Fréttablaðið - 23.11.2007, Blaðsíða 34

BLS. 2 | sirkus | 23. NÓVEMBER 2007
■ Heyrst hefur
Útgáfufélag 365 prentmiðlar
Ritstjóri Marta María Jónasdóttir
martamaria@365.is
Indíana Ása Hreinsdóttir
indiana@frettabladid.is
Bergþóra Magnúsdóttir
bergthora@frettabladid.is
Forsíðumynd Valgarður Gíslason
Útlitshönnun Kristín Agnarsdóttir
kristina@frettabladid.is
Sirkusblaðið Skaftahlíð 24
105 Reykjavík, sími 512 5000
MORGUNMATURINN
Beyglur eru klassískur morgunmatur NY-
búa. Þeim sem hafa sérstakan áhuga á
beyglum bendi ég á Murray’s Bagels (500
6th ave, við 13th st). Vilji fólk upplifa mikla
og skemmtilega stórborgarstemningu að
morgni til mæli ég síðan með því að fara í
morgunmat á Balthazar (80 Spring st, milli
Broadway og Crosby st) og þá helst á
virkum degi.
SKYNDIBITINN
Uppáhaldsstaðurinn minn heitir Joe’s Pizza
(7 Carmine st, við 6th ave) sem vill svo til
að er líka uppáhaldsstaður löggunnar og
slökkviliðsmannanna. Síðan verð ég að
minnast á Shake Shack, veitingastað/
lúgusjoppu sem selur svakalega góða hamborgara og
franskar og svo framvegis í Madison Square Park (gengið
inn í garðinn á Madison ave og 23rd st).
LÍKAMSRÆKTIN
Það er frekar gaman að hlaupa í Central Park og ég hvet þá
sem heimsækja borgina að taka með sér hlaupaskóna og
skokka í kringum tjörnina þar (við ca 90th st), alveg
magnaða hlaupaleið sem getur gert lötustu antisportista að
hlaupasjúklingum sem fara svo jafnvel að æfa fyrir
hálfmaraþon.
RÓMÓ ÚT AÐ BORÐA
Það er auðvitað smekksatriði hvað telst rómó en hérna ættu
flestallir að geta fundið staði sem vekja hjá þeim rómantíska
púkann hvort sem það felur í sér að snæða lekkra máltíð
við kertaljós og fiðluleik, að borða pitsu upp úr kassa á
ganstéttarbrún, eða feitan hamborgara við barinn, eða að
mata hvort annað á sushi innan um fallega hönnun, eða
eitthvað allt annað. Sé fólk í rómantískum
hugleiðingum sting ég upp á því að haldið
sé á neðri hluta Manhattan, í Greenwich
Village, Soho, eða Lower East side, þar
sem fjölbreytni bara og veitingastaða er
endalaus og um að gera að labba á milli
og finna sér þá stemningu sem hver og
einn fílar best. Ef vandræðulegu þagnirnar
verða yfirþyrmandi er síðan alltaf hægt að
skella sér í karaoke, til dæmis á Sing Sing
(9 St.Marks Place, við 3rd ave) þar sem
hægt er að fá herbergi fyrir tvo (til að
syngja sko), eða á rokkbarinn Arlene’s
Grocery (95 Stanton st, við Ludlow st) þar
sem gestir geta stigið á svið með
húsbandinu, rokk á mánudagskvöldum og
kántrí á sunnudagskvöldum.
VERSLUNIN
Whole Foods Market. Það er erfitt að útskýra fyrir fólki
hvernig hægt er að taka ástfóstri við matvöruverslun en
sjón er sögu ríkari. Litlu búðirnar í
austurhluta Soho og á Lower
East side þar sem nýju og
gömlu ægir saman og hægt
er að verða sér úti um algjör
„find“ eins og Kaninn segir.
Svo er skylda að heimsækja
Barney’s (660 Madison ave,
við 61th st.). Að fara í Barney’s
er eins og að ganga inn í
flottasta tískublað í heimi og
trítla þar um á milli blaðsíðnanna.
Alveg satt.
