Fréttablaðið - 16.06.2007, Qupperneq 46

hús&heimili
ÞAR SEM GRASIÐ GRÆR Hinar dönsku Tine Broksø og Karen
Kjældgård-Larsen mynda saman hönnunarteymið Claydies. Þær hafa
starfað saman frá því þær voru saman í hönnunarskóla árið 1995.
Þær vinna mest í leir og meðal þess sem hefur verið mjög vinsælt hjá
þeim er Grasvasinn sem þær bjuggu til árið 2004. Allir vasarnir eru
handgerðir og hægt að fá þá í ýmsum útgáfum. www.claydies.dk
GLASTONBURY-
STÓLL er heiti á fornri
stólagerð . Yfirleitt er
hann búinn til úr eik og
hægt er að fella hann saman.
Verið getur að heiti stólsins
sé dregið af síðasta ábótan-
um í Glastonbury í Englandi
en saga stólsins nær þó mun
lengra aftur.
Vitað er til þess að þessi
gerð stóla var til snemma á
miðöldum en hvarf af sjónar-
sviðinu síðar á því tímabili.
Aftur kom hann í ljós á Ítalíu á
fimmtándu öld og var notaður
í kirkjum áður en kirkjubekkir
komu til.
Lýsing á stólnum barst til
Englands árið 1504 frá Róm
með ábótanum Bere sem
fór með hana í Glastonbury-
klaustrið.
Munkurinn John Arthur
bjó til fyrsta stólinn en hann
var bæði gjaldkeri og smiður
klaustursins.
Arthur þessi var hengdur
árið 1539 ásamt síðasta ábóta
Glastonbury-klaustursins
þegar klaustrin voru leyst upp.
Ábótinn sat í Glastonbury-
stól meðan réttarhöldin yfir
honum stóðu í Wells, en þar
má enn þann dag í dag sjá tvo
af upprunalegu Glastonbury-
stólunum.
stóllinn