Fréttablaðið - 23.11.2007, Blaðsíða 6

6 23. nóvember 2007 FÖSTUDAGUR
Byssur fyrir hæstarétt
Hæstiréttur Bandaríkjanna hefur
ákveðið að taka til meðferðar deilur
um það hvort stjórnarskráin heimili
einstaklingum að eiga byssu eða
hvort heimildin nái einungis til þess
að ríkin komi sér upp vopnuðum
varðliðasveitum.
BANDARÍKIN
Almannavarnafrumvarp
gagnrýnt
Bæjarráð Hafnarfjarðar tekur undir
athugasemdir Slökkviliðs höfuð-
borgarsvæðisins við lagafrumvarp
dómsmálaráðherra um almanna-
varnir. Slökkviliðsmenn telja of mörg
verkefni munu færast til ríkislögreglu-
stjóra.
HAFNARFJÖRÐUR
Jólin
þín byrja í IKEA
©
In
te
r I
KE
A
Sy
ste
m
s B
.V
. 2
00
7
ISIG kertastjaki m/4 örmum
H36 cm
595,-
Opið 10-20 virka daga Laugardaga 10-18 Sunnudaga 12-18
SAGA AF BLÁU SUMRI
ÞÓRDÍS BJÖRNSDÓTTIR
KRABBAR Í KERI,
APPELSÍNUR Í
POKA, KLUKKUSAFN
Þórdís Björnsdóttir
EINN EFNILEGASTI
HÖFUNDUR YNGRI
KYNSLÓÐARINNAR
D
Y
N
A
M
O
R
E
Y
K
JA
V
ÍK
Fannst þér landslið Íslands
spila betur undir stjórn nýja
landsliðsþjálfarans?
Já 32,2%
Nei 67,8%
SPURNING DAGSINS Í DAG:
Finnst þér bygging nýja tón-
listar- og ráðstefnuhússins vera
góð hugmynd?
Segðu skoðun þína á visir.is
EVRÓPUMÁL Íslensk fyrirtæki hafa oftar fengið
jákvætt svar við styrk- og lánaumsóknum sínum hjá
Evrópusambandinu en fyrirtæki í öðrum löndum.
Þetta sagði Ingibjörg Sólrún Gísladóttir utanríkis-
ráðherra á fundi hjá Sagnfræðingafélagi Íslands í
gær. Íslensk fyrirtæki hafa í þrjátíu prósentum
tilfella fengið jákvætt svar en almennt er hlutfallið
tuttugu prósent innan ESB.
Íslensk erfðagreining nýtur „algjörrar sérstöðu á
þessu sviði,“ segir ráðherrann. Íslensk erfðagrein-
ing hefur fengið jákvætt svar við sjötíu prósentum
af þeim áætlunum sem fyrirtækið hefur lagt upp
með. „Það er umfram það sem yfirleitt þekkist innan
Evrópusambandsins. Mér skilst að fyrirtækið hafi
verið heimsótt sérstaklega um daginn af háttsettum
aðila innan framkvæmdastjórnarinnar til að sjá
hvernig þeir færu að þessu,“ sagði hún.
Íslendingar hafa greitt samtals tuttugu milljónir
til margmiðlunaráætlunar ESB á fimm árum en
íslensk margmiðlunarfyrirtæki hafa fengið úthlutað
hátt í 300 milljónir króna á sama tíma.
Þátttaka í vísinda- og mennta áætlunum hefur
gengið vel. Erlendir námsmenn sækja í meiri mæli
hluta náms síns hingað til lands en að íslenskir
námsmenn sæki hluta náms síns erlendis. Þetta
segir ráðherrann hafa breyst á árunum 2004-2005.
Utanríkisráðherra segir að samtals fimmtán þúsund
Íslendingar hafi með beinum hætti tekið þátt í
evrópsku samstarfi á þessu sviði á undanförnum tíu
árum. - ghs
Íslendingar fá oftar jákvætt svar við umsóknum hjá ESB en aðrar þjóðir:
Íslensk erfðagreining á metið
FENGIÐ 300 MILLJÓNIR
Margmiðlunarfyrirtæki
hafa fengið um 300
milljónir frá ESB, að sögn
Ingibjargar Sólrúnar Gísla-
dóttur utanríkisráðherra.
FÆR 70 PRÓSENT JÁ
Íslensk erfðagreining,
sem Kári Stefánsson
stýrir, hefur fengið mikið
af styrkjum frá Evrópu-
sambandinu.
UTANRÍKISMÁL Jonathan Motzfeldt,
forseti grænlenska landsþings-
ins og formaður dansk-græn-
lensku nefndarinnar sem er að
semja ný heimastjórnarlög fyrir
Grænland, segir það vera mikið
hagsmunamál fyrir þjóð sína að
efla til muna samstarf við Íslend-
inga á sem flestum sviðum.
Aukið samstarf sé óháð því
hvenær Grænlendingar öðlist
meiri stjórn á eigin málum eða
jafnvel fullt sjálfstæði.
„Ég vil gjarnan gera það sem
ég get á því sem ég á eftir af
starfsævi minni til að efla tengsl-
in við Íslendinga. Möguleikarnir
eru margir, svo sem á sviði fisk-
veiða, rannsókna, samgangna og
ferðamennsku, og þannig mætti
áfram telja,“ segir Motzfeldt í
samtali við Fréttablaðið.
