Fréttablaðið - 23.11.2007, Blaðsíða 22
22 23. nóvember 2007 FÖSTUDAGUR
taekni@frettabladid.is
Wii-leikjatölvur Nintendo eru gríðarlega vinsælar
um allan heim. Á þessu ári verða 17,5 milljónir véla
framleiddar, en það svarar þó ekki eftirspurninni.
Bræðurnir Ormsson stóðu fyrir kynningu á vélinni
í Smáralind um síðustu helgi og var áætlaður fjöldi
gesta á milli 3.000 til 4.000 manns.
„Okkur fannst kominn tími til að kynna fólki hvað
þetta raunverulega er. Þetta er náttúrulega
einstök tölva í allri hönnun og meðferð og
við vildum koma henni á framfæri við fólk,“
segir Rúnar Hrafn Sigmundsson, sölumaður
og leikjatölvugúrú hjá Bræðrunum Orms-
son. Á sautján básum í Vetrargarði Smára-
lindar mátti sjá og reyna ólíka tölvuleiki.
Nintento er með mörgum leikjum
fyrir bæði unga og aldna krakka að sögn
Rúnars.
Auk þess sé hún heilbrigðasta leikja-
tölvan því til þess að spila þarf fólk að standa upp úr sófanum og
stýra í leiknum með öllum líkamanum.
Vinsælasti leikurinn í dag er Super Mario Galaxy. Rúnar segir
fyrstu kynslóðar Nintendo-unnendur vera sérstaklega hrifna af
Maríó og félögum.
„Þetta er algjör nostalgía fyrir fólk sem er um og yfir þrítugt og
þekkir hann Maríó. Svo má ekki gleyma því að á Wii er hægt að
fara á netið og sækja gömlu leikina sem við spiluðum sem
börn.“ Hann segir söluna hafa tekið kipp eftir kynninguna
en hún hafi ekki verið sem verst áður.
„Hún hefur selst mjög vel og hefur farið vel fram úr
björtustu vonum alls staðar í heiminum. Nintendo
gaf út að ekkert framboð yrði á tölvunni fyrir jól. En
við erum nokkuð vel stödd hér á Íslandi miðað við
annars staðar.“
Í dag kemur út leikur um þá
Maríó og Sonic á Ólympíuleikunum ásamt
þriðja Gítarhetjuleiknum. - eb
TÆKNISPJALL: RÚNAR HRAFN SIGMUNDSSON SÖLUMAÐUR
Þúsundir léku sér að Wii í Smáralind
Bandarískt fyrirtæki spáir
því að strax árið 2010 verði
upplýsingamagnið sem
streymir um internetið
orðið meira en kerfið ræður
við.
Verja þarf gríðarlegu fé til þess á
næstu árum að auka flutnings-
getu internetsins ef hægt á að
vera að fullnægja kröfum not-
enda þess. Þessu spáir banda-
ríska greiningar fyrirtækið Nem-
ertes, sem hefur birt viðamikla
skýrslu um málið.
Kostnaðurinn gæti numið hátt í
níu þúsund milljörðum króna á
heimsvísu, að mati Nemertes.
Í skýrslunni er bent á að net-
notkun fólks hefur breyst mikið á
síðustu árum. Margir nota netið í
miklum mæli til þess að horfa á
myndbönd, hlusta á tónlist og
skiptast á margmiðlunarefni af
ýmsu tagi. Svo bætist við að far-
símar og önnur þráðlaus tæki eru
æ oftar notuð til að tengjast net-
inu.
Árið 2010 má búast við því að
flutningsgetan anni ekki lengur
síaukinni eftirspurn netnotenda.
Afleiðingarnar geta orðið þær að
Netið verður nánast ónothæft.
Samband rofnar æ oftar, jafnvel
þegar verst stendur á – til dæmis
þegar notandi er í miðju kafi að
kaupa sér eitthvað í gegnum net-
verslun eða ná í nýjasta mynd-
bandið á YouTube. Sums staðar
gætu notendur þurft að treysta
aftur á gamaldags upphringisam-
band til að komast á netið.
