Fréttablaðið - 27.04.2007, Qupperneq 44

27. APRÍL 2007 FÖSTUDAGUR4 fréttablaðið fákar og fólk
Hestar stunda sund af kappi í
sundlaugaraðstöðu í Víðidal.
„Viðtökurnar eru brjálaðar og
mikið að gera. Við erum að frá
sjö á morgnana til tíu á kvöldin,“
segir Arna Rúnarsdóttir sem á og
rekur hestasundlaug Faxahesta í
Víðidal ásamt eiginmanni sínum,
Helga Leifi Sigmarssyni. Arna
segir alls konar fólk koma með
hesta sína, allt frá atvinnumönn-
um til áhugamanna. „Við erum
til dæmis með fjóra hesta í sundi
sem eru yfir tvítugt,“ segir Arna.
Sundið, sem er nýtt af nálinni í
þjálfun íslenska hestsins á Ís-
landi, þykir góð viðbót við þjálfun
auk þess sem það er góð sjúkra-
þjálfun fyrir hesta sem orðið hafa
fyrir meiðslum. Sundið hjálpar
þannig til við að jafna misstyrk,
styrkja bakvöðva, bæta yfirlínu
og auka burð og styrk hestsins.
„Áhuginn hefur farið stigvax-
andi alveg frá því að við opnuð-
um í nóvember og er það fram-
ar okkar björtustu vonum,“ segir
Arna en í sundlaugina fara um
fjörutíu hestar á dag. Þeir synda
mislengi en fara eftir það undir
hitalampa ef kalt er í veðri svo
þeir þorni fyrr. Síðan er einnig
boðið upp á að láta hestana ganga
á sérútbúnu hlaupabretti. Því má
segja að Faxahestar reki nokk-
urs konar heilsuræktarstöð fyrir
hesta.
Arna býst við að töluvert
verði um að vera í sundlauginni
í sumar þó að flestir hestar séu í
sumarhaga. Enda hefur sýnt sig
að margir víla ekki fyrir sér að
flytja hestana langar leiðir í sund-
ið. „Hér koma hestar alla leið frá
Hellu og Borgarfirði einu sinni í
viku,“ útskýrir Arna glöð í bragði
og snýr sér aftur að vinnunni.
solveig@frettabladid.is
Eykur þol og byggir upp vöðva
Arna Rúnarsdóttir leiðir hestinn um sundlaugina þar sem hann styrkir vöðva og eykur úthald. FRÉTTABLAÐIÐ/VALLISannkallaða líkamsræktarstöð fyrir hestana er að finna í Víðidalnum, hér er einn á
hlaupabrettinu en það eykur úthald, bætir fet og byggir upp vöðva.