Nefndin sem Motzfeldt veitir
forstöðu hefur síðastliðin þrjú ár
unnið að gerð frumvarps að
nýjum heimastjórnarlögum. Til
stóð að nefndin skilaði af sér nú í
byrjun desember en vegna kosn-
inganna í Danmörku verður ekki
af því. Líkur standa til að af því
verði í janúar. - aa
Jonathan Motzfeldt, forseti grænlenska landsþingsins, um tengslin við Ísland:
Stefna að efldu samstarfi
JONATHAN MOTZFELDT Segir það
mikið hagsmunamál Grænlendinga
að auka samstarf við Ísland.
DÓMSMÁL Tveir karlmenn sem
sitja í gæsluvarðhaldi vegna
rannsóknar lögreglu á hrottalegri
nauðgun í Reykjavík fyrir tæpum
hálfum mánuði eru dæmdir
afbrotamenn í heimalandi sínu.
Hæstiréttur staðfesti gæsluvarð-
haldsúrskurð héraðsdóms yfir
mönnunum í gær. Þeir eiga að sitja
í gæslu til 21. desember.
Mennirnir, sem eru litháískir
ríkisborgarar, hafa hlotið fangels-
isdóma í Litháen, annar þeirra
fyrir þjófnað og rán, en hinn fyrir
þjófnað og fjárkúgun. Rannsókn
nauðgunarmálsins er rétt ólokið og
verður það sent aðstoðarsaksókn-
ara á næstu dögum. - jss
Meintir nauðgarar í gæslu:
Eru dæmdir
afbrotamenn
FÓLKSFLUTNINGAR „Mér fannst
ömurlegt að fá ekki að keyra leigu-
bíl lengur þegar mér var skipað að
hætta þegar ég varð 76 ára,“ segir
Magnús Hjartarson, sem starfaði
sem leigubílstjóri í 55 ár.
Í reglugerð frá Vegagerð ríkis-
ins um leigubifreiðar og veitingu
starfsleyfa segir að atvinnuleyfi
leigubílstjóra falli úr gildi við lok
70 ára aldurs atvinnuleyfishafa.
Þó sé heimilt að framlengja
atvinnuleyfið til eins árs í senn
eða þar til atvinnuleyfishafi nær
76 ára aldri, ef hann telst hæfur til
að stunda leigubílaakstur. Engar
reglur eru til um hámarksaldur
rútubílstjóra.
Magnús gekkst undir læknis-
skoðun og aksturshæfnispróf
þegar hann var sjötugur svo hann
gæti fengið áframhaldandi leyfi
til að keyra leigubíl þar til hann
yrði 76 ára, en prófin stóðst hann
án athugasemda.
Magnús rekur lítið rútufyrir-
tæki sem er með þrjá smærri hóp-
bíla í rekstri. „Síðasta sumar
keyrði ég um eitt þúsund kíló-
metra einn daginn,“ segir Magnús.
„Mér finnst þetta eiginlega bara
kjánalegt. Ef maður má ekki vinna
sem leigubílstjóri ætti maður ekki
að mega að keyra rútu. Mér finnst
hálf spaugilegt að ég megi ekki
keyra með fjóra farþega í leigubíl
upp í Grafarvog, en ég má keyra
með fimmtíu ferðamenn í rútu á
Gullfoss,“ segir Magnús.
„Ég er nú bara enn að vinna því
mér finnst svo gaman að keyra
með ferðamenn um Ísland. Ég
gæti haldið þessu áfram þangað til
ég verð 110 ára, enda eru engin
lög til um hvað ég má keyra rútu
lengi.“
„Ég gæti faktískt keyrt á rútu
um miðbæinn að næturlagi um
helgar og tekið fólk upp í gegn
greiðslu. Svo myndi ég rúnta með
fólkið um borgina og skila því
heim,“ segir Magnús. „Þannig
gæti ég hjálpað gömlu vinum
mínum á leigubílunum að koma
fólkinu heim.“
Guðmundur Börkur Thoraren-
sen, framkvæmdastjóri Bifreiða-
stöðvar Reykjavíkur, hefur skiln-
ing á aldurstakmörkunum hjá
leigubílstjórum. „Miðað við
hvernig heilsa flestra leigubíl-
stjóra er í dag myndi ég segja að
þessi aldurstakmörk séu mátuleg.
Sumir missa heilsuna fyrr og aðrir
halda heilsunni lengur en einhvers
staðar verður að setja mörkin. Í
dag finnst mér mátulegt að leigu-
bílstjórar hætti við 75 ára aldur,
en það eru margir leigubílstjórar
sem hætta fyrr.“ aegir@frettabladid.is
Leigubílstjóri á eftir-
launum keyrir rútu
Magnúsi Hjartarsyni var gert að hætta að aka leigubíl þegar hann varð 76 ára,
fyrir aldurs sakir. Hann ekur nú hópferðabílum um landið, en hann verður 78
ára í desember. Kjánalegt að mega aka rútu en ekki leigubíl, segir hann.
MAGNÚS
HJARTAR SON,
FYRRVERANDI
LEIGUBÍLSTJÓRI
Finnst kjánalegt
að banna mönn-
um að keyra
leigubíl með
fjóra farþegar
þegar þeir verða
76 ára, en þeir
megi aka með
fimmtíu farþega
í rútu þar til þeir
verða 110 ára.
FRÉTTABLAÐIÐ/RÓBERT
KJÖRKASSINN