Fréttablaðið - 02.05.2008, Blaðsíða 40

heima
gleði og glysgjörn húsráð
Á húsgagnasýningunni Salone Internazionale del Mobile á Ítalíu var glamúr-
inn allsráðandi. Síðastliðin ár hefur einfaldleikinn ráðið ríkjum en í ár bar við
nýjan tón. Kannski má greina kreppuna af sýningarbásunum, en þegar krepp-
ir að verður íburðurinn og glamúrinn alltaf meiri. Áhrifa gætti frá sjötta og átt-
unda áratugnum og gullið er greinilega að koma inn aftur. Mikið var um gyllt
sprautulökkuð húsgögn, gyllt blöndunartæki og það sem var ekki gyllt var króm-
að. Gyllti liturinn hefur oft verið flokkaður sem „kerlingarlegur“ en á Ítalíu var
ekkert kerlingarlegt yfirbragð yfir honum. Þegar nýtískuleg húsgögn eru komin
í gylltan lit eru þau allt annað en hallærisleg.
Í ár verður enginn maður með mönnum nema státa af stórum bókahillum í
stofunni eða nota opnar bókahillur sem milliveggi ekki ólíkt og tíðkaðist á Ís-
landi í kringum 1970. Þetta kemur vel út, sérstaklega þegar fallegum munum er
raðað í hillurnar í bland við bækur, stórar sem smáar. Að nota bókahillur sem
milliveggi er frábær lausn því oft getur verið of yfirþyrmandi að hafa steypta
veggi á milli rýma og fyrir þá sem eru orðnir þreyttir á alveg opnum rýmum
geta stúkað þau niður á þennan hátt. Bókahillurnar má svo útfæra á alla kanta og
leyfa sköpunargáfunni að njóta sín í botn. martamaria@365.is
Retrófílingur inn á heimili, opnar bókahillur og gyllt
sprautulökkuð húsgögn eru það sem koma skal.
Fortíðin mætir
framtíðinni
1. Gulli sleginn skenkur frá ítalska fyrirtækinu Besana hefur hlotið mikið lof fyrir flotta hönnun. 2. Gyllt skrifborð frá
Besana. 3. Bókahilla frá B&B Italia. Verslunin Heima í Síðumúla selur vörurnar frá fyrirtækinu og því ætti að vera
auðvelt að nálgast þær. 4. Hér sést hvernig bókahilla er notuð til að stúka herbergi af. Það kemur ótrúlega vel út
eins og sést á myndinni. 5. Gulli blöndunartæki eru smart þegar þau eru komin í rétt umhverfi. Hér fer lítið fyrir
mínimalismanum en þeir sem hafa vit á húsgagnatísku segja líka að hann sé á undanhaldi.
1
2
34
5
12 • FÖSTUDAGUR 2. MAÍ 2008