Fréttablaðið - 30.10.2008, Blaðsíða 8

8 30. október 2008 FIMMTUDAGUR
BANDARÍKIN, AP Ted Stevens,
öldungadeildarþingmaður frá
Alaska, ætlar ótrauður að halda
áfram baráttu sinni fyrir
endurkjöri í þingkosningum
næsta þriðjudag, þrátt fyrir að
hafa á mánudaginn verið
dæmdur sekur um að hafa logið
til um gjafir frá auðugu olíufyr-
irtæki.
John McCain, forsetaefni
Repúblikanaflokksins, hvatti
Stevens til að segja af sér og
hætta kosningabaráttu gegn
demókratanum Mark Begich.
Samkvæmt skoðanakönnun,
sem gerð var skömmu áður en
dómsúrskurður féll, var fylgi
þeirra nokkuð jafnt, þrátt fyrir
stöðugar fréttir af spillingu
Stevens. Næsta öruggt þykir að
dómurinn verði honum að falli.
- gb
Stevens fundinn sekur:
Heldur áfram
framboði sínu
Stöndum vörð um jafnrétti kynjanna
Að gefnu tilefni
Eitt meginmarkmið laga um jafna stöðu og jafnan rétt kvenna
og karla nr. 10/2008 er að vinna gegn launamisrétti og annarri
mismunun á grundvelli kynferðis á vinnumarkaði. Í lögunum
segir m.a:
Mismunun á grundvelli kyns er bönnuð.
Það gildir að sjálfsögðu einnig um uppsagnir.
Atvinnurekendur og stéttarfélög eiga að vinna markvisst að því að
jafna stöðu kynjanna á vinnumarkaði.
Sérstaklega á að leggja áherslu á að jafna hlut kynjanna í stjórnu-
nar – og áhrifastöðum.
Konur og karlar hjá sama atvinnurekanda eiga að fá jöfn laun og
sömu kjör fyrir sömu eða jafnverðmæt störf.
Starfsfólk má alltaf skýra frá launakjörum sínum.
Starf sem laust er til umsóknar skal standa opið jafnt konum sem
körlum.
Við skipun í nefndir, ráð og stjórnir á vegum ríkis og sveitarfélaga
á hlutfall kynjanna að vera sem jafnast og ekki minna en 40%
þegar fulltrúar eru fl eiri en þrír. Sama gildir um stjórnir opinberra
hlutafélaga og fyrirtækja sem ríki eða sveitarfélag er aðaleigandi
að.
Jafnréttisstofa
ÚKRAÍNA, AP Þjóðþing Úkraínu
samþykkti í gær frumvarp að sér-
stökum neyðarlögum sem setja á
til að búa í haginn fyrir móttöku
16,5 milljarða dala neyðarláns frá
Alþjóðagjaldeyrissjóðnum (IMF).
Sjóðurinn er líka að undirbúa
neyðarfjárhagsaðstoð við Ung-
verjaland og Hvíta-Rússland, og
fleiri lönd í austanverðri Evrópu
kunna að fylgja í kjölfarið.
Úkraínustjórn vonast til að IMF-
lánið muni forða fjármálakerfi
landsins frá algeru hruni, en úkra-
ínski gjaldmiðillinn, hryvnan,
hefur verið í frjálsu falli að und-
anförnu og bankar landsins eiga
mjög undir högg að sækja.
Úkraínski seðlabankastjórinn
Volodymyr Stelmakh sagði í gær
að hjálparáætlun IMF, sem stjórn
sjóðsins á eftir að leggja blessun
sína yfir, sé nauðsynleg til að
afstýra greiðsluþroti banka og
stjórfyrirtækja landsins gagnvart
erlendum lánardrottnum.
Ceyla Pazarbasioglu, sem fer
fyrir sendinefnd IMF í Úkraínu,
tjáði fréttamönnum að meðal skil-
yrða fyrir lánveitingu væri að
úrkaínsk stjórnvöld sýndu aðhald
í ríkisfjármálum og hrintu kerfis-
umbótum í framkvæmd. „Þeir
skilja hvað við er að etja og þörf-
ina á aðgerðum,“ sagði hún eftir
fund í Kíev með fulltrúum þings
og ríkisstjórnar.
