Fréttablaðið - 23.11.2007, Blaðsíða 12

12 23. nóvember 2007 FÖSTUDAGUR
GÖTULEIKARI Í ASTEKABÚNINGI Á
Zocolo-torgi í Mexíkóborg mátti nú í
vikunni sjá þennan götuleikara skrýdd-
an astekabúningi. FRÉTTABLAÐIÐ/AFP
Slæleg bílbeltanotkun
Lögreglan á Selfossi hafði afskipti
af tíu ökumönnum á hálftíma í gær,
sem ekki notuðu bílbelti við akstur.
Lögreglan sinnti eftirliti með bílbelta-
notkun á Engjavegi við Vallaskóla á
Selfossi, en að sögn lögreglu gættu
ökumenn þess að börn þeirra notuðu
bílbelti.
LÖGREGLUFRÉTTIR
Hraðfundur öldungadeildar
Öldungadeild Bandaríkjaþings kom
saman á þriðjudag, en fundi var slitið
eftir aðeins 22 sekúndur. Með fund-
inum kom meirihluti demókrata í veg
fyrir að Bush forseti notfærði sér þing-
hlé í tilefni af þakkargjörðardegi til að
skipa umdeilda menn í laus embætti,
eins og hann hefur áður gert.
BANDARÍKIN
Jólahressing í boði
Íbúum á Selfossi og annars staðar
í Árborg mun verða boðið upp á
hressingu þegar jólasveinarnir birtast
í byggð á aðventunni. Þetta er hluti
af samstarfi sveitarfélagsins við
ýmsa aðila um viðburði á komandi
aðventu.
ÁRBORG
BANDARÍKIN, AP Tólf ára drengur
réðst á þrettán ára bróður sinn
með hníf og stakk hann vegna
rifrildis um hvað horfa ætti á í
sjónvarpinu. Eldri bróðirinn
liggur alvarlega slasaður á
sjúkrahúsi og sá yngri er í haldi
lögreglunnar í Phoenix.
Bræðurnir höfðu verið að rífast
yfir fjarstýringunni þegar sá yngri
fór inn í eldhús og sneri til baka
með tólf sentimetra langan hníf
sem hann notaði til að stinga
bróður sinn í kviðinn að sögn
talsmanns lögreglunnar, Robs
Howe. Sjö ára gömul systir
bræðranna var í næsta herbergi.
- sdg
Rifrildi yfir fjarstýringunni:
Stakk bróður
sinn í kviðinn
DÓMSMÁL Tæplega þrítugur karl-
maður á Blönduósi hefur verið
dæmdur í níu mánaða fangelsi
fyrir að hóta að kyrkja, hengja og
drepa lögreglumenn sem voru við
skyldustörf.
Maðurinn var ákærður fyrir að
hafa á bílastæði á Blönduósi hótað
lögreglumanni lífláti með orðun-
um „Ég drep þig“. Þá ýtti hann við
öðrum lögreglumanni á svæðinu
og reyndi að slá til hans með
krepptum hnefa.
Nokkrum mánuðum síðar hótaði
maðurinn tveimur lögreglumönn-
um sem voru að flytja hann í lög-
reglubifreið til Blönduóss. Hann
hótaði þeim ítrekað lífláti og lík-
amsmeiðingum, meðal annars með
orðunum „Ég drep ykkur,“ og „ég
ætla að lemja þig“. Þá hótaði hann
að kyrkja og hengja lögreglu-
mennina. Þá veittist hann að
öðrum þeirra og sló ítrekað til
hans með krepptum hnefa. Hann
náði að kýla lögreglumanninn í
höfuðið og í handleggina þegar sá
síðarnefndi reyndi að verjast
árásinni.
Maðurinn játaði brot sín fyrir
dómi. Hann á að baki nokkurn saka-
feril, þar á meðal umferðarlaga-
brot, fíkniefnabrot og líkamsárásir.
Með afbrotum sínum nú rauf hann
skilorð. Dómurinn var skilorðs-
bundinn til þriggja ára. - jss
Dæmdur í níu mánaða fangelsi fyrir brot gegn valdstjórninni:
Hótaði að drepa lögreglumennina
Í LÖGREGLUBIFREIÐINNI Atvikin sem
maðurinn var dæmdur fyrir áttu sér
meðal annars stað í lögreglubifreið.