Birna Anna Björnsdóttir
rithöfundur
Eiginkona Þorgríms Þráins-
sonar í fjölmiðlabanni
Hin umtalaða bók Þorgríms Þráinssonar,
„Hvernig á að gera konuna þína
hamingjusama“, kom út nýverið. Bókin
byggist á reynsluheimi Þorgríms og konu
hans, Ragnhildar Eiríksdóttur. Í bókinni
talar Þorgrímur beint frá hjartanu um
samlíf sitt og konu sinnar á svo einlægan
og opinskáan hátt að jafnvel hörðustu
kynlífsfræðingar og unnendur roðna við
lesturinn. Sirkus hafði samband við konu
Þorgríms, Ragnhildi, sem ætti að vera
samkvæmt bókinni hamingjusamasta
kona Íslands og spurði hana hvernig
henni liði með opinberun eiginmannsins á
einkalífi þeirra hjóna. Ragnhildur vildi
ekkert tjá sig um málið og upplýsti að
hún vildi algerlega halda sér fyrir utan
alla fjölmiðlaumræðu í þessu samhengi.
Björgólfur ekki í brúðkaupinu
Í brúðkaupsveislu Jóns Ásgeirs og
Ingibjargar Pálmadóttur vakti athygli að
viðskiptajöfurinn Björgúlfur Thor var ekki á
meðal þeirra 300 veislugesta sem fagnaði
með brúðhjónunum á brúðkaups-
daginn. Gárungarnir velta fyrir
sér hvort Björgúlfur hafi ekki
séð sér fært að mæta eða
hvort honum hafi hreinlega
ekki verið boðið.
Á sgeir Kolbeinsson sjónvarpsmaður komst í fréttirnar með íbúðina sína í fyrra þegar Arnar Gauti í Innliti/útliti heimsótti hann og fékk að fylgjast með framkvæmdum. Orðbragð þeirra Arnars Gauta og Ásgeirs
fór fyrir brjóstið á þjóðinni þegar þeir „dissuðu“ fyrra útlit íbúðarinnar.
Íbúðin, sem er 93 fermetrar, er nú komin á sölu. Þegar Sirkus hafði sam-
band við Ásgeir vildi hann lítið segja um málið en staðfesti þó að hann væri
að selja.
„Það eru nokkrar ástæður fyrir því. Aðalástæðan er þó að mig langar að
breyta til. Ég hef ákveðnar hugmyndir um annað framtíðarhúsnæði en ég er
þó ekkert að stressa mig á þessu,“ segir Ásgeir sem ætlar að selja íbúðina á
Bárugrandanum áður en hann fjárfestir í öðru húsnæði. Ásgeir lagði mikla
vinnu í íbúðina á sínum tíma og endurnýjaði hana frá grunni. Á gólfunum er
plankaparkett úr eik, innréttingar og innihurðir úr eik og á baðherberginu
er hornbaðkar með nýmóðins innréttingu. Á einum veggnum í stofunni er
innbyggður 50 tommu flatskjár og fullkomið hljóðkerfi frá Marantz og
Paradigm. Heimildir Sirkuss herma að Ásgeir ætli að stækka við sig og að
staðsetningin skipti ekki öllu máli. Hann ku þó ekki vera að stækka við sig
vegna plássleysis eða fjölgunar í fjölskyldunni því Ásgeir er piparsveinn og
hefur enn ekki fundið hina einu réttu. martamaria@365.is
ÁSGEIR KOLBEINSSON SELUR GLÆSIÍBÚÐ SÍNA
Föl fyrir 33,9 milljónir
HÚSGÖGNIN GETA FYLGT MEÐ Í auglýsingunni á fasteignavefnum kemur fram að húsgögnin geti fylgt með íbúðinni.
NEW YORK
Handknattleikskappinn og landliðsfyrirlið-
inn Ólafur Stefánsson og eiginkona hans
Kristín Soffía Þorsteinsdóttir eignuðust
litla stúlku í síðustu viku. Hún fæddist í
Madríd á Spáni þar sem þau hjónin búa
ásamt börnum sínum. Fyrir eiga þau
Helgu Soffíu sem er 8 ára og soninn
Einar Þorstein 6 ára. Nýfædda stúlkan
hefur hlotið nafnið Stefanía og er skírð í
höfuðið á föður Óla, Stefáni og systur
hans Stefaníu tennisleikara. Það væsir
ekki um fjölskylduna en Ólafur leikur með
spænska liðinu Ciudad Real og hefur
staðið sig með mikilli prýðí.
Eignuðust dóttur í síðustu viku
SKÍNANDI LUKKA Ólafur Stefánsson og Kristín Soffía Þorsteinsdóttir eignuðust dóttur í
síðustu viku.