Fréttablaðið - 30.10.2008, Síða 6

6 30. október 2008 FIMMTUDAGUR
Afmælishátíð
Hvolsskóla
Í tilefni af 100 ára afmæli Hvolsskóla á Hvols-
velli bjóða nemendur, starfsfólk og foreldrar til
afmælishátíðar föstudaginn 31. október.
14:00 Hvolsskóli í 100 ár. Sýning á verkum sem
unnin voru á þemadögum nemenda.
Sýningin er opin til kl. 19 og laugardag
frá kl. 13-16.
15:00 Grænfáninn dreginn að húni við
Hvolsskóla. Grænfáninn er alþjóðleg
viðurkenning fyrir gott starf á sviði umhverfi s
mála í skólum.
16:00 Afmælisveisla í íþróttamiðstöðinni á
Hvolsvelli. Fyrrum nemendur Hvolsskóla
segja frá uppvexti sínum í skólanum og fl ytja
tónlistaratriði. Að lokinni dagskrá verður
boðið upp á afmæliskaffi .
Allir fyrrum nemendur og aðrir
velunnarar skólans velkomnir.

Nemendur og starfsfólk Hvolsskóla
Hvolsskóli er handhafi Íslensku menntaverðlaunanna 2008
Auglýsingasími
– Mest lesið
BANDARÍKIN, AP Samkvæmt nýrri
skoðanakönnun frá AP og GFK
hefur demókratinn Barack Obama
nú ótvírætt forskot á repúblikanann
John McCain í sex af átta lykilríkj-
um þar sem munurinn á milli þeirra
hefur verið hvað minnstur. Þessi
sex ríki eru Karólína, Nevada, New
Hampshire, Ohio, Pennsylvanía og
Virginía. Í hinum tveimur ríkjun-
um, Flórída og Norður-Karólínu,
eru þeir nokkurn veginn jafnir.
Í öllum þessum átta ríkjum
treystir fólk Obama betur til að tak-
ast á við efnahagsvandann, en
aðeins í þremur þeirra treysta íbúar
McCain betur fyrir þjóðaröryggi.
Obama keypti sér hálftíma
útsendingartíma á þremur af
stærstu sjónvarpsstöðvum Banda-
ríkjanna í gærkvöld, þar sem hann
hnykkti á boðskap sínum til
þjóðarinnar aðeins fimm dögum
fyrir forsetakosningar.
Enginn bandarískur forsetafram-
bjóðandi hefur keypt sér aðgang að
sjónvarpi með þessum hætti frá því
auðkýfingurinn Ross Perot bauð sig
fram til forseta árið 1992. McCain
hefur ekki í hyggju að gera slíkt hið
sama. Obama hefur safnað mun
meira fé í kosningasjóði sína en
McCain en talið er að hver sjón-
varpsstöðvanna þriggja hafi fengið
eina milljón dala fyrir útsending-
una.
Síðar um kvöldið kom Obama svo
í fyrsta sinn fram með Bill Clinton,
fyrrverandi forseta, á kosninga-
fundi í Flórída. - gb
Flest lykilríkin í forsetakosningum Bandaríkjanna snúast á sveif með Obama:
Treyst betur í efnahagsmálum
BARACK OBAMA Fór að dæmi Ross
Perots í gær og keypti sér hálftíma
útsendingartíma fyrir sjónvarpsávarp.
FRÉTTABLAÐIÐ/AP
EFNAHAGSMÁL Tíu ára þróunarstarf
sprotafyrirtækisins Hafmyndar
gæti verið til einskis unnið fáist
ekki fjármagn á næstu dögum til
að halda framleiðslu gangandi.
Fleiri sprotafyrirtæki ramba á
barmi gjaldþrots vegna fjármála-
kreppunnar.
Hafmynd hannar og framleiðir
sjálfstýrða kafbáta sem meðal
annars eru notaðir við umhverfis-
rannsóknir, sprengjuleit og olíu-
rannsóknir. Í dag eru 14 starfs-
menn hjá fyrirtækinu.
„Ef við fáum ekki fyrirgreiðslu
fyrir mánaðamót er spilið búið,“
segir Júlíus B. Benediktsson,
framkvæmdastjóri Hafmyndar.
Hann segir það grátlegt að svo
litla fyrirgreiðslu vanti þegar
tekjurnar bíði handan við hornið.
„Við fáum ekki lán til að fram-
leiða upp í gerða samninga,“ segir
Júlíus. Hann segir að fyrirtækið
þurfi um 50 milljóna króna lán
fyrir mánaðamót til að reksturinn
geti haldið áfram. Til viðbótar
þurfi 150 til 200 milljónir á næsta
ári. Þetta sé ekki mikið fé, en eng-
inn af íslensku viðskiptabönkun-
um treysti sér til að veita lán.
Söluáætlun Hafmyndar gerir
ráð fyrir að tekjur á næsta ári geti
farið yfir einn milljarð króna. Júlí-
us bendir á að viðskiptavinir séu
afar traust fyrirtæki og stofnanir
sem séu fjarri því að draga saman
eða á leið í þrot. Á næsta ári verði
til dæmis boðnir út allt að 100
sjálfstýrðir kafbátar í Evrópu
einni, og aðeins þrjú fyrirtæki um
hituna.
Júlíus segir skjóta skökku við
að sprotafyrirtæki eins og Haf-
mynd sé í slíkum erfiðleikum
þegar Össur Skarphéðinsson iðn-
aðarráðherra segi að á erfiðum
tímum verði að hlúa að sprotafyr-
irtækjum og nýsköpun. Svo virð-
ist sem orð og efndir fari ekki
saman. Júlíus hefur reynt að ná í
ráðherra, án árangurs.
