Fréttablaðið - 12.04.2008, Side 17

LAUGARDAGUR 12. apríl 2008 17
UMRÆÐAN
Samgöngumál
Á næstu árum stefnir í að rúmum hundrað milljörðum af skattfé
almennings verði varið til sam-
göngumála á höfuðborgarsvæðinu.
Fyrirhuguð jarðgöng, stokkalausnir
og mislæg gatnamót víðs vegar um
borgina eru dýrar og umfangsmikl-
ar framkvæmd-
ir. Á sama tíma
er ráðgert að
kanna möguleika
á lagningu létt-
lestarkerfis í
Reykjavík sem
myndi kosta sitt.
Þó að einstök
verkefni hafi
verið rædd bæði
í borgarstjórn og
fagráðum hefur
umræðan verið
tilviljanakennd og ómarkviss. Fjall-
að hefur verið um verkefnin sem
sjálfstæðar einingar en sjaldnast í
samhengi við áhrif þeirra hvert á
annað eða á nærliggjandi götur,
umhverfi, lífsgæði og borgarbrag.
Enn fremur skortir á samhengi milli
eflingar almenningssamgangna og
fjölgunar einkabíla.
Í samgöngustefnu Reykjavíkur-
borgar er gert ráð fyrir að greiðar
samgöngur verði tryggðar, án þess
að gengið sé á umhverfi, heilsu og
borgarbrag, að fjölbreyttar ferða-
þarfir borgarbúa verði uppfylltar á
jafnréttisgrundvelli, og að sam-
göngukerfi borgarinnar verði full-
nýtt. Fyrirheit meirihlutans eru
ekki í samræmi við þessa stefnu. Ef
jafnmiklu fjármagni væri varið í
uppbyggingu hjólreiðastíga og hefð-
bundinna gatna liti borgin heldur
betur öðruvísi út.
Nú verða borgaryfirvöld að
staldra við og ákveða hvert halda
skuli. Hundrað milljarðar eru mikl-
ir peningar sem verður að nýta með
skynsamlegum hætti. Fara verður
yfir allar mögulegar og ómögulegar
leiðir til að uppfylla þau markmið
sem borgin hefur sett sér. Á sama
tíma og möguleg uppbygging létt-
lestarkerfis er skoðuð er nauðsyn-
legt að kanna kosti neðanjarðarlest-
arkerfis og hvaða áhrif slíkt myndi
hafa á umferð einkabíla í borginni.
Getur verið að með tilkomu létt- eða
neðanjarðarlestarkerfis væri hægt
að draga mjög úr byggingu sam-
göngumannvirkja?
Auðvitað á ekki að setja allar
gatnaframkvæmdir á ís. Hér þarf
að tryggja öflugt samgöngukerfi –
en í samhengi við stefnu okkar og
sátt við framtíðina. Því verða borg-
aryfirvöld að hugsa upp á nýtt hvort
og þá hvernig samgöngumannvirki
þurfi að byggja, stækka eða breyta.
Ef við trúum því raunverulega að
efling almenningssamgangna skili
árangri, verðum við að ráðast í það
verkefni af alvöru – og draga þar
með úr þörfinni fyrir stokka, göng
og mislæg gatnamót.
Höfundur er varaborgarfulltrúi.
Fram-
tíðarsýn
óskast
SÓLEY
TÓMASDÓTTIR
UMRÆÐAN
Leikskólamál
Uppbyggingaráætlun í leikskólamálum sem
meirihluti sjálfstæðis-
manna og Ólafs F. Magn-
ússonar kynntu á blaða-
mannafundi síðastliðinn
miðvikudag er til fimm
ára, eða til ársins 2012.
Áætlunin gerir ráð fyrir því að
leikskólaplássum sem koma til
styttingar á biðlistum muni á þess-
um tíma fjölga um 350. Til viðmið-
unar fæðast mánaðarlega um 140
börn í Reykjavík þannig að áætlun
meirihlutans samsvarar því að
hægt verði að taka börn inn á leik-
skóla rúmum tveimur
mánuðum fyrr en nú er
gert og það eftir fimm
ár.
