Fréttablaðið - 09.02.2008, Blaðsíða 74

42 9. febrúar 2008 LAUGARDAGUR
PÓSTKORT FRÁ AFRÍKU
Anna Margrét Björnsson skrifar frá Tógó GÓÐ VIKA / SLÆM VIKA
HELGARKROSSGÁTAN
Góð vika fyrir...
Jeppaeigendur
Á meðan stór hluti þjóðarinnar
sat fastur í mannhæðaháum snjó-
sköflum og allir fjölskyldumeð-
limir voru nýttir til að ýta kerr-
unni af stað eru jeppaeigendur
sigurvegarar vikunnar. Þeir hafa
vafalítið notið þess að horfa á
smábílana spóla tímunum saman
en síðan farið út og hjálpað til
við að ýta með sjálfumglöðu
glotti á vör.
Fylgismenn reykinga-
bannsins
Loksins, loksins
sagði Guðlaugur Þór
Þórðarson heil-
brigðisráðherra
sitt álit á hinu
umdeilda reyk-
ingabanni. Reyndar beitti Guð-
laugur hinu alkunna smjörklípu-
bragði Sjálfstæðisflokksins og
beindi sjónum sínum að reyking-
um þingmanna, vildi með öðrum
orðum banna reykingar í Alþing-
ishúsinu. Hann hafði hins vegar
fá orð um sjálft reykingabannið
sem er við lýði á öldurhúsum
borgarinnar.
Börn Nóbelskáldsins
Samkeppniseftirlitið hefur
úrskurðað að Forlagið megi ekki
gefa út verk Halldórs Laxness.
Börn skáldsins fögnuðu og hugsa
sér gott til glóðarinnar og aðrir
útgefendur eru farnir
að telja krónurnar í
buddunni. Væntan-
lega verður hart
barist um Sjálfstætt
fólk og Heimsljós
þegar verkin verða
á lausu.
Vond vika fyrir...
Metró-bankaræningja
Þeir sem hafa talið sér trú um að
auðvelt sé að ræna banka ættu
að rannsaka gaumgæfilega hegð-
un þeirra sem létu til skarar
skríða í útibúi Glitnis við Lækj-
argötu. Þeim fannst tilvalið að
fagna „velheppnuðu“ verki með
því að láta snyrta á sér hendur
og andlit og fá smá lit en löggan
hefur engan skiln-
ing á slíkum
aðgerðum og
greip þá glóð-
volga.
Vilhjálm Þ. Vil-
hjálmsson
Þótt engin nöfn séu í
hinni ákaflega
spennandi REI-
skýrslu dylst engum
að vikunni gat varla
lokið verr fyrir fyrrum
borgarstjórann, Vilhjálm Þ. Áfell-
isdómur segja margir yfir gamla
borgarstjóranum sem klökknaði
á fundi borgarráðs og í samtölum
við fjölmiðla. Sem betur fer, eins
og Vilhjálmur sagði sjálfur, á
hann góða fjölskyldu að.
Hófsama
Ekki verður sagt að Íslendingar
hafi fylgt eftir lögmálum nær-
ingarfræðinga – að allt sé gott í
hófi. Vikan hófst á hefðbundnu
bolludagsáti þar sem fólk á öllum
aldri tróð í sig rjóma, sultu og
deigi. Á þriðjudeginum lagðist
hún síðan í saltkjötsát og gaf
ekkert eftir og á miðvikudegin-
um sameinaðist fjölskyldan
síðan fyrir framan sjónvarpið og
át nammið sem börnin höfðu
betlað í Kringlunni.
99
k
r.
sm
si
ð
Dæmi hvernig SMS gæti litið út ef svarið er Jón:
Þá sendir þú SMS-ið: JA LAUSN JON
Þú gætir unnið
GOSA geisladisk!
Leystu
krossgát
una!
Þú sendir SMS skeytið
JA LAUSN LAUSNARORÐ
á númerið 1900!
Lausn krossgátunnar er birt að viku liðinni á vefnum, www.this.is/krossgatur
Hér í Tógó er ekki auðvelt að rata.
Fæstar götur bera heiti og fæstir
hér eru með heimilisfang. Best er
því að fá einhvern til að keyra sig
sem þekkir til og semja um verðið
fyrirfram. Allur gangur hefur verið
á bílstjórunum hér. Einn til dæmis
stoppar hjá frænda sínum, hjá
skattstofunni, á bílaverkstæði til að
sýna hvað hinn bíllinn hans er flott-
ur og kaupir líka hálsfesti handa
konunni sinni á leiðinni þannig að
bílferðin tekur nokkra klukkutíma.
