Fréttablaðið - 23.11.2007, Page 80

48 23. nóvember 2007 FÖSTUDAGUR
FÓTBOLTI Eins og búast mátti við
fóru enskir fjölmiðlar hamförum í
kjölfar taps enska landsliðsins
gegn Króötum sem gerði það verk-
um að England verður ekki með á
EM næsta sumar.
„Ónothæfir, aumkunarverður,
huglausir. England er orðið að
athlægi í evrópskum fótbolta,
England ákvað að fremja sjálfs-
morð með því að setja Scott Car-
son í markið. Þetta verður ekki
verra,“ er á meðal þess sem The
Sun hafði upp á bjóða daginn eftir
leikinn.
„Gullkynslóð enska landsliðsins
endar ferilinn með vonbrigðum.
Að reisa enska landsliðið við
reyndist ofviða fyrir Beckham,
Neville, Campbell, Owen og
James,“ Daily Mail en Daily Star
var ekki að skafa utan af því. „Því-
líkur hópur af aumingjum.
Hvernig ætla menn að útskýra
þetta? Þetta var stórslys, hræði-
legt og niðurlægjandi.“
Daily Mirror var ekki hrifið af
þeirri ákvörðin McClaren að setja
Scott Carson í markið: „Evrópu-
mótsdraumar Englands runnu í
gegnum hendur Scotts Carson.
Þessi versta ákvörðun á ferli
McClarens mun fylgja honum til
æviloka,“ sagði Mirror og eftir-
farandi var í Independent. „Þetta
var djöfulleg frammistaða hjá
hinni svokölluðu gullkynslóð
enska landsliðsins.“
Svo kvartar KSÍ yfir óvæginni
og ósanngjarnri umfjöllun hér á
Íslandi. - hbg
Það var væntanlega lítið gaman fyrir enska landsliðsmenn að opna blöðin í gær:
Enska liðið jarðað í blöðunum
Í TÁRUM Enska þjóðin grét á miðviku-
dagskvöldið þegar ljóst var að landsliðið
kæmist ekki á EM næsta sumar.
NORDIC PHOTOS/GETTY IMAGES
EKKI VERIÐ AÐ SKAFA UTAN AF ÞVÍ Eins og búast mátti við voru ensku blöðin ekki að
skafa utan af því á forsíðum sínum í gærmorgun. NORDIC PHOTOS/GETTY IMAGES
FÓTBOLTI Marel Baldvinsson hefur
fengið sig lausan frá samningi við
Molde og er á heimleið með fjöl-
skyldu sína eftir rúmlega árs dvöl
hjá norska liðinu. Marel er ekki
búinn að ákveða hvort hann haldi
áfram í boltanum vegna þrálátra
meiðsla.
Marel Baldvinsson var ánægður
með að hafa náð samkomulagi við
Molde um að hann hætti að spila
með liðinu þegar Fréttablaðið náði
tali af honum í gær.
„Það er gott að báðir aðilar hafi
náð lendingu í þessu máli og ég er
alsáttur með að koma aftur heim
til Íslands,“ sagði Marel og kvað
ástæðuna fyrir því að hann vildi
ekki lengur vera hjá norska liðinu
tvíþætta.
„Í fyrsta lagi hef ég náttúrlega
verið að eiga við erfið hnémeiðsl í
langan tíma og ástæða þess að ég
kom heim frá Lokeren í Belgíu í
fyrravor var sú að ég taldi mig
líkam lega ekki þola álagið af
atvinnumennsku. Ég ákvað samt
að slá til og gefa þessu annan mögu-
leika þegar Molde kom að máli við
mig í fyrrasumar og nú er ég kom-
inn aftur á sama stað í því máli. Í
öðru lagi má segja að ég og fjöl-
skylda mín höfum ef til vill ekki
verið að finna okkur vel í Molde og
það spilar auðvitað inn í ákvörðun
mína líka,“ sagði Marel, sem spil-
aði sex leiki fyrir Molde í fyrra og
skoraði í þeim eitt mark, en náði
ekki að koma í veg fyrir að liðið
félli úr úrvalsdeildinni. Marel lék
svo með liðinu í fyrstu deildinni
síðastliðið sumar og skoraði sex
mörk í sautján leikjum en Molde
varð deildarmeistari og leikur því í
úrvalsdeildinni á næsta tímabili.
„Mér gekk vel hjá liðinu síðast-
liðið sumar, en hef ekki enn tekið
ákvörðun með framhaldið í bolt-
anum. Ég ætla alla vega að byrja á
því að taka mér mitt frí eftir tíma-
bilið í Noregi og svo er erfið
ákvörðun fram undan hjá mér. Ég
get alveg spilað fótbolta áfram
þrátt fyrir meiðslin, en það er eitt-
hvað sem ég gæti þurft að borga
fyrir seinna ef ég held áfram að
reyna á hnémeiðslin. Ég þarf að
vega og meta hvort fótboltinn sé
þess virði, en auðvitað er það
svekkjandi fyrir mig að vera að
hugsa um að hætta í boltanum
aðeins 26 ára gamall,“ sagði Marel,
sem varð markakóngur Lands-
bankadeildarinnar í fyrra með ell-
efu mörk þrátt fyrir að spila ekki
fimm síðustu leiki mótsins og ljóst
er að Breiðablik mun reyna allt
sitt til að fá Marel í sínar raðir á
ný og það staðfesti Einar Kristján
Jónsson, formaður Breiðabliks, í
samtali við Fréttablaðið.
„Það er ekkert launungarmál að
við viljum fá Marel heim á ný og
við munum gera allt sem í okkar
valdi stendur til að fá hann í okkar
raðir,“ sagði Einar en fleiri félög
munu án efa taka stöðuna á honum
á næstu vikum og mánuðum.