Nýta mætti Nýsköpunarsjóð til
að standa vörð um valin sprotafyr-
irtæki, segir Júlíus. Til dæmis
mætti heimila honum að lána fyr-
irtækjum nægilegt fé til að halda
lágmarksframleiðslu í gangi.
Áður en fjármálakreppan hófst
voru stór erlend fyrirtæki tilbúin
að koma að frekari uppbyggingu
Hafmyndar, en Júlíus segir þau
áform nú úr sögunni.
„Nú eru hins vegar nokkur fjár-
festingarfélög sem vilja koma
hingað á brunaútsölu. Við fengum
nýlega tilboð í fyrirtækið, sem er
ekki upp í verð á einum báti,“
segir Júlíus.
Hann segir að fáist ekki fyrir-
greiðsla verði spurningin sú hvort
selja eigi fyrirtækið á gjafverði til
að þekkingin glatist ekki. Stöðvist
framleiðslan líði ekki margar
vikur þar til starfsmenn hverfi til
annarra starfa, jafnvel erlendis,
og þar með sé þekkingin horfin.
brjann@frettabladid.is
Tíu ára þróunarstarf
í þrot fáist ekki lán
Sprotafyrirtækið Hafmynd fær ekki fyrirgreiðslu til að halda framleiðslu gang-
andi. Söluáætlun gerir ráð fyrir allt að tveggja milljarða króna tekjum á næsta
ári. Nýta mætti Nýsköpunarsjóð til að standa vörð um íslensk sprotafyrirtæki.
Stjórnvöld verða að styðja við sprotafyrirtæki segja nýsköpunarsérfræðingar:
Sprotar í þrot eða úr landi
EFNAHAGSMÁL Ef stjórnvöld gera
ekki átak í að vernda sprotafyr-
irtæki í því efnahagsástandi sem
nú ríkir er hætta á að fyrirtæki
sem í framtíðinni gætu skilað
íslenska þjóðarbúinu miklum
tekjum lifi hræringarnar ekki af.
Þetta er mat Þorsteins Inga
Sigfússonar, forstjóra Nýsköp-
unarmiðstöðvar Íslands. Hann
bendir á að sprotafyrirtæki geti
mörg hver ekki fjármagnað
rekstur nema til skamms tíma,
og afar erfitt sé að fá fyrir-
greiðslu í bönkum.
„Það er öllum ljóst að þarna
eru okkar vonir núna, í því að
stjórnvöld styrki og styðji við
þessi sprotafyrirtæki. Þarna eru
möguleikarnir á nýjum störfum,
og tekjum af útflutningi,“ segir
Finnbogi Jónsson, framkvæmda-
stjóri Nýsköpunarsjóðs Íslands.
Nýsköpunarsjóður hefur und-
anfarið lánað sprotafyrirtækjum
rekstrarfé, auk þess að leggja til
hlutafé. Finnbogi segir að fram
hafi komið hugmyndir um að
sjóðurinn geti lánað sprotafyrir-
tækjum áfram, en til þess hafi
sjóðurinn ekki fjárhagslegt bol-
magn án aukinna fjárframlaga.
Þorsteinn segir verulega hættu
á því að ungir frumkvöðlar
hrökklist úr landi við þessar
aðstæður. Hann segir iðnaðar-
ráðuneytið nú skoða tillögur um
hvernig koma megi til móts við
sprotafyrirtækin. Til dæmis
mætti fjárfesting í þeim fela í
sér sérstaka skattaívilnun, og
aðstoða mætti fyrirtækin við að
ráða sérfræðinga.
Vel á annað hundrað sprotafyr-
irtæki eru starfandi hér á landi í
dag, samkvæmt vef sprotafyrir-
tækja, nyskopun.org. - bj
VONARPENINGUR Miklar vonir eru
bundnar við sprotafyrirtæki eins og
staðan í fjármálalífinu er í dag, segir
Finnbogi Jónsson, framkvæmdastjóri
Nýsköpunarsjóðs Íslands. FRÉTTABLAÐIÐ/GVA
ÞEKKINGIN GÆTI GLATAST Júlíus B. Benediktsson, framkvæmdastjóri Hafmyndar,
segir að stöðvist framleiðsla fyrirtækisins á sjálfstýrðum kafbátum glatist tíu ára
reynsla og þekking, sem geti skilað milljörðum í þjóðarbúið, þegar starfsfólk hverfi til
annarra starfa. FRÉTTABLAÐIÐ/ARNÞÓR
Áttir þú von á stýrivaxtahækk-
un?
Já 37,3%
Nei 62,7%
SPURNING DAGSINS Í DAG:
Ert þú með yfirdrátt í banka
eða sparisjóði?
Segðu skoðun þína á visir.is
KAUPMANNAHÖFN, AP Fimmtán
manns voru handteknir í Kaup-
mannahöfn í fyrrinótt þegar
óeirðir brutust út í tengslum við
mótmæli gegn niðurrifi húss í
Kristjaníu.
Lögreglan beitti táragasi á
mótmælendur, sem höfðu komið
sér upp götuvígum og grýttu
bæði grjóti og eldsprengjum í
áttina að lögreglunni.
Mótmælin hófust snemma
mánudags eftir að lögreglan hafði
aðstoðað við að bera út einn íbúa
Kristjaníu og einnig við að rífa
viðbyggingu, sem hann hafði reist
án leyfis við friðað hús í Kristjan-
íu. - gb
Enn óeirðir í Danmörku:
Útburði í Kristj-
aníu mótmælt
KJÖRKASSINN