Réttur - 01.06.1952, Qupperneq 34

Sagnamyndir
eftir GUNNAR M. MAGNÚSS
í Vestmannaeyjum er banablóð
í berginu storkið enn; —
í skútunum féllu þeir friðlausu
og freisisleitandi menn.
Á Þlngvöllum eru þúsund gjár,
— en þó eru fleiri menn,
sem réttinum voru rændir þar.
— þeir ræna honum stundum enn.
f Kópavogi er grasið grænt,
það grær upp af tárum manns,
sem forðum var píndur að krjúpa á kné
fyrir kúgara þessa lands.
Á eyrinni vestur við Amarfjörð
er ilmur úr sævargrund.
Þar ól hún Þórdis íslandi son
á okkar hamingju stund.
Frá Bessastöðum til Brimarhólms
var boðleið hins dæmda manns.
— Það sigldu fáir í sólskini heim
til hins svívirta föðurlands.