Réttur - 01.07.1972, Blaðsíða 2

ur smánarsamninginn, sem skráður var undir ógnunum fallbyssnanna. Gamla
Ijónið urrar og sýnir brotnar tennurnar, en þorir ekki að bíta. — Hið forna
vígorð: eigi víkja mun færa oss sigurinn sem fyrr, ef þrautseigja vor og sam-
heldni ekki bilar.
★
En meðan við heyjum okkar friðsamlegu baráttu fyrir fullu sjálfsforræði
yfir hafi og landi, heyr önnur þjóð sína blóðugu, fórnfreku frelsisbaráttu
austur í Víetnam við voldugasta, nýtízkasta nýlenduveldi heims: Bandaríkin.
'O'ld vor er öld hryðjuverkanna. Nú síðast voru slík viðbjóðsleg verk drýgð
' Evrópu í smáum stíl í Munchen af „áhugamönnum" sem afvegaleiddir
telja sig fórna lífi sínu fyrir hugsjón, — en „sérfræðingar" hryðjuverkanna
í stórum stíl sitja í Pentagon: múgmorðingjar, sem vinna vísindalega að
útrýmingu saklauss fólks í tugþúsunda tali og gera slík verk að góðum
„business" fyrir volduga auðhringa, framleiðendur drápstólanna. Með verk-
um sínum: eyðingu og eitrun akra og skóga til frambúðar og sprengjuvarpi
á stíflugarða — gefur hervaldið mikla hinni fátæku, frelsisunnandi þjóð í
skyn að það muni eyðileggja lífsmöguleika hennar í landinu til langframa,
ef hún ekki lofi sér að vinna stríðið og firri hrokagikkina í Washington alþjóð-
legum álitshnekki hjá þeim, er allt meta eftir valdi.
Fyrir ameríska auðvaldið er Víetnam-stríðið upphaf að þeirra þriðju heims-
styrjöld: styrjöldinni gegn hinum fátæku í veröldinni. Þetta eyðileggingar-
stríð á að sýna fátækum þjóðum heims, hvað það geti kostað þær að hyggja
á að vera frjálsar og sjálfstæðar og sitja að eigin auðlindum — í stað
þess að lofa öðrum að ræna þær. Það geti kostað lífið, — eigi aðeins miljóna
einstaklinga, heldur og heillar þjóðar. — Víetnam-búar sýna heiminum nú
að þeir eru reiðubúnir að fórna lífinu fyrir frelsið, — miljónum saman. Og
sú fórnfýsi, það ótrúlega hugrekki og hetjuskapur, sem þessi þjáða þjóð
sýnir, vinnur hug mannkynsins á þeirra band gegn fjörráðum ameríska valds-
ins. — Eitt sinn sýndi og nýlenduþjóð í þrettán smáfylkjum á austurströnd
Norður-Ameríku slíkt hugrekki og frelsisást í baráttu við brezkt kúgunar-
vald. En nú er öllu þar svo gersamlega umsnúið í algera andstæðu sína
að háir herrar í borg, sem ber nafn Washington, myndu myrða George
Washington Víetnama, ef þeir mættu. Enda vex nú hatur og fyrirlitning á
ameríska herveldinu um allan heim og ekki sízt í sjálfum Bandaríkjunum.
★
Réttur ræðir ýmsa þætti þessa máls að sinni, svo sem greinar þessa
heftis sýna.