HEILBRIGÐISMÁL Svanur Sigur-
björnsson lyflæknir segir að of
mikið sé um að foreldrar neiti
börnum sínum um bólusetningar.
Ástæðuna fyrir því telur hann vera
þá hve nýaldarfræði hafa hlotið
mikinn hljómgrunn hér á landi.
Talsmenn þeirra ali á ótta gagnvart
læknisfræði en haldi að fólki lof-
orðum um að blómadropar og
hómópataremedíur geti gert sama
gagn og lyf og bólusetningar.
„Mér finnst þessi gervivísindi í
mikilli sókn hér á landi. Það er erf-
itt fyrir leikmanninn að greina á
milli þess sem er rétt og rangt í
þessum efnum,“ segir hann.
Svanur segir að þótt hann hafi
ekki viljað deila við þá foreldra
sem hafi ákveðið að neita börnum
sínum um bólusetningu telji hann
það skyldu sína barnanna vegna
að reyna að tala foreldrana af
skoðun sinni. Hann hafi hlustað
eftir þeim kenningum sem for-
eldar báru við gegn bólusetning-
um, kannað
réttmæti þeirra og
komist að því að
ekki voru til nein-
ar vísindalegar
sannanir sem
studdu skoðanir
þeirra.
„Það eru ekki til
neinar haldbærar
rannsóknir sem
sanna tengsl einhverfu eða
kvikasilfurs eitrunar sem mest er
haldið á lofti,“ segir Svanur. Hann
segist einnig hafa reynslu af því að
þeir sérfræðingar sem mæli til að
mynda með blómadropameðferð
og hómópatíu virðist hvorki vita
hvað bólusetning sé né hverju hún
hafi komið til leiðar. Þær milljónir
manna sem bólusetningar hafi
bjargað frá dauða og örkumlum
verði seint taldar. „Það er alvarlegt
að fólki sé lofað bata og öryggi án
þess að nokkrar sannanir liggi að
baki,“ segir Svanur. - kdk
Læknir segir nýaldarfræði varhugaverða:
Foreldrar hafna
bólusetningu barna
BÓLUSETNINGAR Svanur segir of algengt að foreldrar neiti börnum sínum um þá
vörn sem bólusetningar veita. Færist þetta enn frekar í vöxt geti faraldrar blossað
upp að nýju. FRÉTTABLAÐIÐ/HILMAR
SVANUR SIGUR-
BJÖRNSSON
Félagsmálaráðuneytið
Evrópuár jafnra tækifæra 2007
Kynbundinn launamunur
Aðferðir til úrbóta
Ráðstefna 23. nóvember 2007
Jafnréttisstofa í samstarfi við Ár jafnra tækifæra og félagsmálaráðuneytið efnir til ráðstefnunnar Kynbundinn
launamunur - Aðferðir til úrbóta þann 23. nóvember kl. 13-16 í Sunnusal Hótel Sögu. Kynntar verða niðurstöður
rannsóknar á kynbundnum launamun sem unnin var upp úr gögnum Hagstofu Íslands um atvinnutekjur
þjóðarinnar. Í rannsókninni voru skoðaðar atvinnutekjur og heildartekjur kynjanna, eftir hjúskaparstöðu, aldri
og búsetu. Einnig verða ræddar ólíkar aðferðir sem notaðar hafa verið til að vinna bug á þeim vanda sem
kynbundinn launamunur er.
Dagskrá:
13:00 Jóhanna Sigurðardóttir, félagsmálaráðherra, setur fundinn
13:10 Tekjumunur karla og kvenna: Upplýsingar úr skattframtölum
Ingólfur V. Gíslason, sviðsstjóri rannsóknarsviðs Jafnréttisstofu.
13:45 Kynjavöktun í aðdraganda kjarasamninga
Maríanna Traustadóttir, jafnréttisfulltrúi ASÍ
14:05 Áform og aðgerðir - til að greina og eyða kynbundnum launamun
Sigríður Lillý Baldursdóttir, starfandi forstjóri Tryggingarstofnunnar
14:25 Kaffi hlé
14:45 Tala minna – gera meira
Ingibjörg Óðinsdóttir, forstöðumaður mannauðssviðs Skýrr
15:05 Markvissar aðgerðir skila árangri
Anna Jörgensdóttir, starfsmannastjóri Hafnarfjarðarbæjar
15:25 Pallborðsumræður
Fundarstjóri: Mörður Árnason
Ráðstefnan er öllum opin og aðgangur er ókeypis