Fréttablaðið - 23.11.2007, Síða 42

23. NÓVEMBER 2007 FÖSTUDAGUR2 ● fréttablaðið ● miðborgin
Kirkjugarðurinn við Suðurgötu er
tilvalinn til gönguferða enda má þar
finna falleg gömul leiði sem öll segja
sína sögu.
Hólavallagarður heitir kirkjugarðurinn við
Suðurgötu sem vígður var árið 1838. Garð-
urinn rammast inn af Ljósavallagötu, Hring-
braut, Suðurgötu, Hólatorgi og Kirkju-
garðsstíg. Garðurinn er um þrír hektar-
ar að stærð en teknar hafa verið rúmlega
tíu þúsund grafir þar. Fáar hafa bæst við í
seinni tíð enda var land í garðinum á þrot-
um strax árið 1932. Síðan þá hafa einung-
is verið teknar fráteknar grafir en auk þess
duftkersgrafir því duftker má grafa ofan á
kistu og þannig lengi hægt að bæta við gröf-
um í garðinum.
Í tilefni af 150 afmæli kirkjugarðsins
árið 1988 skrifaði Björn Th. Björnsson bók-
ina Minningarmörk í Hólavallagarði. Þar
sagði hann garðinn vera „stærsta og elsta
minjasafn í Reykjavík“, sem væri „lifandi
safn og saga þeim sem kunna að lesa í hand-
bragð steinhöggvara, ráða í tákn og letur-
gerðir, hug og verk þess er hvílir undir“.
Enda er yndislegt að ganga þrönga stíga
innan um fallega legsteina og gömul, stæði-
leg tré.
Segja má að í Hólavallagarði sé heill skóg-
ur. Þó var ekki farið að planta þar trjám fyrr
en upp úr aldamótum 1900 og almenn varð
gróðursetning ekki fyrr en á árunum milli
heimsstyrjalda. Í garðinum ber mest á birki,
ilmreyni og silfurreyni. Auk þess talsvert af
sitkagreni og alaskaösp. Einnig má sjá lerki
og víði, auk ýmiss konar runnategunda.
Legsteinar í Hólavallagarði eru margvís-
legir og grafskriftir eru margbreytilegar.
Þar liggja einnig margir frægir menn sem
gaman er að leita uppi í garðinum. Þeirra á
meðal eru Jón Sigurðsson forseti, Muggur
listmálari, Sigurður Breiðfjörð skáld, Þor-
steinn Erlingsson skáld, Hannes Hafstein
ráðherra og Guðrún Oddsdóttir sem fyrst
allra var grafin í garðinum árið 1838. Boðið
hefur verið upp á gönguferðir um garðinn
með leiðsögumanni en upplýsingar fást á
skrifstofu Kirkjugarðanna í síma 585-2700.
- sgi
Stærsta og elsta minjasafn í Reykjavík
Marga fallega og áhugaverða staði má finna í
garðinum. Klukknaport í miðjum garðinum er einn
þeirra.
Óskabarn Íslands, sómi þess, sverð og skjöldur. Eitt
þekktasta minnismerki Hólavallagarðs er leiði Jóns Yfir tíu þúsund grafir hafa verið teknar í garðinum
en lítið hefur bæst við frá árinu 1932.
Kirkjugarðurinn við Suðurgötu þjónar sem nokkurs konar útivistarsvæði fyrir miðborgarbúa. Enda yndislegt að labba um þrönga stíga innan um falleg leiði og stæðileg tré. FRÉTTABLAÐIÐ/PJETUR
Unga fólkið hefur löngum átt athvarf
í Hinu húsinu í Reykjavík. Þar er vetr-
ardagskráin hafin sem er fjölbreytt að
venju.
Hitt húsið var opnað árið 1991 eftir að hug-
myndin að tómstundaaðstöðu fyrir ungt
fólk á aldrinum 16-25 ára hafði legið á borð-
um Íþrótta- og tómstundaráðs Reykjavíkur
um nokkurt skeið.
„Húsið var í fyrstu í gamla skemmti-
staðnum Þórskaffi í Brautarholti og var að
mestu leyti rekið sem dansstaður fyrir ungt
fólk. Fljótlega kom þó í ljós að ungt fólk
vildi aðstöðu fyrir innihaldsríkari og upp-
byggilegri starfsemi á sviði lista, menning-
ar og fræðslu,“ segir Ása Hauksdóttir, deild-
arstjóri menningarmála í Hinu húsinu.
Í dag er Hitt húsið í Pósthússtræti og síð-
astliðin sextán ár hefur starfsemin smám
saman breyst í menningar- og upplýsinga-
miðstöð þar sem ungu fólki er veitt ýmis að-
stoð og ráðgjöf.
„Það vill svo skemmtilega til að Hitt húsið
hefur í ár náð 16 ára aldri eins og unga fólk-
ið sem sækir húsið og í tilefni tímamótanna
verður blásið til fyrirmyndarteitis í jóla-
mánuðinum,“ útskýrir Ása sem segir vetr-
ardagskrána þegar vera í fullum gangi.
„Vetrardagskráin hófst í haust með tón-
leikaröðinni fimmtudagsforleikur sem er
alla fimmtudaga í vetur frá kl. 20.00 til
23.30. Nú hafa hátt í þrjátíu hljómsveit-
ir stigið á svið og einnig má nefna að Hitt
húsið var „off venue“ sena á Icelandic Air-
waves þar sem ung og upprennandi bönd
spiluðu,“ segir Ása og nefnir einnig nýaf-
staðna Unglist, listahátíð ungs fólks ásamt
Gallerí tukt þar sem myndlistarsenan á sitt
athvarf. Einnig tekur Hitt húsið þátt í Vetr-
arhátíð Reykjavíkur í febrúar og í mars
tekur rokkið við með Músíktilraunum. Unga
fólkið vantar heldur ekki hugmyndir og að
sögn Ásu tekur Hitt húsið vel á móti ungu
og hugmyndaríku fólki. Nánari upplýsing-
ar: www.hitthusid.is
rh@frettabladid.is
Kúnstir í miðbænum
Dansarar í Hinu húsinu búa til dansmyndband.
Ása Hauksdóttir, deildarstjóri menningardeildar
Hins hússins, segir unga fólkið mjög hugmyndaríkt.
FRÉTTABLAÐIÐ/GVA