Fréttablaðið - 09.02.2008, Blaðsíða 35
][
Íslendingar eru munúðarseggir
þegar kemur að lífsins lysti-
semdum og sælkeraferðir til
útlanda lokka og laða æ fleiri
til sín. Vorferð á slóðir alls-
nægta hinnar frönsku matar-
menningar í Suður-Frakklandi
er upplifun sem seint gleymist
sönnum sælkerum.
Provence-hérað í Frakklandi er
sneisafull matarkista ferskra og
spennandi náttúruafurða. Þangað
ætlar Göngu-Hrólfur að arka með
hóp sælkera í apríl. „Þetta er
fyrsta Frakklandsferðin í þessum
erindagjörðum en áður höfum við
boðið til sælkeraferða til Toskana
á Ítalíu við miklar vinsældir,“
segir Steinunn F. Harðardóttir,
gönguhrólfur, þjóðfélagsfræðing-
ur og dagskrárgerðarmaður Rík-
isútvarpsins, en Steinunn er hugs-
uður allra ferða Göngu-Hrólfs í
samvinnu við Úrval-Útsýn. Farið
verður út 25. apríl og komið heim
viku síðar.
„Provence er þekkt fyrir sæl-
keramatseld og matarmarkaði
upp um alla veggi. Sælkeraferðir
eru fyrir fólk af öllum kynslóðum,
en við förum í léttar göngur, inn á
markaði, á vínbúgarða, í olíu-
myllu, ólívuekrur og fleira. Einn
dag ferðarinnar helgum við alfar-
ið matargerð héraðsins en þá fá
þátttakendur að spreyta sig í eld-
húsinu með franska hráefnið, og
það eru dagar sem vekja mikla
gleði meðal ferðalanga,“ segir
Steinunn sem upprunalega fór
með vini og kunningja í göngu-
ferðir til útlanda undir nafninu
Göngugarpar, en síðustu ár hefur
hún skipulagt slíkar ferðir með
Göngu-Hrólfi Úrvals-Útsýnar.
„Það var á Mallorca sem ég upp-
götvaði fyrst hversu gaman var að
ganga um eyjuna og þá fannst mér
fráleitt að Íslendingar gerðu ekki
meira af því að ganga í útlöndum.
Ég hef farið sjálf sem fararstjóri í
sælkeraferðir til Toskana, en ætla
ekki til Provence vegna annríkis í
öðrum og strangari gönguferðum
um Tyrkland, Ítalíu og Kanaríeyj-
ar,“ segir Steinunn sem fékk til
liðs við sig hina íslensk-frönsku
Isabelle de Bisschop sem ólst upp
í Provence og fylgja mun íslensk-
um sælkerum um franskar matar-
lendur, en Isabelle bjó árum saman
á Íslandi og er altalandi á íslenska
tungu.
„Isabelle starfar sem ferða-
málafræðingur og leiðsögumaður
í Frakklandi, þekkir Provence-
hérað til hlítar og það verður
mikið ævintýri að ferðast með
henni. Íslendingar eru margir
miklir sælkerar og gaman að ferð-
ast með þeim í svona ferðum, því
þeir kunna að njóta lífsins og þess
sem dagana drífur. Ferðir sem
þessar eru hið fullkomna frí því
ferðafólk þarf ekki að hugsa fyrir
neinu nema því að taka þátt í til-
högun ferðarinnar og reyna smá-
vegis á sig, sem bæði er gífurlega
gott og endurnærandi frí.“
thordis@frettabladid.is
Franskar matarnautnir
Markaðir með nýuppteknum ávöxtum jarðar eru margir og afar girnilegir í Prov-
ence-héraði Frakklands.
Frönsk og girnileg salamipylsa frá
Provence.
Nýbökuð, fagurmótuð og ilmandi
croissant, eða smjördeigshorn, er einn
af þekktari munnbitum Frakklands.
Litríkt, lífrænt og brakandi ferskt
grænmeti fær alla sælkera til að klæja í
eldhúsputtana að galdra fram dýrindis
krásir.
Ferðatöskur er misstórar. Gott er að eiga tvær, litla tösku og stóra, til
þess að geta valið um eftir því hversu lengi maður ætlar að vera í burtu.
Gott er að íhuga vandlega hvað taka á með því oftast höfum við allt of
mikinn farangur meðferðis.
Í sælkeraferðum Göngu-Hrólfs
er margt að sjá á matarmörk-
uðum og erfitt að fá ekki vatn í
munninn.
Veisla fyrir
sælkerana
23.800
Vika í Danmörku
kr. - ótakmarkaður akstur,
kaskó, þjófavörn, flugvallargjald
og skattar.
Ford Fiesta eða sambærilegur
522 44 00 • www.hertz.is
Bókaðu bílinn heima
- og fáðu 500 Vildarpunkta
frá
ÍS
L
E
N
S
K
A
/S
IA
.I
S
/H
E
R
3
69
19
0
4/
07
Skógarhlíð 18 • sími 595 1000
Akureyri • sími 461 1099 • www.heimsferdir.is
Sp
ör
-
R
ag
nh
ei
ðu
r
In
gu
nn
Á
gú
st
sd
ót
tir
Gönguferðir
s: 570 2790 www.baendaferdir.is
b o k u n @ b a e n d a f e r d i r . i s
Comovatn
18. - 25. ágúst, Fararstjóri: Guðrún Sigurðardóttir
Mont Blanc hringurinn
22. - 28. júní, Fararstjóri: Auður Elva Kjartansdóttir
29. júní - 5. júlí, Fararstjóri: Helgi Benediktsson
6. - 12. júlí, Fararstjóri: Ólafur Örn Haraldsson
Monte Rosa hringurinn
Matterhorn - Zermatt
22. - 28. júní, Fararstjóri: Helgi Benediktsson
Á slóð skógarbjarnanna
Berner Oberland - Eiger - Jungfraujoch
3. - 9. ágúst, Fararstjóri: Ólafur Örn Haraldsson
Haute Route
Chamonix - Zermatt
3. - 9. ágúst, Fararstjóri: Helgi Benediktsson
Wallis Alparnir
Níu rúmlega 4.000 metra tindar
29. júní - 5. júlí, Fararstjóri: Sævar Skaptason
Tindur Mont Blanc 4.807 m
13. - 19. júlí, Fararstjóri: Einar Stefánsson