Fréttablaðið - 14.02.2008, Side 66

42 14. febrúar 2008 FIMMTUDAGUR
maturogvin@frettabladid.is
> Food and fun
Food and fun-hátíðin verður sett
næstkomandi miðvikudag.
Fjöldi erlendra kokka tekur
þátt í hátíðahöldunum, og
boðið verður upp á sér-
staka Food and fun-
matseðla víðs vegar
um bæinn. Með-
an á hátíðinni
stendur verður
boðið upp á sér-
stakan átta rétta
seðil á Vox.
Veitingastaðurinn Ó Restaurant
verður opnaður í dag, en hann leys-
ir Sigga Hall af hólmi á Hótel
Óðinsvéum. Eyþór Rúnarsson er
yfirkokkur á Ó Restaurant, en hann
gegndi sömu stöðu hjá Sigga Hall.
„Það hefur verið lokað síðan í jan-
úar og við höfum gert miklar breyt-
ingar á staðnum, bæði útlitslega og
hvað varðar matseðlana,“ segir
Eyþór.
„Við höfum stækkað seðilinn þó
nokkuð, erum bæði með forrétti og
smárétti, sem eru svona minni og
einfaldari. Við verðum líka með
fleiri aðalrétti og eftirrétti en áður,
og bjóðum upp á fjögurra rétta
„tasting“-seðil. Honum ræður
kokkurinn hverju sinni,“ útskýrir
Eyþór, sem segir stefnu eldhússins
setta á nútímalegt evrópskt eldhús.
„Það má segja að við séum orðin
ferskari og nútímalegri,“ segir
hann.
Hótelið sjálft hefur einnig feng-
ið andlitslyftingu, að sögn Eyþórs,
og unnið er að breytingum í kjall-
ara hússins. „Hann verður væntan-
lega tilbúinn um mánaðamótin, og
þar verðum við með stóran og
góðan vínkjallara. Þar verður líka
aðstaða fyrir einkasamkvæmi og
fundarsalur,“ útskýrir hann.
Staðurinn verður opnaður gest-
um klukkan 20 í kvöld, og strax í
næstu viku tekur hann á móti
gestakokkinum RJ Cooper, frá veit-
ingastaðnum Vidalia í Washington
D.C., á Food and fun-hátíðinni. - sun
Ó Restaurant opnað í dag
GAGNGERAR BREYTINGAR Eyþór Rún-
arsson, yfirkokkur á Ó Restaurant, segir
miklar breytingar hafa verið gerðar bæði
á veitingasal og matseðlum.
FRÉTTABLAÐIÐ/ANTON
Í dag er Valentínusardagur hald-
inn hátíðlegur víða um heim, og
því ekki úr vegi að rifja upp hvaða
matartegundir hafa í gegnum tíð-
ina talist frygðaraukar.
Konfektkassar eru sívinsælar
Valentínusargjafir og ekki að
ástæðulausu. Súkkulaði telst nefni-
lega til frygðaraukandi matarteg-
unda og Astekarnir kölluðu fæð-
una næringu guðanna. Súkkulaði
inniheldur meira af andoxunarefn-
um en rauðvín, en það er heldur
ekki vitlaust að njóta dúettsins
saman. Þá má bera fíkjur á borð í
tilefni dagsins, en þær hafa einnig
það orðspor að kynda ástareldinn.
Að aspas falli einnig í þennan
flokk er útlitinu frekar en inni-
haldinu að þakka, en einhverjum
þykir lögun hans vera til þess fall-
in að færa hugann að öðrum nautn-
um en þeim sem tengjast bragð-
laukum. Möndlur hafa líka lengið
verið taldar örva kynkvöt kvenna,
og ananas er stundum notaður sem
meðferð við getuleysi karlmanna.