Í áætlunum borgar-
stjórnar meirihlutans
munar mestu um að þar
er gert ráð fyrir að ríkis-
stjórn Samfylkingar og
Sjálfstæðisflokks lengi
fæðingarorlof í 12 mán-
uði, árið 2010. Gangi það
eftir léttir það vissulega á dag-
mæðrakerfinu þar sem foreldrar
barna á þeim aldri þurfa þá ekki
þjónustu borgarinnar. Lenging
fæðingarorlofs myndi raunar gera
meira en öll uppbyggingaráform
meirihlutans til fimm ára til að
mæta þörfum ungbarnafjöl-
skyldna. En sú aðgerð er vitanlega
ekki á valdsviði borgarinnar held-
ur ríkisins.
Kosið verður til borgarstjórnar
árið 2010 og því rétt að skoða hver
staðan verður samkvæmt áætlun
meirihlutans í Reykjavík árið 2010.
Þó gert sé ráð fyrir því að fæðingar-
orlofið lengist fer því fjarri að við
lok kjörtímabilsins verði hægt að
bjóða öllum 12 mánaða börnum
þjónustu, leikskólaþjónustu eða
þjónustu dagforeldra. Börnum sem
verða 12 mánaða í september, okt-
óber og nóvember mun að líkindum
bjóðast þjónusta en börn fædd á
öðrum árstímum verða að bíða eftir
þjónustu fram á næsta haust. En
áætlanir meirihlutans gera ráð
fyrir því að vandi þeirra sem bíða
verði leystur með 35 þúsund króna
heimgreiðslu.
Þetta lítur auðvitað ekki nógu vel
út. Hugsanlega er það ástæðan fyrir
því að áætlun meirihlutans er til
fimm ára eða fram í rúmt mitt
næsta kjörtímabil.
Áætlunin gerir raunar ráð fyrir
því að af þeim 350 plássum sem
taka á í notkun umfram mannfjölda-
spá á þessum fimm árum verði 306
pláss á einkareknum leikskólum.
Raunar er ekki búið að gera samn-
inga við rekstraraðila og því treyst
á að uppbyggingin verði, þó ekkert
sé enn í hendi í þeim efnum.
Rekstrarkostnaður við þessi
pláss er nokkuð umfram nýsam-
þykkta þriggja ára áætlun, enda
þessi viðleitni væntanlega viðbrögð
við harðri gagnrýni minnihlutans á
metnaðarleysið í leikskólamálum
sem þriggja ára áætlunin endur-
speglaði. Gert fyrir viðbótarfram-
lagi úr borgarsjóði til málaflokks-
ins um 120 milljónir á þessu ári og
56 milljónir á því næsta. En svo er
gert ráð fyrir að skorið sé niður í
borgarleikskólunum fyrir restinni
eða um 300 milljónir á árunum 2009-
2011.
Þannig ætlar meirihlutinn í
Reykjavík að treysta því að einka-
aðilar muni fjármagna uppbygging-
una og ætlar svo að skera niður hjá
leikskólum borgarinnar það sem
upp á vantar til að mæta viðbótar
rekstrarkostnaði vegna einkareknu
leikskólanna.
Höfundur er borgarfulltrúi.
Enn bíða borgarbörn
SIGRÚN ELSA
SMÁRADÓTTIR
Glæn‡ verslun á Íslandi me› innanstokksmuni og fleira fyrir falleg krakkaherbergi.
OPNUM Í DAG Í HOLTAGÖR‹UM
E
N
N
E
M
M
/
S
ÍA
/
N
M
3
3
13
7
Komdu og upplif›u ævint‡ri innandyra!
Opi› frá kl. 10 - 18.
Klukkan 14 s‡na hressir stubbar flottan
fatna› og húsgögn úr vörulínu
Stubbasmi›junnar. Eftir fla› tökum vi›
svo sérstakt stubbatjútt í tilefni dagsins.
HÚLLUMHÆ