Fréttablaðið - 23.11.2007, Page 66

34 23. nóvember 2007 FÖSTUDAGUR
menning@frettabladid.is
Júlíkvartettinn heldur tónleika
í bíósal Duus-húsa í Reykja-
nesbæ á sunnudaginn kemur.
Tónleikarnir hefjast stundvís-
lega kl. 16.
Júlíkvartettinn er skipaður
þeim Júlíönu Elínu Kjartans-
dóttur og Rósu Hrund Guð-
mundsdóttur fiðluleikurum,
Sesselju Halldórsdóttur víólu-
leikara og Auði Ingva dóttur
sellóleikara. Þær starfa allar
í Sinfóníuhljómsveit Íslands, en hafa líka leikið
saman sem kvartett í mörg ár.
Sérstakir gestir Júlíkvartettsins á tónleikunum
verða þau Aðalsteinn Axelsson gítarleikari, Bjarni
Benediktsson saxófónleikari, Rúnar Þór Guð-
mundsson tenór, Sigtryggur Kjartansson píanó-
leikari og Sigurbjörg Hjálmarsdóttir sópransöng-
kona, en þau eru öll nemendur í Tónlistarskóla
Reykjanesbæjar. Auk þess munu nokkrir kennarar
skólans koma fram með
kvartettinum og nemend-
unum.
Efnisskráin er fjölbreytt
að þessu sinni og má á
henni finna verk eftir jafn
ólíka höfunda og Andrew
Lloyd Webber, Antonín
Dvorák, Hoagy Carmi-
chel, Wolfgang Amadeus
Mozart og Joaquin Rodrigo.
Tónleikarnir eru liður í sam-
starfi Félags íslenskra tónlistarmanna og Félags
íslenskra hljómlistarmanna við menningarfulltrúa
Reykjanesbæjar, Tónlistarfélag Reykjanesbæjar og
Tónlistarskóla Reykjanesbæjar. Samstarfið hlaut
styrk úr Tónlistarsjóði.
Suðurnesjamenn og aðrir eru eindregið hvattir
til að mæta á þessa tónleika, sem verða mjög
fjölbreyttir og sérstakir. Aðgangur er ókeypis og
eru allir velkomnir á meðan að húsrúm leyfir. - vþ
Fjölbreytt efnisskrá og góðir gestir
JÚLÍKVARTETTINN Kemur fram með
góðum gestum á sunnudag.
> Ekki missa af …
Sýningunni „Daagblaðið Víísir“
í Ljósmyndasafni Reykjavíkur,
en henni lýkur á sunnudaginn.
Á sýningunni má sjá íslenskar
fréttaljósmyndir frá árunum
1960-2000. Ljósmyndasafn
Reykjavíkur er í Grófarhúsinu,
Tryggvagötu 15, og er aðgangur
ókeypis.
Kl. 17
Þeir Sigmundur Ernir Rúnarsson og
Guðni Ágústsson kynna bók sína
„Guðni – Af lífi og sál“ í bókabúð
Máls og menningar á Laugavegi 18 í
dag kl. 17. Boðið verður upp á léttar
veitingar og eru allir velkomnir.
Tilkynnt var í gær við hátíðlega athöfn í
Listasafni Íslands sem Kynningarmiðstöð
íslenskrar myndlistar stóð fyrir að Ragnar
Kjartansson, myndlistarmaður með meiru,
yrði fulltrúi Íslands á Tvíæringnum í Fen-
eyjum 2009. Í þann mund sem athöfnin stóð
yfir voru menn í óða önn að pakka saman
í Feneyjum sýningu Steingríms Eyfjörð
Kristmundssonar sem staðið hefur frá í vor
og á fjórða tug þúsunda gesta sótti.
Framkvæmdastjóri Kynningarmiðstöðvar, Christian
Schoen, stýrði athöfninni í gær og flutti þakkarorð
þeim mörgu sem lögðu sýningunni í Feneyjum lið í
sumar, sýningarstjóranum Hönnu Styrmisdóttur,
styrktaraðilum öllum og ráðuneytinu. Christian stóð
að baki þeirri ákvörðun að draga sýningarhald
Íslands að Stóra kanal, býsna langt frá aðalsýningar-
svæðinu í austurhluta Feneyja þar sem sýningarhald
tvíæringsins er jafnan. Var sýningu Steingríms
komið fyrir í Palazzo Bianchi Michiel þar sem grunn-
hæðin gaf möguleika á talsvert góðu rými til sýningar-
haldsins. Sýningin vakti talsverða athygli, fékk lof-
samlega dóma í meðal annars Observer og
Kunstforum international. Verður sýningin sett upp í
heild í janúar hér í Listasafni Reykjavíkur en það
kom að framkvæmdinni með tilleggi í hina myndar-
legu sýningarskrá.
