Fréttablaðið - 30.10.2008, Blaðsíða 58
38 30. október 2008 FIMMTUDAGUR
EM í handbolta:
Ísland-Belgía 40-21 (19-9)
Mörk Íslands (skot): Guðjón Valur Sigurðsson
12/5 (15/5), Róbert Gunnarsson 5 (6), Ásgeir
Örn Hallgrímsson 4 (7), Vignir Svavarsson 3 (4),
Logi Geirsson 3 (5), Einar Hólmgeirsson 3 (6),
Aron Pálmarsson 2 (3), Sverre Jakobsson 1 (1),
Ingimundur Ingimundarson 1 (1), Ragnar Óskars
son 1/1 (1/1), Arnór Atlason (3).
Varin skot: Hreiðar Levý Guðmundsson 11/1
(20/1) 52%, Björgvin Páll Gústavsson 11 (23)
48%.
Hraðaupphlaup: 15 (Guðjón 5, Þórir 3, Ásgeir 2,
Einar, Ingimundur, Róbert, Sverre, Logi).
Fiskuð víti: 6 (Róbert 2, Ragnar 2, Guðjón,
Ásgeir). Utan vallar: 6 mínútur.
Mörk Belga: Nicolas Havenith 5, Tim Houbrecht
4, Thomas Cauwenberghs 3, Pieter Claesen 2,
David L´Hoest 2, Kevin Jacobs 2, Kai Verhoeven 1,
Roel Valkenborgh 1.
Varin skot: Jens Lievens 12, David Polfliet 1.
Utan vallar: 8 mínútur.
Enska úrvalsdeildin:
ARSENAL-TOTTENHAM 4-4
0-1 David Bentley (12.), 1-1 Mikael Silvestre (36.),
2-1 William Gallas (45.), 3-1 Emmanuel Ade
bayor (63.), 3-2 Darren Bent (66.), 4-2 Robin van
Persie (67.), 4-3 Jermaine Jenas (88.), 4-4 Aaron
Lennon (93.).
ASTON VILLA - BLACKBURN ROVERS 3-2
0-1 Stephen Warnock (30.), 1-1 Luke Young (45.),
2-1 Gareth Barry (65.), 3-1 Gabriel Agbonlahor
(87.), 3-2 Brett Emerton (90.).
BOLTON WANDERERS - EVERTON 0-1
0-1 Marouane Fellaini (90.).
FULHAM - WIGAN ATHLETIC 2-0
1-0 Andy Johnson (11.), 2-0 Andy Johnson (60.).
HULL CITY - CHELSEA 0-3
0-1 Frank Lampard (2.), 0-2 Nicolas Anelka (49.),
0-3 Florent Malouda (74.).
LIVERPOOL - PORTSMOUTH 1-0
1-0 Steven Gerrard (74.).
MANCHESTER UNITED - WEST HAM 2-0
1-0 Cristiano Ronaldo (13.), 2-0 Ronaldo (29.).
MIDDLESBROUGH - MANCHESTER CITY 1-0
1-0 Afonso Alves (57.).
STOKE CITY - SUNDERLAND 1-0
1-0 Ricardo Fuller (73.)
Iceland Express-deild kvk:
Valur-Snæfell 52-47 (25-28)
Stig Vals: Signý Hermannsdóttir 15 (21 frák., 7
stoðs., 7 varin), Þórunn Bjarnadóttir 14 (7
stolnir), Lovísa A Guðmundsdóttir 10 (9 frák., 4
varin), Tinna Björk Sigmundsdóttir 7 (5 stoðs.),
Ösp Jóhannsdóttir 3, Kristjana Magnúsdóttir 3.
Stig Snæfells: Detra Ashley 16 (18 frák.), Sara
Sædal Andrésdóttir 12, Gunnhildur Gunnarsdóttir
12 (3 varin), Unnur Lára Ásgeirsdóttir 3 (4
stolnir), Berglind Gunnarsdóttir 2 (12 frák.), María
Björnsdóttir 2.
