Fréttablaðið - 09.02.2008, Blaðsíða 84

52 9. febrúar 2008 LAUGARDAGUR
Tvær Rokklandsplötur eru væntan-
legar á árinu. Sú fyrri, Rokkland
2007, kemur út á næstu vikum en
hingað til hafa Rokklandsplöturnar
komið út fyrir jólavertíðina.
„Við ákváðum í fyrra að Rokk-
land 2007 kæmi ekkert út fyrr en
eftir jól. Hún er að fara í fram-
leiðslu. Þetta eru risafyrirtæki sem
sjá um þetta sem eru kannski ekk-
ert að drífa sig að svara dvergríki
norður í íshafi,“ segir útvarpsmað-
urinn Ólafur Páll Gunnarsson, sem
er maðurinn á bak við Rokk land.
„Síðan er Jólarokkland tilbúin.
Þetta er fjörutíu laga „master pís“
með alls konar sjaldgæfu efni,“
segir hann. Sú plata er væntanleg í
nóvember en hún átti upphaflega
að koma út fyrir síðustu jól.
Ólafur Páll vonast til að geta
gefið út Rokklandsplötur eins
lengi og kostur er. „Ég vona að
þeir hjá Senu hafi áhuga á að
standa í þessu með mér áfram á
meðan það er líf í þessum þætti.
Það er líka auðveldara að gera upp
árið þegar það er liðið.“
Á meðal laga á Rokklandi 2007
verður hið vinsæla Freight Train
sem þau Lay Low, Pétur Ben og
Ólöf Arnalds sungu saman þegar
þau fóru hringinn í kringum land-
ið með Rás 2 í fyrra. - fb
Tvöfalt Rokkland
ÓLAFUR PÁLL GUNNARSSON Tvær Rokklandsplötur koma úr herbúðum Óla Palla á
þessu ári.
> VISSIR ÞÚ
… Að París Hilton
undirbýr nýja
veruleikaþáttaröð
sem byggist á
nýjustu mynd
hennar, The
Hottie & The
Nottie? Hilton
varð meðal
annars fræg
fyrir þátttöku sína í
veruleikaþáttaröð-
inni Simple Life með
vinkonu sinni Nicole
Simpson.
folk@frettabladid.is
Iva Nova er lokaatriði Vetrar-
hátíðar og spilar á Nasa í kvöld.
Kvintettinn er leiðandi afl í
rússnesku kvennapönki í þjóð-
lagastíl og er eiturhress á sviði.
Stelpurnar eru frá Sankti
Pétursborg og komu til landsins í
gær. Þær ætla að hefja leik um
klukkan níu og að sjálfsögðu er
ókeypis inn eins og á alla atburði
Vetrarhátíðar.
Ókeypis pönk
HRESSAR OG PÖNKAÐAR Iva Nova frá
St. Pétursborg.