Fréttablaðið - 23.11.2007, Blaðsíða 31
FÖSTUDAGUR 23. nóvember 2007 3
Verðlaunakokkurinn Brian
Abbott frá Nýfundnalandi
verður gestakokkur á Þremur
Frökkum um helgina.
Tveir verðlaunakokkar frá
Nýfundnalandi munu verja helg-
inni við matreiðslu á tveimur af
betri matsölustöðum bæjarins,
Humarhúsinu og Þremur
Frökkum.
Koma kokkanna tengist mark-
aðstorgi Nýfundnalands og
Labrador sem verður í Perlunni
24.-25. nóvember næstkomandi.
Þar munu tuttugu fyrirtæki frá
Nýfundnalandi og Labrador í
Kanada kynna og selja fjölbreytta
listmuni, gjafavöru, veiði- og vél-
sleðaferðir, tónlist og ýmsa aðra
áhugaverða vöru og þjónustu.
Brian Abbott matreiðir á
Þremur Frökkum en hann á sjálf-
ur veitingastaðinn Restaurant 21
í St. John’s á Nýfundnalandi.
Brian hefur hlotið mörg verðlaun
í gegnum tíðina, meðal annars
verið valinn matreiðslumaður
ársins 2005.
Brian er sonur fiskimanns og
ólst upp í fiskibænum Bonavista.
Þótt fiskveiðar hafi ekki átt við
hann hafa æskuárin í nálægð við
hafið haft mikil áhrif á störf hans
í eldhúsinu en honum finnst
skemmtilegast að elda hvers
konar sjávarrétti. Hann notar
staðbundið hráefni á veitingahúsi
sínu en matreiðir það á fjöl-
breyttan hátt. Matseðlinum á
Restaurant 21 breytir hann til
samræmis við árstíðir og fram-
boð á góðum fiski.
Á Þremur Frökkum mun hann
bjóða upp á nokkra rétti sem eru
vinsælir á veitingastað hans, til
dæmis reykt þorskapaté, romm-
bragðbætt smálúðuflök með hlyn-
sýrópi og bakað epla creme
brulée með ferskum ávöxtum.
Brian gefur lesendum Frétta-
blaðsins hér uppskrift að smálúð-
unni. solveig@frettabladid.is
Sonur fiskimanns sem
varð verðlaunakokkur
Brian Abbot matreiðir íslenska smálúðu að hætti Nýfundnalands.
Romm-bragðbætt smálúðuflök með hlynsýrópi
500 grömm af hlynsýrópi
1 teskeið af chili-flögum
1 skammtur af súraldinsafa til bragðbætis
1 lauf af timían
1½ teskeið af salti
½ bolli af dökku rommi
lúða, skorin í 6-7 170 gramma skammta
2 grömm af kældum smjörteningum.
Látið ofninn ná 190° á Celsíus.
Safnið öllu hráefninu saman og látið lúðuna marinerast
í því í 45 mínútur.
Kryddið og bakið (eða steikið á pönnu) í 5-6 mínútur.
Sjóðið niður kryddlöginn uns hann þykknar. Takið hann
af hitanum og þeytið smjörið.
MEISTARAR
Í TERTUM
Dalshrauni 13 - 220 Hafnarfjörður - Sími 544 5950
M
Hvernig færð þú
barnið þitt til að borða
ferskan fisk daglega?
Svarið er Skólabiti
25 gr. Skólabiti samsvarar 125 gr. af ferskum roðlausum
fiskflökum. Inniheldur prótín, vítamín og bætiefni.
Fæst í flestum matvöruverslunum
og á bensínstöðvum um allt land
N Æ R I N G O G H O L L U S T A