Marel ítrekaði að ákvörðun
hefði ekki enn verið tekin í þeim
efnum en vissi vitanlega af áhuga
Breiðabliks.
„Þetta er ákvörðun sem ég þarf
að taka og það er aldrei að vita
nema Breiðablik geti notað mig,“
sagði Marel í léttum dúr.
omar@frettabladid.is
Erfið ákvörðun fram undan
Marel Baldvinsson er laus allra mála hjá norska liðinu Molde og er á heimleið
með fjölskyldu sína, en hefur ekki ákveðið hvort hann haldi áfram í boltanum.
STÓRHÆTTULEGUR Marel Baldvinsson varð markakóngur deilarinnar í fyrrasumar
með ellefu mörk í þrettán leikjum fyrir Blikana. FRÉTTABLAÐIÐ/VILHELM
FÓTBOLTI Slaven Bilic, þjálfari
Króatíu, segir að enska landsliðið
hafi einfadlelga ekki þolað
pressuna þegar á hólminn var
komið.
„Þrátt fyrir að enska landsliðið
sé uppfullt af heimsklassa
atvinnumönnum sem ættu að
þekkja það að spila undir álagi, þá
þoldu þeir á endanum ekki þá
neikvæðu pressu sem enskir
fjölmiðlar voru búnir að skapa
liðinu. Við þurftum ekki að eiga
við slíka pressu í heimalandi
okkar, svo mikið er víst,“ sagði
Bilic og brást reiður við umfjöll-
un enskra blaða sem sögðu að
enginn af leikmönnum Króata
kæmist einu sinni í byrjunarlið
Englendinga.
„Þið verðið að vakna og átta
ykkur á því að þið töpuðuð
leiknum ekki út af leikkerfinu
sem lið ykkar spilaði. Ég dái
enska liðið og leikmenn þess, en
Króatía er einfaldlega með betra
lið. Málið er nú ekkert mikið
flóknara en það,“ sagði Slaven
Bilic í viðtali að leik loknum í
fyrrakvöld. - óþ
Undankeppni EM í fótbolta:
Króatar einfald-
lega betra liðið
FÓTBOLTI Guus Hiddink, þjálfari
Rússa, viðurkenndi að hann væri
hissa á því að Rússland hefði náð
að vinna sér þátttökurétt á
lokakeppni EM í Sviss og
Austurríki á næsta ári.
„Ég get ekki neitað því að sú
staðreynd að Rússar komst upp
úr riðlinum kom mér á óvart. Ég
er mjög ánægður og stoltur og
þessi árangur hefur mikið að
segja fyrir rússneska knatt-
spyrnu. Við þurfum nú að bæta
lið okkar skref fyrir skref og
tileinka okkur nútímalegra
leikskipulag sem og nútímalegri
þjálfunaraðferðir til þess að vera
samkeppnishæfari þegar í mótið
kemur,“ sagði Hiddink. Hann
hefur áður náð frábærum árangri
með lið Suður-Kóreu sem endaði
undir hans stjórn í fjórða sæti á
heimsmeistaramótinu árið 2002,
en hann skilaði Hollandi í sama
sæti á heimsmeistaramótinu árið
1998. Enn fremur stýrði hann
Ástralíu á heimsmeistaramótið
árið 2006 þar sem liðið datt
naumlega út í 16-liða úrslitum á
móti heimsmeisturum Ítala, en
Ástralía hafði ekki unnið sér
þátttökurétt á heimsmeistara móti
í 32 ár áður en Hiddink tók við
liðinu.
Hiddink hefur fyrir vikið
stundum verið kallaður „King
Hiddink“ eða kóngurinn. - óþ
Undankeppni EM í fótbolta:
Hiddink hissa á
árangrinum
FRÁBÆR ÁRANGUR Guus Hiddink var
tolleraður þegar að ljóst var að Rússar
kæmust á EM. NORDICPHOTOS/GETTY
FÓTBOLTI Slakt gengi Englands í
undankeppni EM hefur víðtæk
áhrif sem ná út fyrir knattspyrnu-
völlinn ef marka má orð Simons
Chadwick, prófessors í markaðs-
setningu íþróttafyrirtækja.
„Velgengni á lokakeppni EM
hefði haft gríðarlega jákvæð
áhrif á efnahagskerfið, þannig að
það var mikið áfall að enska
landsliðinu hafi mistekist að
komast áfram,“ sagði Chadwick.
„Það hefur sýnt sig í undanförn-
um lokakeppnum í fótbolta þar
sem England hefur leikið að sala
á íþróttafatnaði hefur stóraukist
og tengist það fyrst og fremst
ánægju fólks með gengi liðsins.“
Hlutabréf í fyrirtækinu Sports
Direct, sem framleiðir Umbro-
treyjur enska landsliðsins,
snarlækkuðu um 15 prósent eftir
ósigur Englendinga gegn Króatíu
í fyrrakvöld. - óþ
Enska landsliðið ekki á EM:
Slakt gengi hef-
ur viðtæk áhrif
Vi
nn
in
ga
r v
er
ða
a
fh
en
di
r h
já
B
T
Sm
ár
al
in
d.
K
óp
av
og
i.
M
eð
þ
ví
a
ð
ta
ka
þ
át
t e
rt
u
ko
m
in
n
í S
M
S
kl
úb
b.
1
49
k
r/
sk
ey
tið
.
SMS
LEIKUR
Vi
nn
in
ga
rv
er
ða
a
fh
en
di
r h
jjá
B
T
Sm
á
SENDU SMS BTC EAFÁ NÚMERIÐ1900OGÞÚ GÆTIR UNNIÐ! Vinningar eru DVD myndir,varningur tengdur myndinni og margt fleira!
Kemur í verslanir 22. nóvember!