Þá er enn ónefndur sá réttur
sem er eflaust þekktastur í þessu
samhengi, nefnilega ostrur. Hvort
það eru ostrurnar sjálfar eða
kampavínið sem þeim fylgir sem
kveikir ástarbrímann skal látið
liggja milli hluta, en svo mikið er
víst að þær eru afar næringarríkar
og innihalda mikið prótín.
Frygðaraukar fyrir
Valentínusardaginn
FRYGÐARAUKANDI FÍKJUR Fíkjur eru á
meðal þeirra matartegunda sem taldar
eru geta kynt ástarelda, og því ekki úr
vegi að bjóða elskunni sinni upp á eina
slíka í dag. NORDICPHOTOS/GETTY
Maður lifandi stendur að viku lið-
inni fyrir matreiðslunámskeiði að
nafni Heilsukostur. Fjallað verð-
ur um samspil heilsu og matar-
æðis, en námskeiðið er í formi
fyrirlesturs og sýnikennslu. Nem-
endur fá leiðbeiningar varðandi
grunn að góðu mataræði og
heilsufæði, en áhersla er lögð á að
kenna nemendum hvernig unnt er
að matreiða hollan og góðan mat
án mikillar fyrirhefnar.
Kennari er Auður Ingibjörg
Konráðsdóttir, en námskeið henn-
ar hjá Manni lifandi hafa verið
afar vel sótt. Frekari upplýsingar
er að finna á madurlifandi.is.
Heilsa og mataræði
Hvaða matar gætirðu síst verið án?
Það er klassískt að segja brauð.
Besta máltíð sem þú hefur fengið:
Það var á afrísku veitingahúsi sem ég fór á í
París í sumar, sem ég man ekkert hvað heitir.
Þetta var svo hrikalega gott að ég hugsa
nánast um það daglega. Í eldhúsinu unnu
fimm pattaralegar konur og ég sé skæl-
brosandi andlitin á þeim fyrir mér ennþá.
Ég á erfitt með að skilgreina máltíðina, hún
var mjög fjölbreytt. Það var kjöt á spjóti og
pottréttir og ýmislegt annað.
Er einhver matur sem þér finnst vondur?
Ég er óskaplega lítið matvandur, en ég er síst
hrifinn af gömlu góðu hrogn unum. Ég hef
aldrei bondað við þau.
Leyndarmál úr eldhússkápnum:
Ég held að trikkið sé að finna nýtt trikk í
hvert skipti. Maður er alltaf að elda og finnst
alltaf vanta eitthvað í lokin til að gera herslu-
muninn. Það er breytilegt eftir máltíðum.
Hvað borðar þú til að láta þér líða betur?
Bland í poka.
Hvað áttu alltaf til í ísskápnum?
Ost og smjör, ofan á brauðið. Annað kaupir
maður eftir þörfum.
Ef þú yrðir fastur á eyðieyju, hvað tækirðu
með þér?
Brauð. Ég veit ekki hvað maður ætti að elda
á eyðieyju.
Hvað er það skrítnasta
sem þú hefur borðað?
Það er líklega eitthvað af
þessum japanska mat sem
ég fékk í Japan núna síð-
ast. Þá var maður alltaf
að borða eitthvað
sem maður vissi ekki
hvað var. Það var
allt mjög gott, en
mjög undarlegt.
Ég komst að því
að japanskur
matur er svolítið
öðruvísi í Japan
en í vestrænum
löndum.
MATGÆÐINGURINN SVAVAR PÉTUR EYSTEINSSON TÓNLISTARMAÐUR
Afrísk máltíð eftirminnilegust
Gamlir starfsmenn og fastakúnnar Brauðbæjar ætla að
hittast í Perlunni þann 16. febrúar á milli kl. 16-19. Boðið
verður upp á léttar veitingar. Þátttökugjald er 1.000 kr.
Tilkynnið um þátttöku með tölvupósti til:
fludir@icehotels.is eða maj@islandia.is.
María Karen Sigurðar-
dóttir, safnstjóri Ljós-
myndasafns Reykjavíkur, á
fljótlega og þægilega wok-
uppskrift sem henni finnst
gott að grípa í.
