Fréttablaðið - 30.10.2008, Síða 30

30. OKTÓBER 2008 FIMMTUDAGUR4 ● fréttablaðið ● veljum íslenskt
Matís og MPF Inc. vinna nú
saman að þróun á hinu geysi-
vinsæla sjávarfangi, surimi, úr
vannýttum fisktegundum úr
íslenskum sjó.
„Það hefur lengi verið áhugi á van-
nýttum fisktegundum á Íslandi til
aukinnar verðmætasköpunar og
nýtingu í surimi, sem er fiskprót-
einmassi unninn úr fiski og
annar ekki eftirspurn á
heimsvísu,“ segir dr.
Hörður G. Kristinsson,
deildarstjóri lífefna-
deildar Matís. Matís
og MPF Inc. í Banda-
ríkjunum skrifuðu á
dögunum undir sam-
starfssamning milli
fyrirtækjanna sem
felur í sér sameiginleg-
ar rannsóknir á þróun surimi
úr vannýttum fisktegundum af Ís-
landsmiðum.
„MPF er bandarískt rannsóknar-
og þróunarfyrirtæki sem heldur
utan um einkaleyfi og tækni á ein-
angrun próteina og notkun þeirra í
matvælum, og rekur sex vinnslur
vestra sem framleiða fiskprótein-
massa á neytendamarkað,“ segir
Hörður og bætir við að erfiðara sé
að vinna surimi úr íslenskum kol-
munna, síld og loðnu, en surimi er
oftast framleitt úr hvítum fiski;
einkum alaska-ufsa og lýsingi.
„Því eru margar hindran-
ir að yfirstíga, og nú hefur bæst
við möguleiki á surimivinnslu úr
makríl sem er nýr stofn við Ís-
landsstrendur og íslenskir sjó-
menn eru farnir að veiða mikið af,
en enn óljóst hvernig við eigum
að nýta,“ segir Hörður, sem í sam-
starfi Matís og MPF hyggst nýta
nýja tækni fyrirtækjanna til að ná
fram hreinum og stöðugum prót-
einum.
„Með þeirri tækni ættum við að
losna við þránunarbragð og halda
góðum eiginleikum svo hægt sé að
framleiða hreint og gott surimi, en
það er von beggja fyrirtækja að á
Íslandi rísi arðbær surimivinnsla
innan fárra ára,“ segir Hörður.
Markaður fyrir surimiafurðir
hefur vaxið mjög að undanförnu
og reiknað með að eftirspurn á
þessu ári sé um 600.000 tonn, á
meðan heimsframleiðsla er aðeins
um 480.000 tonn. Í ljósi þeirra að-
stæðna hefur verð á surimi tvö-
faldast á einu ári.
„Surimi er mikið notað í krabba-
kjötslíki, sem er vinsælt hráefni til
sushigerðar, en einnig gervihum-
ar, gervirækjur og gervihörpu-
skel. Surimi er þó ekkert gervihrá-
efni, heldur góður fiskur, fullunn-
inn með eggjahvítu, sterkju, sykri,
sætuefnum, fosfati og salti. Það
er einnig vinsælt í salatgerð,
enda bragðgott og ríkulega
búið góðum fiskprótein-
um.“
Hörður segir næsta
skref að hefja þróunar-
vinnu á Íslandi, þar
sem framleiðsla er
fyrirhuguð í framtíð-
inni, og ætti að skapa
fjölda starfa innan eins
til tveggja ára.
„Aðalvinnan snýr að efna-
fræði á bak við vinnslueiginleika
og stöðugleika, en þetta þarf allt
að vinna vel svo hægt sé að fara út
í framleiðslu á gæðavöru til neyt-
enda. Þetta yrðu alíslenskar afurð-
ir með mikla möguleika á heims-
vísu, en nýting vannýttra tegunda í
arðbærar vörur er mikilvæg fyrir
íslenskan sjávarútveg. Við þurf-
um að leggja mikla vinnu í nýsköp-
un í íslenskum sjávarútvegi og fá
meira fyrir okkar góða hráefni.
Samningurinn á því eftir að leggja
mikið af mörkum.“ - þlg
Sælgæti úr sjónum
Dr. Hörður G. Kristinsson, deildarstjóri lífefnadeildar Matís. FRÉTTABLAÐIÐ/STEFÁN
Þann munað að fara út að borða
eiga kannski margir erfitt með
að leyfa sér í dag. Veitingastað-
urinn Rauðará hefur brugðist við
með því að bjóða sérstaka þriggja
rétta matseðla á verði einnar
nautalundar.
„Ég vil nú ekki kalla þetta
kreppumatseðil en við erum að
koma til móts við fólkið í land-
inu. Að það geti farið út að borða
huggulegan mat fyrir ekki allt of
mikinn pening,“ segir Guðmund-
ur Viðarsson, eigandi veitinga-
staðarins Rauðarár.
Maturinn er úr íslensku hráefni
og hægt að fá saltfisk matreiddan
á tvo vegu og seyði í bolla í for-
rétt, í aðalrétt er kryddhjúpað
lambaprime með brasseruðum
lambaframparti og svo eftirrétti
kvöldins eftir því hvað kokkunum
dettur í hug.
Annar matseðill býður upp
á reyktan lax með humarsalati
og avókadói í forrétt, ostafylltri
grísalund með kartöflugratíni í
aðalrétt og eftirrétti kvöldsins.
Alls kosta þrír réttir 4.999 krón-
ur.
„Þetta ætlum við að keyra fram
að jólahlaðborði en það tekur við
í lok nóvember og desember. Ég
hef ekki heyrt af öðrum veitinga-
stöðum með svona tilboð og ef vel
gengur er aldrei að vita nema við
höldum þessu áfram að einhverju
leyti.“ - rat
Gott að borða á Rauðará
Guðmundur Viðarsson, eigandi veit-
ingastaðarins Rauðarár, býður upp á
íslenskan tilboðsmatseðil í nóvember.
FRÉTTALBAÐIÐ/ARNÞÓR
Surimi er mikið notað í krabba-
kjötslíki, sem er vinsælt hráefni til
sushigerðar, en einnig gervihumar,
gervirækjur og gervihörpuskel.
Ótrúlegt verð!
1.795 kr.
Ó
! ·
1
2
0
8
0