Fréttablaðið - 12.04.2008, Qupperneq 38

[ ]
Sigrún Þorsteinsdóttir fór í ell-
efu manna hópi í ævintýralegt
ferðalag til Rúanda og Úganda
í Afríku.
Sigrún er sjálf leiðsögumaður
ásamt manni sínum og hefur leitt
hópa um strendur Indlandshafs og
Kenía en í þetta skiptið voru þau
meðal ferðamannanna.
„Ferðalög eru áhugamálið okkar
en við störfum bæði í tölvu- og
tæknigeiranum svona dags dag-
lega. Maðurinn minn, Jóhannes
Örn Erlingsson, hefur leiðsagt
hópum á Keníafjall og Kiliman-
jaro í Tansaníu og við gátum hrein-
lega ekki sleppt þessari ferð,“
segir Sigrún en þetta var í fyrsta
skipti sem hún kom til Rúanda og
Úganda. Hún segir ferðina hafa
verið ógleymanlega upplifun.
„Fólkið í Afríku er síbrosandi og
er nánast alls staðar kurteist og
ljúft. Það er skelfileg saga á bak
við Rúanda og alls staðar er áminn-
ing um voðaverk Hútúa þegar þeir
myrtu 800.000 Tútsa á kerfisbund-
inn hátt.“
Sigrún nefnir sérstaklega hvað
börnin í Rúanda eru glöð og bros-
andi þrátt fyrir hrikalega sögu
landsins. Þau veifi til ferðamanna
og kalli „mzungu, mzungu“ sem
þýðir hvítur maður og þekki jafn-
vel til íslenskra fótboltastjarna.
„Það var svolítið skemmtilegt að í
2.300 metra hæð, í kræklóttum
fjallshlíðum Úganda á leið til
Rúanda, höfðum við keyrt í um
þrjá tíma án þess að sjá sálu. Allt í
einu, eins og í söngleik, stökkva
fram tveir strákpjakkar, hoppa
hæð sína í loft og byrja að dansa
og hrópa „Arsenal, Arsenal“! Fót-
boltinn hefur greinilega ítök víða
og margir þekkja Eið Smára víðar
í Afríku, sem var alveg magnað.“
Spurð hvað standi helst upp úr
ferðinni segir Sigrún að dýralífið
og landslagið sé ógleymanlegt.
„Landslagið í fjöllum Úganda á
leið til Rúanda er hreint ótrúlegt,
alls staðar er frjósöm jörð, teakr-
ar, mangótré, bananar og pálma-
tré. Við fórum meðal annars í
flúðasiglingu á Níl í Úganda og í
safarí þar sem við sáum ljón í
trjám. Mér finnst alltaf jafn ótrú-
legt að sjá dýrin í sínum náttúru-
legu heimkynnum og að sjá górill-
urnar var auðvitað stórkostlegt.
Að horfa í brún, tindrandi augun á
górillu, mitt inni í frumskóginum,
er nokkuð sem ég á aldrei eftir að
gleyma meðan ég lifi.“
Ferðina skipulagði ferðaskrif-
stofan Afríka-Ævintýraferðir í
samvinnu við Bændaferðir og
verður önnur ferð farin í haust.
heida@frettabladid.is
Brúneygar górillur og
brosandi börn í Rúanda
Fólkið í Afríku er hjálpsamt og ljúft og börnin brosa framan í ferðamenn.
MYNDIR/SIGRÚN ÞORSTEINSDÓTTIR
Nýr vefur » Á hvað ert þú að hlusta?
„Við hefðum tekið
myndir en höfðum
engan kubb...“
- ÚFÓ, Stuðmenn, Höf: Egill Ólafsson og Valgeir Guðjónsson
Ferðalög nálægt miðbaug kalla á mikla sólarvörn. Forðist sólina meðan
hún er hæst á lofti, smyrjið vel af vörn á líkamann og berið sólhatt.
Ógleymanleg ævintýri
Á FERÐ UM HEIMINN
www.fjallaleidsogumenn.is · sími: 587 9999
Sp
ör
-
R
ag
nh
ei
ðu
r
Á
gú
st
sd
ót
ti
r
SUÐUR GRÆNLAND
18. - 25. júlí
25. júlí - 1. ágúst örfá sæti laus
1. - 8. ágúst
MAROKKÓ
6. - 13. september
NEPAL
18. október - 10. nóvember
AUSTUR PÝRENEAFJÖLL
21. - 27. apríl
KILIMANJARO
7. - 22. júní
Mt. BLANC
21. - 29. júní
UMHVERFIS Mt. BLANC
1. - 9. júlí
Nú er rétti tíminn til þess að undirbúa
næsta veiðitímabil. Veiðikortið veitir aðgang að
rúmlega 30 vatnasvæðum vítt og breitt um landið
fyrir aðeins 5000 kr. Frí heimsending þegar verslað
er beint á www.veidikortid.is
Tryggðu þér Veiðikortið í tíma!
Á að veiða
í sumar?
Nýr vefur » Á hvað ert þú að hlusta?
„Við hefðum tekið
myndir en höfð m
engan kubb...“
- ÚFÓ, Stuðmenn, Höf: Egill Ólafsson og Valgeir Guðjónsson