Fréttablaðið - 12.04.2008, Qupperneq 58

● heimili&hönnun
Þórsgata 19 var byggð árið 1922
eftir teikningu Guðmundar H.
Þorlákssonar. Þá var húsið þrí-
lyft, hlaðið úr grásteini og stein-
steypt.
Árið 1927 var það stækkað um
50 fermetra að grunnfleti eftir
nýjum teikningum Þorleifs Eyj-
ólfssonar húsameistara og breytti
það útliti þess mikið. Ári síðar
var bætt ofan á húsið steinsteypt-
um kvistum og geymslum út frá
stigagangi. Árið 1973 var húsið
síðan „augnstungið“ eða skipt um
glugga.
Í húsinu eru nú átta íbúðir, tvær
á hverri hæð. Mikill samtaka-
máttur er á meðal íbúa og fyrir
fimm tán árum var húsið múrað.
Nú fyrir síðustu jól var ákveðið
að færa gluggana aftur í uppruna-
legt horf en fyrirtækið Bæjarhús
sá um verkið.
„Nú hefur framhlið hússins
verið endurnýjuð að fullu en við
tökum vonandi bakhliðina fljót-
lega,“ segir Lilja Gunnars dóttir,
einn íbúa hússins. „Við höfum
fengið styrki bæði frá Húsafrið-
unarnefnd og húsverndarsjóði
Reykjavíkur vegna framkvæmd-
anna og kunnum við þeim bestu
þakkir fyrir,“ bætir hún við.
Beverly Ellen Chase, sem býr í
risinu ásamt manni sínum Kristj-
áni Magnúsi Hjaltested, hefur búið
í húsinu í níu ár og kann því vel.
„Hér er frábært að vera og gott
fólk í húsinu. Garðurinn er líka
mjög fínn og þar samnýtum við
grillið á sumrin,“ segir Beverly.
Halldóra Jónsdóttir, sem hefur
búið lengst í húsinu af núver-
andi íbúum, er mjög ánægð með
þá andlitslyftingu sem það hefur
fengið og telur húsið setja falleg-
an svip á miðbæinn.
Flestir íbúarnir hafa einnig
farið höndum um íbúðir sínar
að innan og fékk Fréttablaðið að
skyggnast inn til þeirra Lilju,
Halldóru og Beverly. - ve
Samtakamáttur í hjarta Reykjavíkur
● Við Þórsgötu 19 í Reykjavík stendur fallegt fjölbýlishús sem mikið hefur verið nostrað við.
Húsið var byggt árið 1922. Framhlið þess hefur verið tekin í gegn og gluggarnir færðir í upprunalegt horf. FRÉTTABLAÐIÐ/ANTON
Þennan ruggustóll keypti Halldóra Jónsdóttir á menntaskóla-
árum sínum. Hann er fyrsta húsgagnið sem hún eignaðist.
Borðstofa og vinnuhorn Halldóru.
Fyrir ofan sófann í íbúð Halldóru er annars vegar mynd af Orustuhól eftir Richard Valtingojer og hins
vegar mynd eftir Elías B. Halldórsson.
Hér má sjá forfeðrahorn Halldóru en þar eru myndir af langafa
hennar, langömmu og tveimur sonum þeirra sem létust af slys-
förum ungir að aldri. Í miðjunni er mynd af foreldrum Halldóru í
tilhugalífinu.
Eldhúsinnréttingin hjá Halldóru er nýleg. Í glugganum hangir snúra með
seglum sem hún keypti í París en á seglana festir hún póstkort.
12. APRÍL 2008 LAUGARDAGUR16