Grindavík-Hamar 80-83 (30-35, 70-70)
Stig Grindavíkur: Petrúnella Skúladóttir 24,
Ingibjörg Jakobsdóttir 16, Ólöf Helga Pálsdóttir
11 (13 frák., 4 stoðs.), Íris Sverrisdóttir 10 (9
stoðs.), Berglind Anna Magnúsdóttir 8, Lilja Ósk
Sigmarsd. 6, Helga Rut Hallgrímsd. 5 (15 frák.).
Stig Hamars: Julia Demirer 37 (20 frák.), LaKiste
Barkus 22 (14 frák., 7 stoðs.), Fanney Lind Guð
mundsdóttir 10 (9 frák.), Jóhanna Björk
Sveinsdóttir 4, Dúfa Dröfn Ásbjörnsdóttir 4, Íris
Ásgeirsdóttir 3, Hafrún Hálfdánardóttir 2, Elma
Jóhannsdóttir 1.
ÚRSLIT
KÖRFUBOLTI Hamarskonur héldu
áfram sigurgöngu sinni í Iceland
Express-deild kvenna með því að
vinna 83-80 sigur á Grindavík í
framlengdum leik liðanna í
Grindavík.
Julia Demirer átti stórleik í liði
Hamars og var með 37 stig og 20
fráköst og LaKiste Barkus var
með 22 stig, 14 fráköst og 7
stoðsendingar. Það dugði Grind-
víkingum ekki að Petrúnella
Skúladóttir skoraði 24 stig en
liðið lék án fyrirliða síns, Jovönu
Stefánsdóttur, sem er nefbrotin.
Valskonur unnu nauman sigur á
nýliðum Snæfells, 52-47, í
Vodafone-höllinni í gær eftir að
Snæfellsliðið hafði verið yfir
stærsta hluta leiksins. Valsarinn
Signý Hermannsdóttir var með 15
stig, 21 frákast, 7 stoðsendingar
og 7 varin skot í leiknum en
Þórunn Bjarnadóttir gerði út um
leikinn í lokin þegar hún skoraði 7
af 14 stigum sínum í 4. leikhlutan-
um. - óój
Iceland Express kvenna:
Hamar vann í
Grindavík
STÓRLEIKUR Julia Demirer var með 37
stig og 20 fráköst í gær. FRÉTTABLAÐIÐ/DANÍEL
FÓTBOLTI Liverpool vann sinn
fimmta sigur í röð í ensku úrvals-
deildinni og heldur toppsætinu en
Chelsea vann líka og fylgir þeim
fast á eftir. Það gekk misvel hjá
nýju stjórunum Harry Redknapp
hjá Tottenham og Tony Adams
hjá Portsmouth.
Steven Gerrard tryggði Liver-
pool 1-0 sigur á Portmouth og
áframhaldandi veru á toppnum
með því að skora sigurmarkið úr
víti á 75. mínútu.
Vítið var dæmt á Papa Bouba
Diop fyrir hendi en hann hrein-
lega stökk á boltann að hætti mar-
kvarða. Tony Adams tapaði því
fyrsta leik sínum við stjórnvölinn
hjá Portsmouth en liðið pakkaði í
vörn en náði ekki að halda
hreinu.
Sigurganga Hull endaði á
Brúnni þar sem Chelsea vann
öruggan 3-0 útisigur. Frank Lamp-
ard skoraði strax eftir 3 mínútur
og það voru síðan Nicolas Anelka
og Florent Malouda sem skoruðu
hin mörkin í seinni hálfleik. Nýlið-
ar Hull voru búnir að vinna fjóra
leiki í röð fyrir þennan leik.
Harry Redknapp og lærisvein-
ar hans í Tottenham tryggðu sér
jafntefli í miklum markaleik í
Lundúna-slagnum á móti Arsenal.
Tottenham skoraði tvö síðustu
mörkin í blálokin og tryggði sér
4-4 jafntefli. Sex af átta mörkum
leiksins komu í seinni hálfleik en
Arsenal komst í bæði 3-1 og 4-2.