María Karen starfar sem safn-
stjóri Ljósmyndasafns Reykjavík-
ur og stundar nám í opinberri
stjórnsýslu samhliða vinnu. Hún
hefur því í nógu að snúast, og segir
ekki verra að eiga uppskriftir í
handraðanum á borð við þá sem
hún deilir með lesendum Frétta-
blaðsins. „Þessi réttur er afar ein-
faldur og hefur fylgt okkur hjón-
um frá því að við bjuggum í
Kaupmannahöfn, frá 1992 til
1995,“ útskýrir María Karen.
„Við höfum notað þessa upp-
skrift mikið heima við. Hún er
bæði þægileg og fljótleg, og svo
má leika sér með hana eins og
maður vill. Grunnurinn er að
setja kjöt í þennan lög, og svo er
hitt eiginlega frjálst,“ segir hún.
María Karen notar svínakjöt í
uppskriftina, en upprunalega er
hún ætluð kalkúnabringum. „Ég
notaði alltaf kalkúnabringur í
Kaupmannahöfn, en þar sem þær
fást ekki hér sneri ég mér að
svínalundum,“ segir hún.
Uppskriftir eru þó ekki heilag-
ar á heimili Maríu Karenar, enda
vill hún hafa eldamennskuna
frjálslega. „Ég vil fá að ráða ferð-
inni svolítið sjálf, nota annað
krydd ef mér sýnist svo og þar
fram eftir götunum. Ég reyni líka
að vera með ferskar matjurtir í
kringum mig á sumrin. Ég er
yfirleitt með basilíku, en hún
varð skammdeginu að bráð núna
í desember,“ segir María Karen
og hlær við.
Þegar hægist um á heimilinu
kveðst María Karen stefna að því
að sækja matreiðslunámskeið.
„Ég fór nítján ára gömul á nám-
skeið í gerbakstri sem hefur nýst
mér mjög vel. Þegar ég var í Dan-
mörku keypti ég sjaldan brauð,
heldur bakaði alltaf sjálf. Það
hefur dregið úr því núna, en ég
stefni á að taka það aftur upp
þegar námið er búið,“ segir María
Karen. „Ég nota ekki uppskriftir
í bakstrinum heldur, þetta er
komið í kollinn og ég fer bara
eftir tilfinningu,“ bætir hún við.
sunna@frettabladid.is
Vill frjálslega eldamennsku
FRJÁLSLEG ELDAMENNSKA María Karen Sigurðardóttir vill hafa eldamennskuna
frjálslega og segir uppskriftir því fjarri því vera heilagar á heimilinu. FRÉTTABLAÐIÐ/GVA
Wok fyrir 2- 4
Kjöt að eigin vali (svínalundir, kjúklinga-
eða kalkúnabringur)
2 msk. maizena mjöl
3 msk. sojasósa
1/2 tsk. sykur
1 hvítlauksrif, pressað
1 bolli vatn
2 msk. olía
1 stór gulrót, skorin í renninga
1 græn paprika, skorin í renninga
1 bolli sveppir, niðurskornir
Byrja á að blanda saman sojasósu, vatni,
hvítlauk og sykri í skál. Skera kjötið í
renninga, setja í blönduna og láta liggja í
um hálftíma.
Olíu hellt á pönnuna. Kjötið steikt í
um 2-3 mínútur, tekið af pönnunni og
lagt á disk.
Næst eru gulræturnar steiktar í um 1
mínútu, restinni af grænmetinu bætt út í
og allt steikt í um 2 mínútur.
Þá er kjötinu og sojasósublöndunni
bætt á pönnuna og látið sjóða með maíz-
ena mjölinu þar til sósan hefur jafnað sig.
Berið fram með heimabökuðu eða
aðkeyptu brauði, núðlum eða hrísgrjón-
um, og mögulega rauðvíni að hætti
hússins.