar skrif-
aði einhver sonurinn stórum og
fögrum stöfum FERMINGAR-
VEISLA. Svo stóð þessi áletrun
þarna að mig minnir í ár en fjöl-
skyldan segir fjögur ár. Það var
að minnsta kosti ekkert rokið til
að klæða vegginn úr því búið var
að halda veisluna.
Íslendingseðlið er ríkt í okkur,
að byrja aðeins of seint og lenda í
tímahraki með hlutina en redda
þeim einhvern veginn.“
gun@frettabladid.is
Það á að ferma húsið mitt
Guðni býr í gömlu húsi með sál og tók oft til við viðgerðir á því rétt fyrir fermingar-
veislurnar. FRÉTTABLAÐIÐ/ANTON
Anna María Jónsdóttir hjá Laugum Spa ráðleggur fermingarbörnum að forðast
ljósabekki og bendir á að brúnkusprautun sé öllu ódýrari og heilsusamlegri kostur
en að fara í ljósatíma.
KORT MEÐ NOKKRUM MÚSARSLÖGUM
Boðskortin í ferminguna geta
valdið höfuðverk. Á kortavef
Póstsins, www.postur.is, er hægt
að útbúa kortin á auðveldan
hátt úr stofunni heima.
Þar er hægt að hanna kortið
með mynd og þeim texta sem
hver og einn vill. Hægt er að
kaupa árituð umslög með
nöfnum viðtakenda ásamt
frímerkjum sem send eru heim
til þess sem pantar en einnig er hægt að panta límmiða með nöfnum
viðtakenda og fá senda heim.
Greiðsla fer fram í lokin með því að greiða með greiðslukorti á netinu.