Réttur - 01.09.1963, Side 64

192
R É T T U R
Og aðalatriðið með hina 5 milljarðana er að þeir munu lifa, og
hvorki hungurlífi né tærast upp af sjúkdómum, — eins og sumir,
sem fylgja Maltusarkenningunni nú á tímum, spá.
Þegar læknislist og heilbrigðiseftirlit Yesturlanda breiðast út til
þróunarlandanna, tekur mannfjölgunin stökk eins og gerðist á
\esturlöndum á 18. og 19. öld. (Vér Islendingar vorum þá í röð ný-
lenduþjóðanna, og erum í „stökkinu“ nú).
Baade sýnir fram á að sú tækni, sem nú er beitt til fæðufram-
leiðslu i háþróuðum löndum, gæti, ef henni væri beitt í öllum lönd-
um heims við allt það yfirborð jarðar, sem nú er hæft til ræktunar,
framfleytt 38 milljörðum manna. Og þá er ekki gert ráð fyrir að
„yrkja“ sjóinn eða framleiða eggjahvítuefni úr olíu. Og það skortir
heldur ekki orkugjafa framtíðarinnar.
Þjóðir þróunarlandanna munu ekki láta neina nýlenduhætti eða
aðalsyfirdrottnun standa í vegi framfara sinna, heldur sópa öllum
slíkum hindrunum úr vegi. Og Baade ráðleggur vestrænum þjóðum
að taka þátt í þeim aðgerðum, — ella .... — og hvað í þessu „ella“
felst sýnir tafla sú, er fylgir þessari grein. Hún sýnir raunsætt en
samþjappað þróunina samkvæmt stefnu þeirri, er Baade hyggur að
verði. Nokkru er þó bætt í eftir bandarískum heimildum.
Athugum nú þessa töflu nánar.
Um mannfjölgunina verður vart deilt, nema hvað þar er áætlunin
um þróunarlöndin óvissust. Stuðst er við mannfjölgun áratugsins
1950—60. Bandaríkin og Sovétríkin eru þar með 1.7% fjölgun. Það
kallar Baade „þriðja stig“. Árleg fjölgun í Vestur-Evrópu er 0.7%
og kallar Baade slíkt „fjórða stig“, en þar er tiltölulega hægagangur
kominn á fjölgunina. Þróunarlöndin hafa vaxið um 2.4% síðasta
áratug og er það kallað „annað stig“ — hröð mannfjölgun. (Oss
Islendingum hefur fjölgað um 2.0 undanfarna áratugi frarn að
1950, en hámarki mannfjölgunar á Islandi nær áratugurinn 1950—-
60 með 2.08% og er um leið mesta mannfjölgunar hlulfall í
Evrópu.) Baade reiknar hins vegar með að nokkuð dragi úr þessum
hraða í þróunarlöndunum, því er hér á töflunni reiknað með 2.2%.
Taflan sýnir ennfremur þjóðarframleiðslu, nú og árið 20'00, í
bandaríkjadollurum og verðlagi ársins 1960. Hvorki hernaðarfram-
leiðsla Bandaríkjanna né Sovétríkjanna er talin með. Hvað allar
aðrar þjóðir snertir þá er hér um að ræða þjóðarframleiðslu. Fram-
leiðsla Sovétríkjanna er áætluð 62% af framleiðslu Bandaríkjanna
1960. Samkvæmt þeim tölum er framleiðsla á mann í Sovétríkjun-
um mun meiri en í Vestur-Evrópu. Þetta er rétt, en lífskjör í Sovét-