Fréttablaðið - 23.11.2007, Blaðsíða 43

SKRUDDA
Eyjarslóð 9 - 101 Reykjavík
s. 552 8866 - skrudda@skrudda.is
www.skrudda.is
Hvort er hættulegra, kynlífið eða ástin?
Er hægt að halda framhjá án líkamlegrar snertingar?
Og er hægt að halda framhjá með líkamanum eingöngu?
Hliðarspor er áleitin og angurvær Reykjavíkursaga um gráa fiðringinn, vændi
og draumana sem rætast ekki. Ágúst Borgþór Sverrisson er einn virtasti
smásagnahöfundur landsins. Hliðarspor er fyrsta skáldsaga hans.
Margar Reykjavíkursögur af þessu tagi vita ekki hvert þær eru að fara og höfundur kemst aldrei
á leiðarenda með viðfangsefni sitt. En þessi saga Ágústs Borgþórs gerir það með einföldum og
sniðugum hætti. Þetta er fín lesning ... Annað sem verður svo sláandi við lestur Hliðarspors er hið
gráa svæði á milli siðlegra og ósiðlegra hluta. Hvenær eru menn örugglega komnir yfir á hvítan eða
svartan reit? – andriki.is
Skemmtileg saga, full af skemmtilegum lýsingum. – Egill Helgason
Þessi saga veitti mér nýja sýn á hjónabandið og sálarlíf miðaldra karlmanna. – Silja Aðalsteinsdóttir
NÝ BÓK EFTIR BJÖRN TH. BJÖRNSSON
Sagan um Þórurnar tvær hefur löngum verið vinsæl til
upprifjunar í Þingvallaferðum. Systurnar hétu báðar
Þóra, í höfuðið á móðurömmu sinni, Þóru Magnúsdóttur
Noregskonungs. En þrátt fyrir slíka ættgöfgi var ævi þeirra
áfallasöm í gleði með þungum þrautum og upphefð þeirra
nánustu varð þeim nístandi sár. Þessa indælu en margslungnu
sögu segir Björn Th. Björnsson í þessari bók og bregst hvorki tær
stíll hans né myndvísi á sviðsetningu atburða.
Björn Th. Björnsson lauk við bókina skömmu fyrir
andlát sitt í ágúst sl.
Í þessari bók dregur Ólafur Ormsson upp afar lifandi myndir frá litríkum
æskuárum í Keflavík. Fjallað er af hreinskilni um ýmis viðkvæm mál, gleði, sorgir
og samferðarfólk. Sjötti áratugur tuttugustu aldarinnar var mjög viðburðarríkur.
Í Kanaútvarpinu heyrði unga fólkið fyrst í nýju átrúnaðargoði, Elvis Presley.
Rokktónlistin breytti tíðarandanum. Lífið í litla þorpinu tók stakkaskiptum
og fólk streymdi víða að til vinnu á Keflavíkurflugvelli. Orrustuþotur
bandaríska herliðsins rufu hljóðmúrinn svo til daglega yfir lágreistri byggðinni
og hermenn voru farnir að birtast á götunum. Bókin er skrifuð af miklum
krafti, atburðarásin er hröð og textinn geislar af frásagnargleði.
ÁSTIN OG KYNLÍFIÐ
KRAFTMIKIL SKÁLDÆVISAGA