Menntamálaráðherra lýsti vilja sínum til sóknar á
þessum mikilvæga stað í hinum alþjóðlega myndlistar-
heimi. Það væri einlægur vilji sinn að gera betur en í
gær og fyrradag: síðan tilkynnti hún að Ragnar
Kjartans son yrði fulltrúi Íslands í sumarbyrjun 2009.
Það er valnefnd skipuð þeim Rúrí, Christian Schoen
og Hafþóri Yngvasyni sem ræður þessari tilskipan
en hún naut ráðgjafar máttarstólpa í íslensku mynd-
listarlífi.
Ragnar var að vonum ánægður, nýkominn frá Fen-
eyjum þar sem hann leit á Tvíæringinn og skoðaði
aðstæður. Hann sagði að nú væri hann bara í fegurðar-
drottningarfílingnum, hann vissi ekki hvað hann
fengi af fjármagni til að hrinda hugmyndum sínum í
framkvæmd, né heldur hvort enn yrði notast við höll
hins bjarta Mikaels. Hann var reyndar mest í kossum
og faðmlögum meðan blaðamaður reyndi að tala við
hann. Viðbrögðin við sýningu Steingríms á alþjóða-
vettvangi vekja með ungum myndlistarmanni vonir
um að hann nemi ný lönd: Steingrímur sýnir í haust á
Max Protetch Galleríinu í New York og mun koma til
álita sem þátttakandi í Manifesta og tvíæringnum í
Berlín. Ragnar sér því leik á borði.
Ragnar er fæddur 1976 í Reykjavík. Hann er sonur
þeirra Guðrúnar Ásmundsdóttur, leikskálds, leik-
konu og leikstjóra, og Kjartans Ragnarssonar, leik-
stjóra og leikskálds, og er alnafni afa síns, sem var
mikill frumkvöðull í íslenskri myndlist. Ragnar byrj-
aði ungur að koma fram, var um árabil kórdrengur í
Landakoti, en sneri sér síðan á námsárum að tónlistar-
flutningi í hinni geðþekku hljómsveit Kósý. Hann
stundaði nám við Listaháskólann og hefur frá útskrift
lagt sig eftir ýmsum listformum. Hann er þekktastur
sem tónlistar maður með hljómsveitum á borð við
Trabant og Funerals, en hefur sem myndlistarmaður
tekið þátt í fjölda samsýninga, sett upp installationir
eða innsetningar, framið gerninga, unnið með mynd-
bönd, olíu, teikningar, ljósmyndir og fleira. Hann er
nýkominn frá New York þar sem hann var við gern-
inga og einkasýningu hans í Nýló er nýlega lokið.
Hann vinnur nú við smíði á leikmynd fyrir sviðsetn-
ingu Benedikts Erlingssonar á leikverkinu Sólarferð
í Þjóðleikhúsinu.
Þátttaka íslenskra myndlistarmanna í Feneyjum
var lengi stopul og áttu þeir sér ekki annað skjól en
gestasali uns gamli finnski skálinn var laus. Íslenskir
arkitektar hafa aldrei tekið þátt í Feneyjatvíæringn-
um sem haldinn er á móti myndlistartvíæringnum,
né hefur Íslendingum tekist að komast á kvikmynda-
hátíðina með verkefni. Við eigum því marga sigra
óunna á eyjunum undan Pó. pbb@frettabladid.is
Raggi fer til Feneyja
MYNDLIST Ragnar fagnar ásamt samherjum í Listasafninu í
gær. Nú tekur hugmyndavinna við og fjársöfnun til að hrinda í
framkvæmd sýningu sem verður opnuð eftir tæp tvö ár.
FRÉTTABLAÐIÐ/VALLI
Tón
list
arh
átíð
á Ga
uki
á St
öng

og O
rga
n í k
völ
d Org
an G
aukur
á Stö
ng
Mot
ion
Boy
s
Ultr
ame
gat
echn
oba
ndið
Ste
fán
Blo
odg
rou
p
DJ Gho
zt
DJ Cue
llar
DJ Mat
ti
Spr
eng
juhö
llin
Hjal
talí
n
Dikt
a
Tón
leik
arn
ir
hefj
ast
kl. 2
2.30
Hús
in o
pna
kl.
22.0
0
Náðu
þér
í miða
strax
Forsa
la á m
idi.is
Verð k
r. 200
0 - arm
bönd
gilda
á báða
staði
na
P
IP
A
R
• S
ÍA
• 7
2
3
3
6
Gerðuberg • www.gerduberg.is • sími 575 7700
GERÐUBERG
Auglýsingasími
– Mest lesið