Fréttablaðið - 23.11.2007, Blaðsíða 49
ganga æ lengra til að koma sér áfram,
græða og mylja undir eigin afturenda.
Mig langaði til að taka þetta skrefinu
lengra í bókinni. Þá fór ég að lesa mér
til um fyrirtækjanjósnara, ég veit ekk-
ert hvort það eru starfandi fyrirtækja-
njósnarar á Íslandi í dag, ég bara veit
það ekki. En þeir eru hins vegar starf-
andi í útlöndum og mig langaði að
staðsetja einn svoleiðis hér og sjá hvað
hann myndi gera.“ Í bókinni er líka
töluvert rætt um ríkidæmi og lúxus.
Þegar hún er spurð út í útrásina og
alla peningageggjunina segir hún að
þessu fylgi mikill kraftur. „Það eru allir
að kafna í athafnasemi og það er svo
mikill kraftur í loftinu hérna. Ég var
einn vetur í Wales og ég fann það svo
vel þegar ég flutti heim hvað það var
mikill kraftur hérna í loftinu. Vinkona
mín var að flytja heim um daginn haf-
andi búið í jafnaðarmannasamfélag-
inu Svíþjóð þar sem enginn má eiga
meira en annar eða skara fram úr. Vin-
kona mín fann þetta líka og varð und-
irlögð af þessum krafti. Svo er kostur
hvað borgin er lítil og maður getur
sinnt svo mörgum erindum á dag.
Stuttar boðleiðir, stutt í sviðsstjórana
og forstjórana og því auðvelt að ná til
fólks.“ Er ekkert skrítið þegar þriðji
hver maður keyrir um á Range Rover?
„Nei, nei, við getum það. Ég meina
þeir geta það, ég get það að vísu ekki,“
segir hún og hlær. „En auðvitað er það
skrítið og það væri ægilega jákvætt ef
þeir keyptu sér frekar Toyota Yaris og
notuðu restina í Amnesty Internation-
al. En svona er fólk, ég og flestir aðrir.“
Ógnvekjandi á skjánum
Sumarið 2005 var Lóa á krossgötum.
Henni var sagt upp sem ritstjóra Húsa
og híbýla meðan hún var í fæðingaror-
lofi. Eftir að uppsagnarfrestinum lauk
vissi hún ekki alveg hvað hún vildi gera.
En einn daginn fékk hún fjögur símtöl
með atvinnutilboðum. Þar af eitt frá
forsvarsmönnum NFS. „Mér fannst
eins og ég hefði himin höndum tekið
því þetta var nákvæmlega það sem ég
vildi gera, þáttastjórnandi í sjónvarpi í
spjallþætti um fréttatengd mál. Svo fór
NFS eins og það fór en þetta var frábær
reynsla.“ Hún segir að NFS hafi verið
fullmikil bjartsýni. „Sem betur fer urðu
ekki snjóflóð, eldgos, náttúruhamfarir
eða hryðjuverk á Íslandi þetta tæpa ár
sem NFS var til. En eitthvað slíkt hefði
getað bjargað NFS. Það var alveg vitað
mál að fólk færi ekki að stilla á NFS til
að horfa á beina útsendingu af blaða-
mannafundum um stýrivaxtaákvörð-
un Seðlabankans sem við sýndum
stundum beint frá,“ segir hún og hristir
hausinn. Hún segist þó hafa verið full
af áhuga og bjartsýni enda hafi öllu
verið snúið á hvolf til að koma stöðinni
í gang. „Og þetta var ókeypis skóli í
sjónvarpsmennsku fyrir stóran hóp af
fólki og þar á meðal mig.“
Lóa segist hafa verið drullustressuð
til að byrja með. „Ég átti mjög bágt
með að horfa á mig á skjánum en svo
rakst ég á mig endursýnda á skjánum
og fékk áfall. Ég hafði aldrei séð mig í
sjónvarpinu, hef aldrei átt upptökuvél
eða neitt svoleiðis. Ég vissi ekkert
hvernig ég liti út nema uppstillt í
spegli. Ég hélt að ég væri svo glaðleg og
blíð í framan en þegar ég sá sjálfa mig í
sjónvarpinu þá blasti við mér saman-
hert norn og ég fékk algert áfall.“ Hún
segist hafa þurft að breyta allhressi-
lega um taktík. „Fólk hafði sagt við mig
að ég væri svo illileg á svipinn. Ég skildi
ekkert um hvað fólk var að tala fyrr en
ég sá sjálfa mig,“ segir hún og er farin
að skellihlæja að endurminningunni.
„Svo fengum við þjálfun í því hvernig
maður beitir andlitinu á skjánum og
það kom sér mjög vel og ég lærði fullt
af trixum. Hver hreyfing verður svo ýkt
á skjánum. Ég hef þá tilhneigingu að
setja í brýrnar og það verður svo yfir-
þyrmandi þegar dökkbrýnd mann-
eskja gerir það. Ég þurfti að læra að
slaka á. Fyrsta ráðið sem ég fékk þegar
ég byrjaði á NFS var að vera ég sjálf en
það er bara rugl, maður á ekki að vera
maður sjálfur. Maður verður að nota
tækni,“ segir hún og hlær. Þegar hún er
spurð hvort hún fái mikil viðbrögð
segir hún svo ekki vera. „Ég hélt að
maður yrði böggaður svo mikið og fólk
væri hringjandi og kvartandi undan
meðhöndlun á fréttum en það hefur
verið mjög lítið. Ég er reyndar að mestu
hætt að fara á barina, það gæti vel
verið að maður yrði böggaður þar.“ Rit-
dómar eru á næsta leiti og Lóa segist
vera logandi hrædd við þá. En það er of
seint að snúa við og aldrei að vita
nema Lóa setji sig í stellingar rithöf-
undarins á ný. En fyrst ætlar hún að
taka nokkurra mánaða andlegt frí og
sjá hvað framtíðin ber í skauti sér.
martamaria@365.is
23. NÓVEMBER 2007 | SIRKUS | BLS. 9
Kíktu inn
á nýja og
enn flotta
ri
og tak
tu þátt í la
ufléttum
leik
snilld.is
Þú gætir u
nnið: iPod T
ouch
iPod Nano
…auk
fjölda ann
arra glæsi
legra vinn
inga
Snilld.is –
Upplifðu
snilldina
Ný snilld k
omin í loft
ið