Gjaldeyris- og verðbréfamark-
aðir Ungverjalands tóku kipp upp
á við í gær eftir að það fréttist að
til stæði að IMF útvegaði Ungverj-
um neyðarlán upp á 20 milljónir
evra. IMF mun leggja til 12,5 millj-
ónir evra sem þrautavarasjóð,
Evrópusambandið leggur til 8,1
milljón evra og Alþjóðabankinn 1
milljarð evra.
Ungverski forsætisráðherrann
sagði í gær að ríkisstjórnin gerði
ráð fyrir að minnsta kosti eins
prósents samdrætti í þjóðarfram-
leiðslu á næsta ári í stað þriggja
prósenta hagvaxtar eins og áður
hafði verið spáð. Boðaði Gyurc-
sany róttæka endurskoðun fjár-
laga sem gerði ráð fyrir mun
minni fjárlagahalla. Hagkerfi
Ungverjalands hefur átt við vax-
andi skuldsetningu, mikinn fjár-
lagahalla og minnkandi hagvöxt
að stríða á síðustu árum.
Dominique Strauss-Kahn, fram-
kvæmdastjóri IMF, fagnaði við-
brögðum stjórnvalda í Búdapest
við kreppunni; niðurskurður fjár-
lagahallans og aðrar ráðstafanir
væru til þess fallnar að auka tiltrú
fjárfesta. Þessi ummæli Strauss-
Kahn voru mjög í samræmi við orð
sem talsmenn framkvæmdastjórn-
ar ESB höfðu áður látið falla.
Joaquin Almunia, sem fer með
efnahags- og peningamál í fram-
kvæmdastjórn ESB, lagði í gær til
að neyðaraðstoðarsjóður sam-
bandsins yrði meira en tvöfaldað-
ur, úr 12 milljörðum í 25 milljarða
evra. Hann boðaði jafnframt
aðgerðir til að ýta undir jákvæða
hagþróun í aðildarríkjunum 27.
Almunia staðfesti ennfremur að
Ísland hefði einnig sótt um aðstoð
frá ESB, þótt það sé ekki aðili að
sambandinu. Forseti fram-
kvæmdastjórnarinnar, José Manu-
el Barroso, sagði stjórnvöld í
aðildarríkjunum reiðubúin að
miðla fé til annarra aðildarríkja
sem í vanda væru stödd.
audunn@frettabladid.is
ALLAR KLÆR ÚTI Úkraínumaður í þjóðbúningi kósakka reynir að afla sér aukapenings
í kreppunni með hljóðfæraslætti á torgi í Kíev í gær. FRÉTTABLAÐIÐ/AP
IMF aðstoðar
Úkraínu og
Ungverjaland
Lög samþykkt í Úkraínu til undirbúnings neyðarað-
stoðar frá IMF. Ungverjaland og fleiri lönd í Austur-
Evrópu búast einnig til að þiggja IMF-hjálp. Ísland
meðal ríkja sem biðja Evrópusambandið um aðstoð.
1. Hvað heitir lögmaður Fær-
eyja?
2. Hvar var bandarískri menn-
ingarmiðstöð lokað á þriðju-
daginn?
3. Hvaða íslenski sjónvarps-
þáttur var nýlega tilnefndur til
bresku BAFTA-verðlaunanna?
SJÁ SVÖR Á SÍÐU 42
VINNUMARKAÐUR „Menn hafa reynt
í lengstu lög að halda í sitt starfs-
fólk en það eru margir sem sjá
ekki aðra kosti í stöðunni en að
fækka fólki,“ segir Ingibjörg Þórð-
ardóttir, formaður Félags fast-
eignasala.
Hún segir óhjákvæmilegt að
bregðast við um 70 prósenta minni
umsvifum á fasteignamarkaði
með uppsögnum. Aðstoðarfólki
fækki helst en hins vegar séu vel
flestir löggiltir fasteignasalar enn
að störfum. Löggiltir fasteignasal-
ar séu nú um 250 talsins en hafi
mest verið um 280 þegar best lét.
