Fréttablaðið - 30.10.2008, Blaðsíða 50

30 30. október 2008 FIMMTUDAGUR
maturogvin@frettabladid.is
Margir bregða nú á það ráð að
baka eigið brauð í stað þess að
kaupa það tilbúið úti í búð eða í
bakaríi. Á stóru heimili má spara
þó nokkurn pening með brauð-
bakstri og í eftirfarandi uppskrift
er meira að segja hægt að nota
hrísgrjónaafganga frá kvöldinu
áður.
Hrísgrjónabrauð
150 g soðin stutt hrísgrjón
150 ml ylvolg mjólk
1 1/4 tsk. ferskt ger
40 g hunang
250 g hvítt hveiti eða spelt
1 tsk. sjávarsalt
Aðferð
1. Setjið hrísgrjónin, mjólkina, gerið
og hunangið í stóra skál og blandið
vel saman.
2. Blandið saman hveitinu og saltinu
í aðra skál og bætið hrísgrjónablönd-
unni út í jafnt og þétt þar til myndast
hefur klístrað deig. Látið standa í 10
mínútur.
3. Setjið smá olíu á hreint borðið og
hnoðið deigið í nokkrar sekúndur í
mjúka kúlu. Látið aftur standa í 10
mínútur. Endurtakið þá leikinn og
látið loks standa í eina klukkustund á
ylvolgum stað (ekki heitum).
4. Smyrjið 10 x 27 cm stórt form
(stærðin þarf ekki að vera svo
nákvæm). Mótið deigið svo það
passi í formið, leggið viskustykki yfir
og látið standa í aðra klukkustund,
eða þar til deigið hefur tvöfaldast og
snertir nánast toppinn á forminu.
5. Forhitið ofninn að 210° C, stráið
hveiti yfir brauðið og setjið í miðjan
ofninn.
6. Bakið í 25 mín. Lækkið þá hitann
niður í 190° C og bakið í 20 mín. í
viðbót, eða þar til brauðið hefur losað
sig aðeins frá hliðum formsins og er
orðið gullbrúnt að ofan. - ag
Hvaða matar gætirðu síst verið án?
Matarins sem konan mín býr til. Þar sem ég
fer seint á heimslista úrvalskokka þá er hún
mitt haldreipi í hungrinu.
Besta máltíð sem þú hefur fengið?
Allir hafa í huga jólamáltíðir sem
svar við svona spurningum, en
konan mín eldaði svo góðan
pastarétt þegar við fórum í okkar
fyrsta ferðalag saman að það
hefur alltaf staðið upp úr.
Er einhver matur sem þér finnst
vondur?
Nei, enginn. Strákarnir mínir tveir
fylgjast vel með því hvort ég klári ekki
matinn minn og éta bókstaflega upp eftir
mér ósiði. En ég skal fá þá til að
borða sveppi!
Leyndarmál úr eldhússkápnum:
Hann fyllist af sjálfu sér, ótrúlegt
en satt!
Hvað borðar þú til að láta þér
líða betur?
Ég á í öfugu sambandi við mat
þegar mér líður illa. Þá borða
ég helst ekki neitt. Stefni
að því að láta mér
líða illa fimm daga
vikunnar svo ég
haldi línunum í
lagi.
Hvað áttu alltaf til í ísskápnum?
Furðulegar sultur, keyptar á spottprís
í Bónus.
Ef þú yrðir fastur á eyðieyju, hvað
tækirðu með þér?
Konuna mína, annars yrði ég líklega
að éta sand.
Hvað er það skrítnasta sem þú
hefur borðað?
Krókódíllinn var allt í lagi en
kolkrabbinn var seigur.
MATGÆÐINGURINN JÓN JÓSEP SNÆBJÖRNSSON
Á í öfugu sambandi við mat
> GRÆNMETISSÚPUR
Nú þegar mikið framboð er af íslensku græn-
meti og kartöflum er um að gera að töfra fram
ljúffenga grænmetissúpu. Með vatni, græn-
metiskrafti, kryddi og grænmeti að
eigin vali er auðvelt að töfra
fram matarmikla súpu.
