Réttur - 01.10.1930, Page 20

332
KARL MARX
[Rjettur
algerlega yfirhöndina árið 1841 (í bók hans »Das
Wesen des Christentums«). Árið 1843 gaf hann
út bókina: »Grundvöllur að heimspeki framtíðarinnar«.
»Þessar bækur leystu af hendi lausnarstarf«, skrifaði
Engels um rit Feuerbachs. »Við (þ. e. a. s. hinir rót-
tæku Hegelsinnar, þar á meðal Marx) urðum óðar
fylgjendur Feuerbachs«. Um þetta leyti stofnuðu
nokkrir róttækir borgarar í Rínarlandi, er höfðu sams-
konar skoðanir og hinir róttæku Hegelsinnar, einskon-
ar uppreisnarblað í Köln. Hét það »Rheinische Zeitung«
og byrjaði að koma út 1. jan. 1842.
Marx og Bruno Bauer voru nú hvattir til að gerast
helztu aðstoðarmenn blaðsins, og í október 1842 varð
Marx aðalritstjóri og flutti frá Bonn til Köln. Hin
byltingarkennda og lýðræðissinnaða viðleitni blaðsins
varð enn auðsærri og berari undir ritstjórn Marx.
Stjórnin setti nú tvöfalda og þrefalda ritskoðun á blað-
ið og ákvað síðan að banna það frá 1. jan. 1843. Marx
fór reyndar frá ritstjórn, áður en svona var komið, en
það gat eigi bjargað blaðinu, og var það bannað í marz
1843. Starfsemi Marx við blaðið hafði sannfært hann
um, að hann skorti mjög þekkingu í félagsfræði og
hagfræði. Tók hann nú af miklum áhuga og atorku að
leggja stund á þessar greinar.
1843 kvæntist Marx í Kreiznach Jenny von West-
phalen. Var það æskuvina hans, og höfðu þau verið
heitbundin frá því að hann var stúdent. Hún var kom-
in af prússneskri, afturhaldssamri aðalsfjölskyldu.
Bróðir hennar var innanríkisráðherra í Prússlandi á
einu helzta afturhaldstímabilinu, frá 1850—1858.
Haustið 1843 fór Marx til Parísar. Ætlaði hann þar
erlendis að gefa út róttækt tímarit ásamt Arnold Ruge.
Það kom aðeins út eitt hefti af þessu tímariti, »Deutsch-
Französische Jahrbíicher«. Það varð að hætta vegna
þess, hve erfitt var að dreifa því leynilega um
Þýzkaland, og auk þess bar Marx og Ruge ýmislegt á