Þá segir Ingibjörg fasteignasala
bíða þess að eitthvað verði gert til
að hjálpa húsnæðismarkaðnum.
Sverrir Kristinsson, fram-
kvæmdastjóri Eignamiðlunar ehf.,
segir að þar hafi átta af tuttugu
starfsmönnum verið sagt upp
störfum í síðustu viku. „Þetta er
öryggisráðstöfun vegna þeirrar
óvissu sem ríkir núna. Við segjum
upp fólki með það í huga að geta
vonandi ráðið fólk aftur,“ segir
Sverrir. Hann segir desember og
janúar rólegasta tíma ársins og að
fram undan sé nokkur óvissa.
Sverrir segir allstóran hóp
manna hafa starfað innan greinar-
innar á síðustu árum sem hvorki
hafi menntun, reynslu eða þekk-
ingu á sviði fasteignasölu. „Fast-
eignasalar eru oft að sýsla með
aleigu manna og við erum að von-
ast eftir að þær sölur, þar sem fag-
menn starfa, standi eftir sterk-
ari,“ segir Sverrir. - ovd
Fasteignasölur bregðast við minni umsvifum með uppsögnum aðstoðarmanna:
Uppsagnir hjá fasteignasölum
EFNAHAGSMÁL Næsta umferð
sendinefnda Rússlands og Íslands
um mögulegt gjaldeyrislán verð-
ur haldin í Reykjavík. Þetta sagði
Björgvin G. Sigurðsson viðskipta-
ráðherra á blaðamannafundi í St.
Pétursborg í Rússlandi í gær.
Hann var þar staddur vegna
Northern Exposure-ráðstefnunn-
ar.
Aðstoðarfjármálaráðherra
Rússlands, Dmitry Pankin, sagði
á þriðjudag, í viðtali við Prime-
Tass-fréttastofuna, að við núver-
andi aðstæður væri mikil áhætta
falin í því að lána Íslendingum.
„Jafnvel ef ákvörðun yrði tekin
til að samþykkja lánið myndum
við þurfa að meta vandlega alla
áhættu.“ Seðlabankinn vildi í gær
ekki tjá sig um ummæli Pankins
en sagðist vera að skoða málið
hvað varðar frekari viðræður.
Rússneska
sendiráðið sagð-
ist í gær ekki
hafa frekari
upplýsingar um
mögulegt lán
Rússa til Íslend-
inga. Það eina
sem þeir vissu
væri að viðræð-
um hefði lokið
16. október án
niðurstöðu og ekki væri búið að
taka ákvörðun um hvenær næsta
viðræðulota færi fram.
Geir H. Haarde sagði á föstu-
dag, þegar tilkynnt var að leitað
yrði formlega til Alþjóðagjald-
eyrissjóðsins, að enn yrði leitast
við að fá lán frá Rússum, þótt
upphæðin yrði væntanlega lægri
en þær fjórar milljónir evra sem
rætt var upp í upphafi. - ss
Viðskiptaráðherra um gjaldeyrislán Rússa:
Fundað á Íslandi
BJÖRGVIN G.
SIGURÐSSON
DÓMSMÁL Ungur piltur hefur verið
dæmdur í 45 daga fangelsi,
skilorðsbundið, fyrir að berja
mann í höfuðið með glerflösku.
Flaskan brotnaði við höggið og
hlaut fórnarlambið skurð á höfði.
Árásarmaðurinn var aðeins
sautján ára þegar atvikið átti sér
stað fyrr á þessu ári. Hann játaði
sök fyrir dómi.
Hann hafði ekki áður gerst
sekur um refsivert athæfi þegar
hann framdi umrædda líkamsárás
sem var álitin sérstaklega
hættuleg.
Pilturinn lýsti iðrun fyrir dómi
og höfðust náð sættir milli hans og
fórnarlambsins um skaðabætur. - jss
Ungur piltur dæmdur:
Braut flösku á
höfði manns
INGIBJÖRG
ÞÓRÐARDÓTTIR
SVERRIR
KRISTINSSON
VEISTU SVARIÐ?