Cristiano Ronaldo tók við gull-
skónum fyrir leikinn og var búinn
að skora tvö mörk á fyrstu 30
mínútunum í 2-0 sigri Manchest-
er United á West Ham. Fyrra
markið skoraði hann eftir send-
ingu frá Nani en það síðara eftir
sendingu Búlgarans Dimitar Ber-
batov. - óój
Níu leikir fóru fram í ensku úrvalsdeildinni í gærkvöldi þar á meðal átta marka leikur á Emirates-vellinum:
Gerrard tryggði Liverpool sigur úr víti
AUÐVELT Frank Lampard og félagar
unnu öruggan sigur á Hull.
NORDICPHOTOS/GETTY
HANDBOLTI Guðjón Valur Sigurðs-
son náði þeim merka áfanga í gær-
kvöld gegn Belgum að verða þriðji
handknattleiksmaðurinn í sögu
Íslands til þess að skora þúsund
mörk fyrir A-landsliðið. Kristján
Arason var fyrstur til þess að
rjúfa þúsund marka múrinn, Ólaf-
ur Stefánsson kom næstur þar á
eftir og nú hefur Guðjón Valur
bæst í þann myndarhóp.
„Það er mjög gaman að þessu en
þetta gefur enga punkta. Sigurinn
er miklu mikilvægari,“ segir Guð-
jón Valur hógvær að vanda.
Þúsundasta mark Guðjóns Vals
kom í lok fyrri hálfleiks en það
var hans áttunda mark í leiknum. Í
síðari hálfleik hélt Guðjón Valur
svo áfram að skora og endaði með
tólf mörk. Það er því byrjað að
telja í annað þúsundið. Guðjón
Valur var ánægður með sigurinn,
þó svo að mótspyrnan hafi ef til
vill ekki verið mikil.
„Það er fínt að vinna með nítján
marka mun en það er rosalega
erfitt að spila svona leiki. Þá meina
ég ekki líkamlega erfitt heldur að
halda haus og einbeitingu út allan
leikinn gegn mun lakari andstæð-
ing. Það komu alveg fáránlegir
tæknifeilar hjá okkur inn á milli
og það skrifast á einbeitingarleysi.
Ef við hefðum spilað vörnina eins
og við spiluðum á Ólympíuleikunum
í Peking hefðu Belgarnir líklega
ekki skorað meira en tíu mörk,“
segir Guðjón Valur.
Guðjón Valur telur líka að Nor-
gesleikurinn mikilvægi sem fram
fer á laugardag hafi verið aftast í
kollinum á mönnum.
„Menn voru náttúrulega með
hugann við laugardaginn, það er
engin spurning og því slökuðum
við kannski örlítið á varnarlega í
síðari hálfleik. Það er annars
vissulega góð tíðindi að allir hafi
komist í gegnum þennan leik án
þess að meiðast því leikurinn á
laugardag verður erfiður,“ segir
Guðjón Valur að lokum. - óþ
Guðjón Valur sigurðursson átti enn einn stórleikinn með íslenska landsliðinu í sigrinum á Belgum í gær:
Guðjón Valur rauf þúsund marka múrinn
EITT AF TÓLF Guðjón Valur Sigurðsson
fór mikinn í sigrinum á Belgum í gær.
FRÉTTABLAÐIÐ/ARNÞÓR
HANDBOLTI Það var mikil stemmn-
ing í Laugardalshöll í gær þegar
silfurstrákarnir spiluðu sinn
fyrsta leik eftir Ólympíuleikanna.
Andstæðingurinn afar veikur og
auðveldur sigur staðreynd en
áhorfendur skemmtu sér vel.
Það má með sanni segja að
íslenska liðið hafi ekki þurft lang-
an tíma til þess að klára leikinn.
Mótspyrnan var ekki mikil, strák-
arnir byrjuðu af miklum krafti,
skoruðu þrjú fyrstu mörkin og
náðu sjö marka forystu, 10-3,
þegar stutt var liðið á leikinn.
Geta Belganna sást ágætlega
strax í fyrstu sókn þeirra sem end-
aði með arfaslöku skoti sem Hreið-
ar Guðmundsson greip! Hreiðar
varði annars mjög vel eða ellefu
skot í fyrri hálfleik.
Vörnin stóð vaktina vel en sókn-
arleikurinn nokkuð stirður og það
skiljanlega þar sem marga lykil-
menn vantaði og strákarnir í sókn-
inni ekki leikið mikið saman síð-
ustu ár. Ragnar Óskarsson stýrði
sókninni en var nokkuð stirður.