Hægt er að nota
kókosmjólk eða nið-
ursoðna tómata á
móti vatninu til að
fá austurlenskt
eða ítalskt yfir-
bragð.
Matartíminn er fjölskyldu-
stund á heimili Helgu Völu
Helgadóttur. Hún hefur
mjög gaman af því að
nostra við eldamennskuna.
„Ég er dugleg að elda og finnst
það mjög skemmtilegt,“ segir
Helga Vala Helgadóttir leikkona
og lögfræðinemi í HR. „Ég er á
þriðja ári svo námið er rúmlega
fullt starf. Þetta er bara spurning
um skipulag og þar sem ég á mörg
börn sem verða að borða elda ég á
hverju kvöldi,“ útskýrir Helga
sem á þrjú börn og eina stjúpdótt-
ur á aldrinum sex til sautján ára.
„Ef maður spyr hvað þau vilja
hafa í matinn er svarið alltaf hrís-
grjónagrautur. Þau yrðu ekkert
vansæl að fá hrísgrjónagraut í öll
mál svo ég þarf ekkert að óttast
kreppuna,“ bætir hún við og
hlær.
Aðspurð segist hún hafa mjög
gaman að því að nostra við elda-
mennskuna. „Mér finnst skipta
meira máli að dúlla mér við að
elda matinn heldur en að borða
hann. Mér finnst skemmtilegast
að elda mörg saman og það er
ekki verra að opna rauðvínsflösku
og útbúa matinn í góðra vina hópi.
Ég er alin upp við að matartíminn
sé fjölskyldustund þar sem sagð-
ar eru sögur, svo mér finnst
gaman að sitja lengi til borðs og
njóta máltíðarinnar,“ útskýrir
Helga og segist hafa gaman af því
að halda matarboð.
„Ég er ekki nógu dugleg að
halda matarboð sökum anna, en
finnst það alveg hrikalega
skemmtilegt. Mér finnst skemmti-
legast að búa til máltíð úr mörg-
um, litlum réttum og leiða saman
margar bragðtegundir. Þá hef ég
kannski smá salat, smá pasta,
grænmeti og svolítið kjöt. Það
þarf ekki mikið til svo úr verði
veisla. Meðlæti getur skipt sköp-
um og það þarf bara að raða fal-
lega á diskana,“ segir Helga sem
gaf okkur uppskrift af einföldum
kjúklingarétti.
„Uppskriftin er algjörlega
brilliant. Hún er fullkomin þegar
tekið er á móti gestum og gest-
gjafinn vill síður vera bundinn
„fyrir aftan“ eldavélina. Stærsti
kosturinn er auðvitað sá að þetta
er mjög einfalt svo að maður þarf
ekki að hanga yfir þessu og getur
gælt við gestina.“
alma@frettabladid.is
Nostrar við eldamennskuna
„Þetta er bara ólýsanlegt,“ segir
Alfreð Ómar Alfreðsson, meðlim-
ur í íslenska kokkalandsliðinu sem
lenti í tíunda sæti á Ólympíumóti
matreiðslumeistara í Erfurt í
Þýskalandi. Liðið vann tvenn gull-
verðlaun og tvenn silfurverðlaun
á mótinu sem fór fram í síðustu
viku og er það besti árangur liðs-
ins til þessa.
„Þetta hefur verið tíu ára mark-
mið hjá kjarna hópsins svo maður
varð agndofa þegar það náðist,“
segir Alfreð sem hafði verið vak-
andi í fjóra sólarhringa á Ólymp-
íumótinu þegar blaðamaður náði
tali af honum. „Öll umgjörð var til
fyrirmyndar svo þetta er verð-
skuldaður árangur,“ bætir hann
við og gaf okkur girnilega upp-
skrift af marineruðum kjúklinga-
bringum.
Chilli-, engifer- og hvítlauks-
marineraðar kjúklingabringur.
3 cm ferskur engifer
2 geirar hvítlaukur
1 stk. rauður chilli-pipar
1 stk. lime
6 msk. kikkoman-sojasósa
4 stk. kjúklingabringur
Aðferð:
Hreinsið skinnið af engiferinu og
hvítlauknum.