Í gær vildum við skoða okkur um
vítt og breitt um Lomé svo að ungur
maður, Robert, sem vinnur við að
dytta að hótelinu fannst til þess
verks að vera bílstjóri dagsins. Far-
artækið var að hruni komið og það
vantaði sæti, útvarp og fleiri hluti
sem betra er að hafa í bílum. Það
var þó skrölt af stað niður götuna
sem liggur fyrir ofan hótelið með
gluggana galopna. Gatan fyrir ofan
hótelið er mjög breið og ómalbikuð
(eins og flestar götur hér) og eftir
henni miðri geysist gömul eimreið
en hún er að flytja fosfat sem notað
er í áburð. Manni verður alltaf
hverft við þegar hún keyrir eftir
götunni og bílar, geitur, börn og
fólk verða að taka til fótanna.
Fyrsta stopp er Le Marché du
Fetish sem er markaður þar sem
heimafólkið getur nálgast allar
vörur sem þarf til voodoo-galdra og
lækninga. Róbert er lotningarfull-
ur á svip og ætlar að hjálpa okkur
að díla við galdralæknana sem
ganga til móts við okkur. Hér í Tógó
eru þrenns konar trúarbrögð –
kristni, íslam og svo anime sem er
trú á náttúruna og stokka og steina.
Róbert segir mér að hann sé kaþ-
ólskur en það er augljóst að hann,
líkt og flestir innfæddir, bera
ómælda virðingu fyrir þessari
fornu dýrkun á ýmsum náttúruguð-
um, góðum og slæmum.
Lyktin hér á markaðnum er ólýs-
anleg. Hrúgur af dauðum dýrum
liggja um allt á stórum borðum.
Uglur, hlébarðar, snákar, mýs, ljón,
rottur, hundar og alls kyns fuglar
liggja hér rotnandi og maðkétnir.
Flugur sveima yfir öllu en galdra-
læknirinn byrjar strax að prútta,
2000 Tógófranka ef maður vill taka
mynd. Svo útskýrir hann til hvers
dýrin eru. „Hér eru engir slæmir
galdrar. Bara góðir galdrar. Voodoo
er bara notað til góðs,” segir hann.
„Hér er ugla. Við gerum úr henni
duft og setjum duftið í ristur á lík-
amanum til að fæla burtu illa anda.“
Mús er notuð til að halda meindýr-
um frá hýbýlunum og ef þú ert bit-
inn af snák færðu móteitur úr snák.
„Þetta er stundum dálítið eins og
hómópatía,“ segir voodoo-læknir-
inn. „Við læknum það illa með því
illa.“
Skömmu síðar leiðir hann mig
inn í dimmt bakherbergi þar sem
hann segir að hið raunverulega
voodoo fari fram. Þar er ég kynnt
fyrir ungum dreng sem talar ekki
frönsku og hinn maðurinn útskýrir
að þetta sé sonur höfðingja frá
Benin sem ætlar að blessa mig og
selja mér galdrahluti. Ég þarf að
segja nafn mitt þrisvar og þá notar
drengurinn hristu og skál og segir
eitthvað óskiljanlegt, væntanlega á
tungu Benin-manna. „Þetta eru fet-
ish-in sem þú getur notað,“ segir
voodoo-maðurinn. Hann sýnir mér
stórt svart fræ sem er gott fyrir
minnið og styttu af guði sem er með
útbrunna Marlboro-sígarettu í
munninum. „Þessi guð verndar
heimili þitt gegn þjófum og öðrum
óboðnum gestum.“ Þegar ég spyr
af hverju herra Securitas sé með
Marlborostubb í munninum þá er
svarið: „Hann reykir ekkert endi-
lega Marlboro. Þú getur líka alveg
gefið honum Winston, Camel eða
Lucky Strike. Ekkert mál.“ Háls-
festi á að veita manni heppni, lítill
skrýtinn viðarstubbur er ástargald-
ur, stór grein er „náttúrulegt viagra
fyrir herramenn en bætir einnig
næmi kvenna,“ og tvær óhugnan-
legar styttur af karli og konu eiga
að vernda fjölskylduna. Eftir að
skoða alla gripina á ég að velja allt
eða eitthvað af þessu og höfðingja-
sonurinn hristir skeljar til að láta
guðina segja sér verðið. Ég þori
ekki öðru en að taka einn grip aðal-
lega af hræðslu. Þá er gripurinn
blessaður og ég aftur og ég þarf að
beygja mig og endurtaka einhverj-
ar hreyfingar þrisvar sinnum.
Þegar ég sting þessu ofan í hliðar-
töskuna er ég alveg sannfærð um
að eitthvert furðulegt dulmagn
verði í farteskinu til Íslands sem ég
verð að bera virðingu fyrir.
Ég hitti Róbert fyrir utan og spyr
hvort hann trúi á þetta. Hann hvísl-
ar að mér að afríska trúin sé afar
afar kraftmikil.“ Ef ég myndi vilja
fá þig sem eiginkonu þá gæti ég
notað voodoo. Og þá gætirðu ekkert
gert, bara alls ekki neitt,“ segir
hann sannfærður með lotningar-
fullum tón.
Góðir galdrar og reykjandi guðir