Ásgeir Örn og Arnór voru með
litla skotógnun fyrir utan og flest
mörk íslenska liðsins komu úr
gegnumbrotum eða hraðaupp-
hlaupum.
Þórir var öflugur í hægra horn-
inu, Róbert sterkur á línunni og í
vinstra horninu fór Guðjón Valur
á kostum í hálfleiknum. Hann lék
við hvurn sinn fingur og það var
vel við hæfi að hann skyldi ljúka
hálfleiknum með sínu áttunda
marki sem var jafnframt 1000.
mark hans með A-landsliðinu. 19-9
í hálfleik og leikurinn í raun
búinn.
Síðari hálfleikur því algjört
formsatriði þar sem íslenska liðið
raðaði inn hraðaupphlaupsmörk-
um og náðu allir útileikmenn
íslenska liðsins að skora fyrir utan
Arnór Atlason. Björgvin kom í
markið og stóð sig vel.
Það er vart orðum eyðandi á
þetta belgíska lið sem er hrein
hörmung. 60 mínúturnar voru því
lítið annað en fínn undirbúningur
fyrir leikinn í Noregi á laugardag.
Guðmundur þurfti að slípa sókn-
arleikinn til í þessum leik og fá
svör við ákveðnum spurningum.
Verður því áhugavert að sjá hvern-
ig hann lætur liðið spila á laugar-
dag.
Hinn stórefnilegi Aron
Pálmarsson átti virkilega fína inn-
komu í sínum fyrsta landsleik og
var kátur eftir leik.
„Það var frábær tilfinning að
koma inn í sinn fyrsta landsleik
með þessu silfurliði. Stemmningin
og allt í liðinu er frábært og ekki
verra að spila í þessari stemmn-
ingu,“ sagði Aron brosmildur.
„Ég var nú ekkert stressaður
enda kom ég inn í þægilegri stöðu.
Það var samt smá fiðringur í mag-
anum og léttir að sjá fyrsta skotið
hafna í markinu. Eina sem ég er
stressaður út af er rassskellingin
sem ég fæ í sturtunni á eftir,“sagði
Aron og hló en þessi strákur á
eftir að láta mikið að sér kveða í
framtíðinni.
Guðmundur Guðmundsson
landsliðsþjálfari var ánægður að
vera búinn með þennan leik.
„Það er afar gott að þetta
verkefni sé að baki. Það er aldrei
gott að undirbúa lið fyrir leik
þegar maður hefur engar myndir
og veit ekkert. Það kom samt fljótt
í ljós að þetta lið er ekki í sama
klassa og við,“ sagði Guðmundur
sem var ánægður með liðið.
„Strákarnir byrjuðu á fullu og
voru einbeittir. Ekkert bull í gangi
og gerðu það sem þurfti og meira
til að mínu mati. Þeir lögðu sig alla
fram og meira er ekki hægt að
biðja um,“ sagði Guðmundur sem
veit að erfiðara verkefni bíður
handan við hornið.
„Það er allt annar og erfiðari
leikur. Við verðum að undirbúa
okkur vel en tíminn er naumur.
Mér fannst sóknarleikurinn ganga
ágætlega á köflum og flestir
standa sig vel. Eina sem ég get
kvartað yfir er varnarleikurinn á
kafla í síðari hálfleik“ - hbg / - óþ
Brunað yfir varnarlausa Belga
Leiðin á EM í Austurríki 2010 hjá íslenska landsliðinu hófst í gær þegar íslenska hraðlestin keyrði yfir
arfaslakt lið Belgíu. Nítján marka sigur, 40-21, staðreynd þar sem Guðjón Valur skoraði þúsundasta markið.
FJÖR Í HÖLLINNI Það var gaman í stúk-
unni í gær. FRÉTTABLAÐIÐ/ARNÞÓR
FYRSTI LANDSLEIKURINN Hinn 18 ára Aron Pálmarsson skoraði tvö mörk í fyrsta landsleiknum sínum í Laugardalshöllinni í gær.
FRÉTTABLAÐIÐ/ARNÞÓR