Saxið chilli-piparinn gróft niður.
Rífið börkinn af lime með beittu
rifjárni.
Setjið engifer, hvítlauk, rauðan chilli
og lime-börk saman í matvinnsluvél
ásamt sojasósunni og maukið gróft.
Setjið plastpoka ofan í stóra skál og
brettið pokann yfir barmana á skál-
inni, setjið kjúklingabringurnar ofan í
pokann og hellið maukblöndunni þar
yfir, bindið fyrir pokann og blandið
öllu vel saman.
Setjið pokann aftur í skálina, látið
standa í kæli í 2–3 tíma.
Ofnbakið kjúklingabringurnar fyrst
á 180° C í 5 mínútur og lækkið svo
hitan niður í 120° C og eldið þar til
að bringurnar hafa náð 68° C í kjarna
í 3 mín.
Kjúklingabringurnar eru líka framúr-
skarandi góðar þegar þær eru grill-
aðar. Borið fram á soja „vinaigrette“
vættu klettasalati með hýðishrísgrjón-
um og nýbökuðu nan-brauði. - ag
Frábær árangur
kokkalandsliðsins
AFGANGARNIR NÝTTIR Í BRAUÐIÐ Hægt
er að spara pening og nýta afganga með
því að nota soðin hrísgrjón í brauð-
baksturinn.
Hrísgrjón í brauðið
ÁNÆGÐUR MEÐ ÁRANGURINN Alfreð er
að vonum ánægður með árangur kokka-
landsliðsins á Ólympíuleikunum og gaf
okkur girnilega kjúklingauppskrift.
HJÁLPAST AÐ VIÐ ELDAMENNSKUNA Helga Vala hefur gaman að því að nostra við
eldamennskuna og finnst skemmtilegast þegar margir hjálpast að við að útbúa
kvöldmatinn. FRÉTTABLAÐIÐ/ARNÞÓR
Einfaldur kjúklingaréttur
Innihald:
Uppáhaldsgrænmetið
Kjúklingur
Kús kús
AB mjólk
Agúrka
Hvítlaukur
Balsamedik, þunnfljótandi – ekki
sykurleðjan.
Notast er við stórt djúpt ofnfat. Ekki
loka fatinu ef þið viljið hafa réttinn
stökkan.
Í botninn á fatinu má setja hvaða
grænmeti sem er − en best er það
grænmeti sem verður sætt við
eldun: Rauðlaukur, rauð paprika,
sæt kartafla, venjulegar kartöflur,
gulrætur, brokkolí og heilir hvít-
lauksgeirar. Sirka einn heill laukur.
Allt er þetta gróft skorið og raðað í
botninn.
Setjið slettur af balsamediki á víð
og dreif.
Heill kjúklingur settur ofan á græn-
metið. Kryddið með kjúklingakryddi
og slettið balsamedikinu yfir hann
líka til að búa til dökka skorpu.
Fatið sett í ofninn við 200° C í sirka
klukkutíma.
Meðlæti sem má búa til
áður en gestirnir koma:
Kús kús og tsatsiki-sósa sem er bara
ab-mjólk, hvítlaukur og rifin gúrka
í skál.
Ef margir eru í mat má vel hafa
ferskt salat með, en það á að vera
nóg grænmeti í botninum á fatinu.
Muna að það þarf ekki að setja
vatn eða annað í botninn á fatinu
því safinn af kjúklingnum sýður
grænmetið og viti menn, bragðið er
töfrum líkast.
Hinar vinsælu
barna-afmæliskökur
færðu hjá okkur
Opnunartíminn er sem hér segir:
Mánud.til föstud. Kl.7.30 – 18.00
Laugardag Kl.8.00-16.00
Sunnudag kl. 9.00 – 16.00 Iðnbúð 2 - Garðabæ - sími: 565 8070
Þú getur séð fleiri myndir inn á:
www.okkarbakari.is
batman, barbie, dóra, pirates of the caribian,
litla hafmeyjan, kærleiksbangsarnir og
margar fleiri disney fígúrur.
Auglýsingasími
– Mest lesið