Réttur - 01.11.1964, Qupperneq 41

R E T T U R
233
ar síöan fyrirtækinu og stendur ábyrg gagnvart ráðinu. Hún tekur
ákvarðanir um lántökur og fjárfestingar, vinnuskipulagningu og
hagnað. Samfara allmiklum réttindum hvíla á henni skyldur, m. a.
að halda við verðmæti „fasta kapítalsins“, þ. e. viðhald og endur-
nýjun, gera nauðsynlegar ráðstafanir til framleiðsluaukningar og
íiamkvæmdir til almenningsþarfa, svo sem íbúðabygg.ingar, skóla-
og menningarstarfsemi, sjúkrahjálp o. s. frv. Nefndinni ber að
vinna að auknum vinnuafköstum og lækkun framleiðslukostnaðar.
Fyr.irtækin eru ríkiseign þrátt fyrir þetta rekstrarkerfi.
Uppbygging sósíalismans hefst í Alsír áður en húið er að losa
sig að fullu og öllu undan ítökum gamla nýlenduveldisins.
Byltingarsinnaður forustuflokkur verkalýðsins er fyrst myndaður
í hinni sósíalísku byltingu, en ekki áður.
Leiðin til sósíalismans er ákveðin samkvæmt grundvallaratriðum
fræðikenningar marxismans.
* *
Samkvæmt stjórnarskrá Alsír er sósíalisminn takmarkið, en
lslam er ríkistrúarbrögð. Mörgum mun finnast mótsögn í þessu.
Sósíalistar í Alsír eru á öðru máli. Þeir benda á, að marxistar
megi ekki gleyma því, að stéttabaráttan er driffjöðurin í þjóðfé-
lagsþróuninni, og að sú þróun fari eftir lögmálum, sem ekki eru
bundin hugmyndafræðilegum skilgreiningum. Saga þeirra sýni, að
byltingarvilji ákvarðist ekki af því, hvort maður er trúaður eða
trúlaus. Bæði trúaðir og trúlausir geta verið byltingarmenn, og
trúleysingi getur verið afturhaldsseggur. Afstaðan til stéttabarátt-
unnar ræður úrslitum.
Þótt íslam móti mest huga almennings í Alsír, þá hafa hinar
miklu þjóðlífsumturnanir opnað augu hans fyrir sósíalísku inni-
haldi byltingarinnar. Byltingarvilji alþýðunnar er ekki einangr-
aður frá sósíalískri hegðun og framferði, og hann hefur mótast
og eflst í lífsbaráttunni, baráttunni gegn nýlendukúgun og auð-
valdi. Það eru stéttaandstæður milli Ibrahims guðfræðings —
sem berst gegn sósíalisma — og landbúnaðarverkamanns, enda
þótt þeir séu báð.ir Múhameðstrúar, og þessar andstæður koma
fram í túlkun þeirra á trúarbrögðunum. Trúlaus kennari og borg-
aralegur frímúrari eiga heldur ekki sameiginleg áhugamál, aftur
á móti trúaður bóndi og trúlaus kennari.
í Alsír fer byltingarstjórn með völd og hefur á stefnuskrá sinni
að framkvæma hagsmunamál alþýðunnar. Það er ólíkt því sem er í
Jórdaníu, Saudiarabíu eða öðrum arabiskum löndum, þar sem
valdastéttin notfærir sér trúarbrögðin til að bregða fæt.i fyrir allar