Fréttablaðið - 09.02.2008, Blaðsíða 49

LAUGARDAGUR 9. FEBRÚAR 2008 11tölvur og tæki ● fréttablaðið ●
Meðallíftími gsm-síma er aðeins 18
mánuðir. Elstu og einföldustu símarnir
endast best en þeir nýju vera viðkvæm-
ir og endingarlitlir.
Það fyrsta sem viðskiptavinir Símabæjar í
Síðumúla reka augun í þegar komið er inn í
verslunina eru stútfullar hillur bak við búð-
arborðið af símum frá hinum ýmsu tíma-
bilum og fá margir á tilfinninguna að þeir
hafi stigið inn í nútímalegt safn. Kannski
ekki fjarri lagi enda hefur Gylfi Gylfason,
eigandi Símabæjar, safnað gsm-símum frá
árinu 1997. „Við sáum strax að fyrstu sím-
arnir myndu verða mjög athyglisverð-
ir enda stórir og miklir,“ útskýrir Gylfi
en honum áskotnuðust á þessum tíma
fyrstu símarnir frá Motorola, Ericsson
og Nokia og var hugmynd-
in að eiga bara fyrstu sím-
ana, tuttugu eða svo. „Svo
vatt þetta upp á sig og í
dag eru þetta orðnir um
400 til 500 símar,“ segir
Gylfi hlæjandi. Stór
hluti símanna virkar
enn í dag. „En við erum
að nappa varahlutum
úr þeim annað slag-
ið,“ segir Gylfi kím-
inn og bætir við að
safnið hafi oft komið
að góðum notum.
Sérstaklega hafi
þeir sem ekki
viti týpunúm-
er eða nafn
síma sinna oft
getað bent á svipaða síma í hillunum. „Gsm-
safnið er sálin í fyrirtækinu. Það sýnir hvar
við höfum verið og hvað við vitum,“ segir
Gylfi.
Símabær hefur verið við lýði í ein fimmt-
án ár en Gylfi rak fyrirtækið frá 1997 til
2000 og eignaðist það aftur árið 2005 og
hefur rekið það í Síðumúla síðan. Gylfi segir
símabransann einn þann harðasta sem til er.
„Við erum jú að keppa við aðila með allt
aðra hugsun en við. Stóru símafyrirtæk-
in líta á tækjabúnaðinn sem mjaltavél-
ar meðan við horfum frekar á að fólk fái
sem mest út úr búnaðinum,“ segir Gylfi
og telur eitt mikilvægasta hlutverk sitt að
þarfagreina, sjá hvernig notandinn er og
velja tækið til samræmis við það. „Okkar
markmið er einnig að lengja lífstíma gsm-
síma og hámarka nýtingu einstakl-
ings á tækinu sem hann á í stað
þess að henda honum inn
í einhverja tæknidellu
sem hann kann engin
skil á,“ segir Gylfi
og telur að sérstak-
lega sé eldra fólk þakk-
látt fyrir að geta notað
gamla símann áfram
í stað þess að þurfa að
læra á nýtt tæki.
Gylfi segir marga við-
skiptavini sína kvarta
yfir of litlum tökkum
og skjám á símum enda
hefur þróunin verið sú að
gsm-símar eru sífellt að
minnka. Eftirspurnin eftir
einföldum símum með stór-
um tökkum og góðum skjá
hefur aukist en á tímabili voru slíkir símar
ekki fáanlegir hjá framleiðendum. „Þetta
er aðeins að breytast. Nokia er að átta sig
á þessu en Sony Ericsson er aðeins lengur
á leiðinni.“
Margir muna eftir gömlu góðu Nokia 5110
símunum sem virtust aldrei eyðileggjast og
finnst ending nýrra síma ekki standast sam-
anburðinn. Gylfi tekur í sama streng. „Nokia
5110 var fyrsti styrkleikasíminn frá Nokia
og úr honum voru smíðaðir 6110 og 6210 sem
voru afburðasímar sem við erum enn þá að
þjónusta og eru enn í mikilli notkun. Ástæð-
an er sú að boddíið var smíðað úr mjög
sterku plasti sem verptist ekki þótt sest væri
á það. Nýrri símar hins vegar verpast og við
það brotna skjáir og móðurborðin hreinlega
eyðileggjast. Þeir eru bara ekki eins sterk-
ir,“ segir Gylfi með áherslu og tekur fram
að meðalendingartími gsm-síma sé aðeins
18 mánuðir. „Svo var ég með einn kúnna um
daginn sem á níu árum hafði keypt 43 síma
fyrir sjálfan sig,“ segir Gylfi glaðlega og
snýr sér að næsta viðskiptavini. - sg
Lengja líftíma síma og auka nýtingu
Gylfi Gylfason hjá Símabæ segir endinguna í gömlu gsm-símunum yfirleitt mun betri en í þeim nýju. Hér
mundar hann síma úr stóru safni gamalla gsm-síma sem finna má í búðinni. FRÉTTABLAÐIÐ/ANTON