Þetta getur meðal annars haft í
för með sér að verulega hægi á
því að netfyrirtæki bjóði upp á
nýjungar, vegna þess einfaldlega
að flutningsgeta netsins myndi
ekki ráða við þær. Nýjar útgáfur
af Amazon, Google eða YouTube
gætu dregist árum saman meðan
beðið er eftir því að þessi vandi
verði leystur.
„Það er engin leið að koma meiri
umferð í gegnum netið en það
ræður við,“ segir Johna Till John-
son, forstjóri Nemertes, í frétta-
tilkynningu frá fyrirtækinu.
Í skýrslunni er því spáð að verst
komi þetta niður á netnotendum í
Bandaríkjunum og Kanada.
Rannsóknin er byggð á háskóla-
rannsóknum, notendakönnunum,
opinberum gögnum og viðtölum
við fjölmörg fyrirtæki sem tengj-
ast internetþjónustu af ýmsu tagi.
gudsteinn@frettabladid.is
HANGIÐ Á NETINU Adam verður ekki lengi í paradís háhraðanetsins, ef marka má
spádóma bandaríska fyrirtækisins Nemertes. FRÉTTABLAÐIÐ/AFP
Internetið yfir-
fyllist og stíflast
innan fárra ára
TÆKNI Fjarskiptafyrirtækið T-
Mobile í Þýskalandi hefur til-
kynnt að iPhone-símarnir, sem
fyrirtækið fékk einkaleyfi á að
selja í Þýskalandi, verði fram-
vegis seldir án bindisamnings og
ólæstir þannig að kaupendur
símanna geti verið í viðskiptum
við hvaða símafyrirtæki sem
þeir vilja.
T-Mobile hóf sölu á iPhone-
símunum 9. nóvember síðastlið-
inn og var einungis hægt að
kaupa þá með tveggja ára bindi-
samning við fyrirtækið. Keppi-
nautur T-Mobile á fjarskipta-
markaði í Þýskalandi, Vodafone,
höfðaði mál og 12. nóvember gaf
dómstóllinn út lögbann á að T-
Mobile seldi iPhone-símana ein-
ungis með tveggja ára binditíma.
T-Mobile er einnig gert að hætta
að selja iPhone-símana læsta
sem kemur í veg fyrir að hægt
sé að nota þá hjá öðru fjarskipta-
fyrirtæki.
Í tilkynningu frá T-Mobile
sagði að þeir sem þegar hefðu
keypt iPhone-síma gætu komið
og látið fjarlægja læsingu af
símum sínum. Þá var tekið fram
að fyrirtækið hlýddi lögbanninu
þar til lagaleg staða hefði verið
leyst og að fyrirtækið áskildi sér
rétt til að sækjast eftir skaða-
bótum seinna meir.
Apple-fyrirtækið, sem fram-
leiðir iPhone-símana, hefur gert
svipaða einkaleyfissamninga við
fyrirtækin O2 í Bretlandi og
AT&T í Bandaríkjunum.
- sdg
Einkaleyfishafi iPhone í Þýskalandi má ekki selja símana læsta né með binditíma:
Lögbann á læsta iPhone-síma
Vefurinn:
Simpsonizeme.com
Búðu til þína
eigin Simpson-
persónu á
vefnum Simp-
sonizeme. Með
því að senda
mynd af sjálf-
um þér, eða
hverjum sem
er, getur þú
búið til þína eigin persónu sem tekur sig vel út
Aðstandendur YouTube-síðunnar hafa skorið upp herör gegn einelti og ofbeldi
á netinu. Aðstandendur YouTube ætla að koma upp heimasíðu þar sem ungt
fólk er hvatt til að tilkynna ofbeldi sem er beint gegn því.
Síðan verður sett upp í kjölfar aukins eineltis í gegnum tölvupóst, farsíma
sem og heimasíður á netinu. Unglingar um allan heim hafa meðal annars
notað YouTube-síðurnar til að níðast á þeim sem minna mega sín.
BERJAST GEGN NETFÖNGUM